<?xml version="1.0" encoding="UTF-8"?><rss xmlns:atom="http://www.w3.org/2005/Atom" xmlns:content="http://purl.org/rss/1.0/modules/content/" version="2.0"><channel><title>ახალი ამბები და სტატიები UOJ</title><link>https://mzk.ge/ge/</link><description>სტატიები და სიახლეები მართლმადიდებლობის, UOC და ქრისტიანობის შესახებ</description><language>ka</language><lastBuildDate>Tue, 17 Nov 2026 15:40:17 +0400</lastBuildDate><atom:link href="https://mzk.ge/ge/rss" rel="self" type="application/rss+xml"/><item><title><![CDATA[სოფელ ნაკიფუში გრძელდება ტაძრის მშენებლობა]]></title><link>https://mzk.ge/ge/news/91300-sopel-nakipushi-grdzeldeba-tadzris-mshenebloba</link><description><![CDATA[მიტროპოლიტ გერასიმეს ლოცვა-კურთხევით ტაძარში გუმბათის ყელის მოწყობის სამუშაოები მიმდინარეობს.]]></description><pubDate>Tue, 17 Nov 2026 15:36:00 +0400</pubDate><category>ახალი ამბები</category><content:encoded><![CDATA[მიტროპოლიტ გერასიმეს ლოცვა-კურთხევით სოფელ ნაკიფუში წმინდა ილია წინასწარმეტყველის სახელობის ტაძრის მშენებლობა გრძელდება.
    
    
        ამ თემაზე
        მიტროპოლიტმა გერასიმემ არჩილ ჩხიკვაძე მღვდლად აკურთხა
    

ამჟამად ტაძარში გუმბათის ყელის მოწყობის სამუშაოები მიმდინარეობს.სამშენებლო პროცესის ხელშეწყობაში მნიშვნელოვანი წვლილი შეაქვთ იმ ადამიანებს, რომლებიც საკუთარი შრომით, შემოწირულობებითა და თანადგომით მონაწილეობენ ამ კეთილ საქმეში.ტაძრის მშენებლობის ორგანიზატორები მადლობას უხდიან თითოეულ ადამიანს გაწეული დახმარებისა და გულშემატკივრობისთვის და აღნიშნავენ, რომ თითოეული ადამიანის წვლილი ფასდაუდებელია.მართლმადიდებელ ჟურნალისტთა კავშირი წერდა, რომ მეუფე გერასიმემ წმინდა გიორგის სკოლა-გიმნაზიის წარჩინებული კურსდამთავრებულები დალოცა.
]]></content:encoded><guid>https://mzk.ge/ge/news/91300-sopel-nakipushi-grdzeldeba-tadzris-mshenebloba</guid><enclosure url="https://mzk.ge/img/article/913/0_main.jpg" length="82113" type="image/jpeg"/></item><item><title><![CDATA[მიტროპოლიტი გრიგოლი ბელგიისა და ჰოლანდიის ეპარქიის ქართულ სამრევლოებს ეწვია]]></title><link>https://mzk.ge/ge/news/91299-mitropoliti-grigoli-belgiisa-da-holandiis-eparkiis-kartul-samrevloebs-etsvia</link><description><![CDATA[10-15 ნოემბერს ფოთისა და ხობის მიტროპოლიტი გრიგოლი, ეპისკოპოს დოსითეოსის მიწვევით, ბელგიისა და ჰოლანდიის ეპარქიის ქართულ სამრევლოებში იმყოფებოდა. ვიზიტის ფარგლებში სტუმრები ეპარქიის საგანმანათლებლო და მისიონერულ საქმიანობას გაეცნენ.]]></description><pubDate>Tue, 17 Nov 2026 15:13:00 +0400</pubDate><category>ახალი ამბები</category><content:encoded><![CDATA[მიმდინარე წლის 10-15 ნოემბერს ფოთისა და ხობის მიტროპოლიტმა გრიგოლმა თანმხლებ პირებთან ერთად ბელგიისა და ჰოლანდიის ეპარქიის ქართული სამრევლოები მოინახულა და მოილოცა. ვიზიტი ეპარქიის მმართველი ეპისკოპოსის, ყოვლადუსამღვდელოეს დოსითეოსის (ბოგვერაძე) მიწვევით გაიმართა.სტუმრები გაეცნენ ეპარქიაში მიმდინარე საგანმანათლებლო და მისიონერულ საქმიანობას, რომელსაც ეპისკოპოსი დოსითეოსი უკანასკნელი 20 წლის განმავლობაში ახორციელებს.
    
