17 ოქტომბერს საქართველოში ვეტერანის დღე აღინიშნება
ბოდბელმა მთავარეპისკოპოსმა იაკობმა ვეტერანებს პროფესიული დღე მიულოცა.
ვეტერანის დღე საქართველოში 2014 წლიდან აღინიშნება. 1995 წლის 17 ოქტომბერს საქართველოს პარლამენტმა მიიღო კანონი „ომისა და სამხედრო ძალების ვეტერანთა შესახებ“, რომლის საფუძველზეც შემდგომში დაწესდა ვეტერანის დღე.
მილოცვა და მადლიერების სიტყვები სოციალურ ქსელში ბოდბელმა მთავარეპისკოპოსმა იაკობმა გაავრცელა.
„ქართველ ვეტერანებს ვულოცავთ პროფესიულ დღეს, ვუსურვებთ ჯანმრთელობას, მხნეობას და უფლის წყალობას! განუზომდლია ქართველ ვეტერანთა წვლილი საქართველოს დამოუკიდებლობისა და თავისუფლებისათვის ბრძოლის გზაზე, რომლებმაც საკუთარი სიცოცხლისა და ჯანმრთელობის ფასად დღემდე მოიტანეს ჩვენი ქვეყანა და კვლავაც გაუტეხელია მათი სულისკვეთება. საქართველოს სიყვარულში მუდამ წინ უძღოდეთ წმინდა დიდმოწამე გიორგი!“ — ნათქვამია მთავარეპისკოპოსი იაკობის მილოცვაში.
ინფორმაციასა და მილოცვას „ბოდბელი მთავარეპისკოპოსი იაკობი / Archbishop of Bodbe Jakob“-ის ოფიციალური Facebook გვერდი ავრცელებს.