    
        ამ თემაზე
        ფოთში მეუფე გრიგოლის წიგნის პრეზენტაცია გაიმართება
    

მიტროპოლიტ გრიგოლის თანმხლებ პირთა შორის იყვნენ ახალი საქართველოს უნივერსიტეტის პროფესორები: ფილოსოფიის დოქტორი თენგიზ ირემაძე და ფილოსოფიის დოქტორი ლალი ზაქარაძე, იღუმენია თეკლა (წიქარიძე) და დეკანოზი იოანე კორძახია.14 ნოემბერს ბრიუსელის წმინდა მეფე თამარის სამრევლოში გაიმართა საჯარო დისკუსია თემაზე „რწმენა და ცოდნა: თანამედროვე კონტექსტი“.15 ნოემბერს კი მიტროპოლიტმა გრიგოლმა და ეპისკოპოსმა დოსითეოსმა ბრიუსელის წმინდათამარ მეფის საკათედრო ტაძარში ერთობლივი საღვთო ლიტურგია აღასრულეს.მართლმადიდებელ ჟურნალისტთა კავშირი ადრე წერდა, რომ ახალი საქართველოს უნივერსიტეტში მიტროპოლიტ გრიგოლის წიგნის პრეზენტაცია შედგა.
]]></content:encoded><guid>https://mzk.ge/ge/news/91299-mitropoliti-grigoli-belgiisa-da-holandiis-eparkiis-kartul-samrevloebs-etsvia</guid><enclosure url="https://mzk.ge/img/article/912/99_main.jpg" length="111164" type="image/jpeg"/></item><item><title><![CDATA[დეკანოზმა ნიკოლოზ ლატარიამ სკოლის მოსწავლეებთან შეხვედრა გამართა]]></title><link>https://mzk.ge/ge/news/91298-dekanozma-nikoloz-latariam-skolis-mostsavleebtan-shekhvedra-gamarta</link><description><![CDATA[ღირებულებითი განათლების კლუბში შეხვედრის თემა თანაგრძნობა იყო — მოსწავლეებმა მოწყალე სამარიტელის სახარებისეული იგავი განიხილეს და სხვისი დახმარების მნიშვნელობაზე იმსჯელეს.]]></description><pubDate>Tue, 17 Nov 2026 13:37:27 +0400</pubDate><category>ახალი ამბები</category><content:encoded><![CDATA[13 ნოემბერს დეკანოზმა ნიკოლოზ ლატარიამ ზუგდიდის №10 საჯარო სკოლის „ღირებულებითი განათლების“ კლუბის წევრებთან მორიგი შეხვედრა გამართა.შეხვედრა თემას — „თანაგრძნობა“ — დაეთმო. მოსწავლეებმა იმუშავეს როგორც ინდივიდუალურად, ისე ჯგუფურად. მათ განიხილეს სახარებისეული იგავი „მოწყალე სამარიტელზე“ და იმსჯელეს ყოველდღიურ ცხოვრებაში თანაგრძნობის გამოვლენის მნიშვნელობაზე.
    
    
        ამ თემაზე
        ზუგდიდის №1 საჯარო სკოლაში შეხვედრა თემაზე „ხედვა და პერსპექტივა“ გაიმართა
    

შეხვედრის ფარგლებში ყურადღება გამახვილდა იმაზე, თუ როგორ უნდა მოვიქცეთ მაშინ, როდესაც ჩვენს გვერდით მყოფ ადამიანს უჭირს, და რა ფორმით შეგვიძლია მისი დახმარება.აღინიშნა, რომ თანაგრძნობა სხვისი ტკივილის დანახვისა და დახმარების სურვილის გაჩენის უნარია. ეს შეიძლება გამოიხატოს ადამიანის ყურადღებით მოსმენაში, სიტყვიერ ნუგეშში, მხარდაჭერასა და მის გვერდით დგომაში.შეხვედრა მოსწავლეებისთვის საინტერესო და ნაყოფიერი აღმოჩნდა.მართლმადიდებელ ჟურნალისტთა კავშირი წერდა, რომ აფხაზეთის №1 საჯარო სკოლაში საგანმანათლებლო-კულტურული ღონისძიება გაიმართა.
]]></content:encoded><guid>https://mzk.ge/ge/news/91298-dekanozma-nikoloz-latariam-skolis-mostsavleebtan-shekhvedra-gamarta</guid><enclosure url="https://mzk.ge/img/article/912/98_main.jpg" length="56888" type="image/jpeg"/></item><item><title><![CDATA[გორისა და ატენის მიტროპოლიტმა ანდრიამ ორი სასულიერო პირი აკურთხა]]></title><link>https://mzk.ge/ge/news/91297-gorisa-da-atenis-mitropolitma-andriam-ori-sasuliero-piri-akurtkha</link><description><![CDATA[15 ნოემბერს გორის საკათედრო ტაძარში საღმრთო ლიტურგიის დროს დიაკონი გიორგი გვანცელაძე მღვდლად, ხოლო მონაზონი იოანე ბერდიაკვნად აკურთხეს.]]></description><pubDate>Tue, 17 Nov 2026 12:37:00 +0400</pubDate><category>ახალი ამბები</category><content:encoded><![CDATA[კვირას, 15 ნოემბერს, გორისა და ატენის მიტროპოლიტმა ანდრიამ ყოვლადწმინდა ღვთისმშობლის შობის სახელობის გორის საკათედრო ტაძარში საღმრთო ლიტურგია აღასრულა.
    
    
        ამ თემაზე
        მიტროპოლიტმა ანდრიამ იაკობ გოგებაშვილის სულის მოსახსენებელი პანაშვიდი გადაიხადა
    

საღმრთო ლიტურგიის დროს ორი ხელდასხმა შესრულდა: დიაკონი გიორგი გვანცელაძე მღვდლად აკურთხეს, ხოლო მონაზონი იოანე — ბერდიაკვნად.საღმრთო ლიტურგიის დასასრულს გორისა და ატენის მიტროპოლიტმა ანდრიამ მიცვალებულთა სულის საოხად პანაშვიდი გადაიხადა.მართლმადიდებელ ჟურნალისტთა კავშირი წერდა, რომ გორის ყოვლადწმინდა სამების ტაძარს დეკანოზი ანატოლი ფიოდორუკი ეწვია.
]]></content:encoded><guid>https://mzk.ge/ge/news/91297-gorisa-da-atenis-mitropolitma-andriam-ori-sasuliero-piri-akurtkha</guid><enclosure url="https://mzk.ge/img/article/912/97_main.jpg" length="106253" type="image/jpeg"/></item><item><title><![CDATA[17 ნოემბერს ეკლესია წმიდა იოანე, სტეფანე და ესაია ქართველთა ხსენების დღეს აღნიშნავს]]></title><link>https://mzk.ge/ge/news/91296-17-noembers-eklesia-tsmida-ioane-stepane-da-esaia-kartvelta-khsenebis-dghes-aghnishnavs</link><description><![CDATA[წმიდანთა შესახებ ცნობები მხოლოდ საეკლესიო კალენდარმა შემოგვინახა. მკვლევართა ვარაუდით, ისინი იერუსალიმში მოღვაწეობდნენ და ქრისტეს საფლავის საპატიო მცველები იყვნენ.]]></description><pubDate>Tue, 17 Nov 2026 12:22:00 +0400</pubDate><category>ახალი ამბები</category><content:encoded><![CDATA[17 ნოემბერს მართლმადიდებელი სამოციქულო ეკლესია წმიდა იოანე, სტეფანე და ესაია ქართველთა ხსენების დღეს აღნიშნავს.წმიდანთა შესახებ ცნობები მხოლოდ საეკლესიო კალენდარმა შემოგვინახა. ისინი იმ ქართველ წმიდანთა შორის არიან, რომელთა ღვაწლიც საუკუნეების განმავლობაში ეკლესიის ხსოვნაშია დაცული.
    
    
        ამ თემაზე
        9 ნოემბერს მართლმადიდებელი ეკლესია წმიდა მოწამე ნესტორ თესალონიკელს იხსენებს
    

საქართველოს მართლმადიდებელი ეკლესიის მიერ წმიდანად შერაცხულ მართალთა შორის ოთხი წმიდანია. მათგან ორი — ერის მამად და უგვირგვინო მეფედ წოდებული წმიდა ილია მართალი და საუკუნეების წინ მოღვაწე წმიდა იოანე, სტეფანე და ესაია ქართველნი არიან.როგორც მეცნიერები და მკვლევრები ვარაუდობენ, წმიდა იოანე, სტეფანე და ესაია ქართველები იერუსალიმში მოღვაწეობდნენ და ქრისტეს საფლავის საპატიო მცველები იყვნენ.მართლებად იწოდებიან ის ქრისტიანები, რომლებმაც მთელი ამქვეყნიური ცხოვრება ღვთის დიდებასა და ერის მსახურებას მიუძღვნეს. მათი ღვაწლი აერთიანებს ღირსი მამების, აღმსარებლებისა და მოწამეებისთვის დამახასიათებელ სულიერ თავდადებას.საქართველოს სამოციქულო ეკლესია წმიდა იოანე, სტეფანე და ესაია ქართველთა ხსენებას უკვე რამდენიმე საუკუნეა, აღასრულებს.მართლმადიდებელ ჟურნალისტთა კავშირმა დაწერა: მართლმადიდებელი ეკლესია წმიდა მოწამეებს ტროფიმეს, საბატის და დორიმედონტს მოიხსენიებს.
]]></content:encoded><guid>https://mzk.ge/ge/news/91296-17-noembers-eklesia-tsmida-ioane-stepane-da-esaia-kartvelta-khsenebis-dghes-aghnishnavs</guid><enclosure url="https://mzk.ge/img/article/912/96_main.jpg" length="66048" type="image/jpeg"/></item><item><title><![CDATA[მიტროპოლიტი იობის შეურაცხყოფის გამო ლაშა ნაცვლიშვილი 2500 ლარით დააჯარიმეს]]></title><link>https://mzk.ge/ge/news/91295-mitropolit-iobis-sheuratskhqopis-gamo-lasha-natsvlishvili-2500-larit-daajarimes</link><description><![CDATA[სასამართლოს გადაწყვეტილება 16 ნოემბერს გამოცხადდა. სხდომას არც თავად ლაშა ნაცვლიშვილი და არც მისი ადვოკატი დასწრებია.]]></description><pubDate>Tue, 17 Nov 2026 11:00:00 +0400</pubDate><category>ახალი ამბები</category><content:encoded><![CDATA[ლაშა ნაცვლიშვილი, რომელმაც მიტროპოლიტ იობს (აქიაშვილს) სოციალურ ქსელში სიტყვიერი შეურაცხყოფა მიაყენა, სასამართლომ 2500 ლარით დააჯარიმა.სასამართლოს გადაწყვეტილება 16 ნოემბერს გამოცხადდა. სხდომას არც თავად ნაცვლიშვილი და არც მისი ადვოკატი დასწრებია.
    
    
        ამ თემაზე
        მიტროპოლიტი იობი: „უკვე ნიღბების ჩამოხსნის პროცესი დაიწყო – გამოჩნდება, ვინ ვინ არის“
    

შემთხვევა მას შემდეგ მოხდა, რაც სოციალურ ქსელებში მროველ-ურბნელი მიტროპოლიტის იობის ქადაგება გავრცელდა.ქადაგების შემდეგ ლაშა ნაცვლიშვილმა მღვდელმთავარს საჯაროდ მიაყენა სიტყვიერი შეურაცხყოფა.მართლმადიდებელ ჟურნალისტთა კავშირი წერდა: რუის-ურბნისის ეპარქია განცხადებას აქვეყნებს.
]]></content:encoded><guid>https://mzk.ge/ge/news/91295-mitropolit-iobis-sheuratskhqopis-gamo-lasha-natsvlishvili-2500-larit-daajarimes</guid><enclosure url="https://mzk.ge/img/article/912/95_main.jpg" length="37961" type="image/jpeg"/></item><item><title><![CDATA[დეკანოზი ტარიელ ჟღენტი: ეკლესიამ უარი უნდა თქვას არასწორი გზით ნაშოვნი ფულის შესაწირად მიღებაზე]]></title><link>https://mzk.ge/ge/news/91294-dekanozi-tariel-zhghenti-eklesiam-uari-unda-tkvas-arastsori-gzit-nashovni-pulis-shesatsirad-mighebaze</link><description><![CDATA[„ჩვენ, ეკლესიამ, მინიმუმ ის უნდა გავაკეთოთ, რომ კაზინოს მფლობელს, რომელიც შესაწირს მოგვიტანს, ვუთხრათ, რომ ეს ფული ცუდად აქვს ნაშოვნი, და არ ავიღოთ“, – განაცხადა სასულიერო პირმა ქადაგებისას.]]></description><pubDate>Tue, 17 Nov 2026 10:36:00 +0400</pubDate><category>ახალი ამბები</category><content:encoded><![CDATA[დეკანოზმა ტარიელ ჟღენტმა ქადაგებისას ისაუბრა ეკლესიის პასუხისმგებლობაზე არასწორი გზით მიღებულ შემოწირულობებთან დაკავშირებით და აღნიშნა, რომ ეკლესიამ უარი უნდა თქვას ისეთი თანხის მიღებაზე, რომელიც არაკეთილსინდისიერი საქმიანობით არის მოპოვებული.მისი თქმით, როდესაც კაზინოს მფლობელი ეკლესიას დიდ შესაწირს სწირავს, სასულიერო პირებმა მხოლოდ თანხის მიღებითა და ამავდროულად მისი საქმიანობის გაკრიტიკებით არ უნდა შემოიფარგლონ.
    
    
        ამ თემაზე
        დეკანოზი ბესარიონ ბულაშვილი: „ამბიონი არის ის ადგილი, საიდანაც გაისმის მხილება არაეკლესიური ქმედებების წინააღმდეგ“
    

„ჩვენ, ეკლესიამ, მინიმუმ რა შეგვიძლია გავაკეთოთ, იცით? რომ მოვა კაცი, კაზინოს მფლობელი რომ არის, და რომ მოგცემს შესაწირს, უნდა უთხრა, რომ შენ გლახად გაქვს ეგ ფული ნაშოვნიო და არ ავიღებ. ჩვენ იმას ვიღებთ, თან ვეუბნებით, რომ ცუდად გაქვს ნაშოვნი. (...) ჩვენ უარი უნდა ვთქვათ არასწორი საქმის შესაწირზე, ეს იქნებოდა უფრო კარგი. თუმცა ეკლესია ვალდებულია, რასაც ხედავს, რომ არასწორია, ამბიონიდან ყველაფერზე რეაგირება ჰქონდეს და ყველაფერი თქვას“, – განაცხადა დეკანოზმა ტარიელ ჟღენტმა.შეგახსენებთ, რომ 100 000 მოწამის ხსენების დღეს, მართლმადიდებელ ჟურნალისტთა კავშირთან საუბრისას, დეკანოზმა ტარიელ ჟღენტმა განაცხადა, რომ იგი მეუფე იობის ხელდასხმულია და მიტროპოლიტის პოზიციას სრულად იზიარებს.
    ბოლო პერიოდში მიტროპოლიტ იობის მიერ გამოთქმულ მოსაზრებებს სულ უფრო მეტი სასულიერო პირი ეხმაურება. სხვადასხვა ეკლესიისა და მონასტრის წინამძღვრები ამბიონიდან გამოხატავენ მის მიმართ მხარდაჭერას და ხელისუფლებას მოუწოდებენ,გაითვალისწინოს წარსულის გამოცდილება და ეკლესიასთან დაპირისპირებას მოერიდოს.მართლმადიდებელ ჟურნალისტთა კავშირმა დაწერა: ეპისკოპოსი გიორგი ჯამდელიანი – „შეჩერდით, ნუ მონაწილეობთ ამ სიბინძურეში“.
]]></content:encoded><guid>https://mzk.ge/ge/news/91294-dekanozi-tariel-zhghenti-eklesiam-uari-unda-tkvas-arastsori-gzit-nashovni-pulis-shesatsirad-mighebaze</guid><enclosure url="https://mzk.ge/img/article/912/94_main.jpg" length="72401" type="image/jpeg"/></item><item><title><![CDATA[იგეგმება შემოქმედის არქიტექტურული კომპლექსის რეაბილიტაცია ]]></title><link>https://mzk.ge/ge/news/91293-igegmeba-shemokmedis-arkitekturuli-kompleksis-reabilitatsia-</link><description><![CDATA[პროექტი ითვალისწინებს ტაძრების ქვის წყობისა და კედლის მხატვრობის კონსერვაციას, გადახურვის სრულად შეცვლასა და წყალარინების სისტემის მოწყობას.]]></description><pubDate>Tue, 17 Nov 2026 08:24:16 +0400</pubDate><category>ახალი ამბები</category><content:encoded><![CDATA[საქართველოს კულტურული მემკვიდრეობის დაცვის ეროვნული სააგენტო ოზურგეთის მუნიციპალიტეტის სოფელ შემოქმედში მდებარე ეროვნული მნიშვნელობის კატეგორიის ძეგლის — შემოქმედის არქიტექტურული კომპლექსის რეაბილიტაციას გეგმავს.სარეაბილიტაციო სამუშაოების დაწყებამდე სააგენტომ უზრუნველყო საპროექტო-სახარჯთაღრიცხვო დოკუმენტაციის მომზადება. პროექტირების ფარგლებში ჩატარდა კომპლექსის არქიტექტურული, კონსტრუქციული და საინჟინრო კვლევები, შეფასდა ძეგლის არსებული დაზიანებები და განისაზღვრა რეაბილიტაცია-კონსერვაციის, ასევე კედლის მხატვრობის დაცვის მეთოდოლოგია.
    
    
        ამ თემაზე
        კულტურული მემკვიდრეობის დაცვის სფეროში ჩართული უწყებები განცხადებას ავრცელებენ
    

პროექტის განხორციელების შედეგად გათვალისწინებულია ძეგლის დაზიანების გამომწვევი ფაქტორების აღმოფხვრა. ჩატარდება ქვის წყობისა და კედლის მხატვრობის საკონსერვაციო სამუშაოები, სრულად შეიცვლება ტაძრის გადახურვა და მოეწყობა წყალარინების სისტემა.საპროექტო დოკუმენტაციის დეტალები ადგილობრივი ხელისუფლების წარმომადგენლებს საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის პირველმა მოადგილემ, თეა ონიანმა, და შპს „Arch-R ჯგუფის“ დირექტორმა, გურამ სუთიძემ, გააცნეს.შეხვედრას ესწრებოდნენ გურიის მხარეში სახელმწიფო რწმუნებული გიორგი ღურჯუმელიძე, ოზურგეთის მერის მოვალეობის შემსრულებელი გია ანთაძე და საკრებულოს თავმჯდომარე დავით დარჩია.შემოქმედის არქიტექტურული კომპლექსი მაცხოვრისა და ზარზმის სახელობის ტაძრებს, სამრეკლოსა და გალავანს აერთიანებს. კომპლექსის მთავარი ნაგებობებია XII-XIV საუკუნეების მაცხოვრის სახელობის სამნავიანი ბაზილიკა და XVI საუკუნეში ვახტანგ გურიელის მიერ აგებული ზარზმის სახელობის გუმბათიანი ტაძარი.რეაბილიტაციის მიზანია ისტორიული კომპლექსის დაზიანებისგან დაცვა, მისი არქიტექტურული და მხატვრული ღირებულების შენარჩუნება და მომავალი თაობებისთვის გადაცემა.მართლმადიდებელ ჟურნალისტთა კავშირმა დაწერა: საქართველოს კულტურული მემკვიდრეობის დაცვის ეროვნული სააგენტოს განცხადება.
]]></content:encoded><guid>https://mzk.ge/ge/news/91293-igegmeba-shemokmedis-arkitekturuli-kompleksis-reabilitatsia-</guid><enclosure url="https://mzk.ge/img/article/912/93_main.jpg" length="88076" type="image/jpeg"/></item><item><title><![CDATA[კულტურული მემკვიდრეობის დაცვის სფეროში ჩართული უწყებები განცხადებას ავრცელებენ]]></title><link>https://mzk.ge/ge/news/91292-kulturuli-memkvidreobis-datsvis-speroshi-chartuli-utsqebebi-gantskhadebas-avrtseleben</link><description><![CDATA[კულტურული მემკვიდრეობის ძეგლებთან დაკავშირებით დეზინფორმაციის გავრცელებამ კამპანიური ხასიათი მიიღო.]]></description><pubDate>Tue, 17 Nov 2026 08:01:00 +0400</pubDate><category>ახალი ამბები</category><content:encoded><![CDATA[კულტურული მემკვიდრეობის ძეგლებთან, მათ შორის გელათის სამონასტრო კომპლექსთან, დაკავშირებით არასწორი და რიგ შემთხვევებში აბსურდული ინფორმაციის გავრცელებამ კამპანიური ხასიათი მიიღო.გავრცელებული განცხადების თანახმად, მიზანმიმართული დეზინფორმაციის ტირაჟირება ემსახურება ყველა იმ უწყების, ქართველი და უცხოელი მეცნიერის, დარგის სპეციალისტისა და სხვა ჩართული მხარის დისკრედიტაციას, რომლებიც საქართველოში კულტურული მემკვიდრეობის ძეგლთა დაცვისა და კონსერვაციის მიმართულებით მუშაობენ.
    
    
        ამ თემაზე
        მაია ბითაძის განცხადებით, გელათის მთავარი ტაძრის მდგომარეობა სტაბილურია
    

განცხადებაში განსაკუთრებული ყურადღება გამახვილებულია გელათის სამონასტრო კომპლექსთან დაკავშირებულ ინფორმაციაზე. აღნიშნულია, რომ წვიმიან ამინდში გადაღებული გარე ტერიტორია შიდა სივრცედ წარმოაჩინეს და ამის საფუძველზე გაავრცელეს ინფორმაცია, თითქოს დროებითი გადახურვის კონსტრუქცია ტაძარს წყლის ინფილტრაციისგან ვერ იცავს.განმარტების მიხედვით, მსოფლიო მემკვიდრეობის კომიტეტის რეკომენდაციით, გერმანული კომპანიის „ლეიერისა“ (Layher) და ქართველი არქიტექტორების ერთობლივი მუშაობის შედეგად, სამონასტრო კომპლექსის მთავარ ტაძარს უნიკალური საინჟინრო კონსტრუქციის მქონე დროებითი სახურავი აქვს მოწყობილი, რომელიც ძეგლს ატმოსფერული ნალექებისგან სრულად იცავს.აღნიშნულია, რომ ამ ეტაპზე დაცულია ტაძრის მხატვრობა და უნიკალური მოზაიკა.ამასთან, გელათის მთავარი ტაძრის მუდმივი გადახურვის სამუშაოები ინტენსიურ რეჟიმში მიმდინარეობს. არსებული გეგმის მიხედვით, დროებითი სახურავი 2027 წლის ბოლოს მოიხსნება.განცხადებაში ხაზგასმულია, რომ ტაძრის შიდა სივრცე სრულად არის დაცული და მომავალშიც დაცული იქნება ყველა ტიპის ატმოსფერული ნალექისგან.მართლმადიდებელ ჟურნალისტთა კავშირი წერდა: გელათის რეაბილიტაციის დროებითი კომიტეტი განცხადებას ავრცელებს.
]]></content:encoded><guid>https://mzk.ge/ge/news/91292-kulturuli-memkvidreobis-datsvis-speroshi-chartuli-utsqebebi-gantskhadebas-avrtseleben</guid><enclosure url="https://mzk.ge/img/article/912/92_main.png" length="564160" type="image/png"/></item><item><title><![CDATA[მიტროპოლიტმა გრიგოლმა ბრიუსელის საკათედრო ტაძარში სამღვდელმთავრო წირვა აღავლინა]]></title><link>https://mzk.ge/ge/news/91291-mitropolitma-grigolma-briuselis-sakatedro-tadzarshi-samghvdelmtavro-tsirva-aghavlina</link><description><![CDATA[ფოთისა და ხობის მიტროპოლიტი ბელგიისა და ჰოლანდიის ეპარქიას სტუმრობდა. ვიზიტის ფარგლებში ბრიუსელის სამრევლოში გაიმართა დისკუსია თემაზე „რწმენა და ცოდნა: თანამედროვე კონტექსტი“.]]></description><pubDate>Mon, 16 Nov 2026 19:49:32 +0400</pubDate><category>ახალი ამბები</category><content:encoded><![CDATA[15 ნოემბერს, კვირას, ბრიუსელის საკათედრო ტაძარში სამღვდელმთავრო წირვა აღავლინა ბელგიისა და ჰოლანდიის ეპარქიის სტუმარმა, ფოთისა და ხობის მიტროპოლიტმა გრიგოლმა.მღვდელმთავარს თანამსახურება გაუწიეს ბელგიისა და ჰოლანდიის ეპარქიის მმართველმა ეპისკოპოსმა დოსითეოსმა და ეპარქიის სასულიერო დასის წარმომადგენლებმა.
    
    
        ამ თემაზე
        ფოთის საკათედრო ტაძრის საძირკვლის კურთხევიდან 120 წელი გავიდა
    

მიტროპოლიტი გრიგოლი ბელგიისა და ჰოლანდიის ეპარქიას თანმხლებ პირებთან ერთად სტუმრობდა. დელეგაციის შემადგენლობაში იყვნენ ახალი საქართველოს უნივერსიტეტის პროფესორები, ფილოსოფიის დოქტორები: თენგიზ ირემაძე და ლალი ზაქარაძე, ასევე იღუმენია თეკლა წიქარიძე და დეკანოზი იოანე კორძახია.ვიზიტის ფარგლებში, 14 ნოემბერს, ბრიუსელის სამრევლოში გაიმართა დისკუსია თემაზე: „რწმენა და ცოდნა: თანამედროვე კონტექსტი“.შეხვედრაზე განხილული იყო რწმენისა და ცოდნის ურთიერთმიმართების საკითხები თანამედროვე სამყაროში.მართლმადიდებელ ჟურნალისტთა კავშირი წერდა, რომ ბრიუსელის ქართულ სამრევლოში სერგო ვარდოსანიძის წიგნი წარადგინეს.
]]></content:encoded><guid>https://mzk.ge/ge/news/91291-mitropolitma-grigolma-briuselis-sakatedro-tadzarshi-samghvdelmtavro-tsirva-aghavlina</guid><enclosure url="https://mzk.ge/img/article/912/91_main.jpg" length="109802" type="image/jpeg"/></item><item><title><![CDATA[დეკანოზი არსენ კვერნაძე: „როცა გამხელენ, მიიღე სიხარულით და გამოასწორე“]]></title><link>https://mzk.ge/ge/news/91290-dekanozi-arsen-kvernadze-rotsa-gamkhelen-miighe-sikharulit-da-gamoastsore</link><description><![CDATA[„ეკლესია რომ გამხელს, მტერია შენი თუ პირიქით?! ხელისუფლებაში არ არსებობს პიროვნება, რომელიც არ ცდება, მაგრამ ეკლესია მთელი თავისი სისავსით უცდომელია“, – განაცხადა გუბისწყლის ფერისცვალების სახელობის ტაძრის წინამძღვარმა ქადაგებისას.]]></description><pubDate>Mon, 16 Nov 2026 19:31:34 +0400</pubDate><category>ახალი ამბები</category><content:encoded><![CDATA[გუბისწყლის ფერისცვალების სახელობის ტაძრის წინამძღვარი, დეკანოზი არსენ კვერნაძე, ქადაგებისას მეუფე იობის მიერ გამოთქმულ კრიტიკას გამოეხმაურა და აღნიშნა, რომ ეკლესიის მხრიდან მხილება მტრობით კი არა, სიყვარულით არის ნაკარნახევი.დეკანოზის თქმით, მეუფე იობმა სწორად ისაუბრა იმ პრობლემებზე, რომელთა წინაშეც საზოგადოება დგას, და მნიშვნელოვანია, რომ როგორც ხელისუფლებამ, ისე საზოგადოებამ ეკლესიის ხმა შეისმინოს.
    
    
        ამ თემაზე
        მიტროპოლიტი იობი: „უკვე ნიღბების ჩამოხსნის პროცესი დაიწყო – გამოჩნდება, ვინ ვინ არის“
    

„რამდენიმე დღის წინ იქადაგა მეუფე იობმა. რა თქვა ამ ადამიანმა არასწორი? ყველაფერი სწორი თქვა, რა პრობლემების წინაშეც ვდგავართ. ამხილა არა მტრობით, არამედ სიყვარულით... ეკლესიის არ უნდა შეისმინო? ეკლესია რომ გამხელს, მტერია შენი თუ პირიქით?! ვიღაცის ხომ უნდა შეისმინო და ეკლესიის თუ არ შეისმინე, აბა, ვისას შეისმენ?“ – განაცხადა დეკანოზმა.არსენ კვერნაძემ ასევე გააკრიტიკა ის ადამიანები, რომლებიც მეუფე იობის განცხადებებსა და მის მიმართ გამოთქმულ კრიტიკას უარყოფითად გამოეხმაურნენ. მისი თქმით, ხელისუფლებაშიც და ეკლესიაშიც ცალკეული პიროვნებები შეიძლება შეცდნენ, თუმცა ეკლესია თავისი სისავსით უცდომელია.„ხელისუფლებაში არ არსებობს პიროვნება, არც ეკლესიაში, რომელიც არ ცდება, მაგრამ ეკლესია მთელი თავისი სისავსით უცდომელია. ხელისუფლება რომ შემცდარა მთელი თავისი სისავსით, ეს გავიარეთ უკვე და ვიცით. ამიტომ, დალოცვილო, როცა გამხელენ, მიიღე სიხარულით იგი და გამოასწორე“, – აღნიშნა მან.დეკანოზმა ეკლესიის ისტორიულ გამოცდილებაზეც ისაუბრა და განაცხადა, რომ ეკლესიამ სხვადასხვა ეპოქაში იმპერატორებისა და კომუნისტური რეჟიმების დევნა გამოიარა, თუმცა დღემდე არსებობს.„ისტორია მაინც წაიკითხონ, გამოიარა ეკლესიამ იმპერატორები და კომუნისტები, რა დევნები, და დღეს დგას ეკლესია. მისი მთავრობები წავიდა ყველა, ბოლშევიკები, მენშევიკები, ყველა წავიდა და ეკლესია დგას. ნუ იქნებიან ჯიქურ, ცოტა მოდრკნენ, შეისმინონ“, – განაცხადა დეკანოზმა არსენ კვერნაძემ.მართლმადიდებელ ჟურნალისტთა კავშირი წერდა: დეკანოზი ბესარიონ ბულაშვილი: „ამბიონი არის ის ადგილი, საიდანაც გაისმის მხილება არაეკლესიური ქმედებების წინააღმდეგ“.
]]></content:encoded><guid>https://mzk.ge/ge/news/91290-dekanozi-arsen-kvernadze-rotsa-gamkhelen-miighe-sikharulit-da-gamoastsore</guid><enclosure url="https://mzk.ge/img/article/912/90_main.jpg" length="85322" type="image/jpeg"/></item><item><title><![CDATA[მიტროპოლიტ იობს მღვდელმთავრად დადგინებიდან 30 წელი შეუსრულდა]]></title><link>https://mzk.ge/ge/news/91289-mitropolit-iobs-mghvdelmtavrad-dadginebidan-30-tseli-sheusrulda</link><description><![CDATA[მიტროპოლიტი სამი ათწლეულის განმავლობაში რუის-ურბნისის ეპარქიას ხელმძღვანელობს. ამ პერიოდში მისი მსახურება ტაძრებისა და მონასტრების აღორძინებას, ბერ-მონაზვნური ცხოვრების გაძლიერებასა და სამწყსოზე მამობრივ ზრუნვას უკავშირდება.]]></description><pubDate>Mon, 16 Nov 2026 19:18:00 +0400</pubDate><category>ახალი ამბები</category><content:encoded><![CDATA[ყოვლადუსამღვდელოეს მროველ-ურბნელ მიტროპოლიტ იობს (აქიაშვილი) რუის-ურბნისის ეპარქიის მღვდელმთავრად დადგინებიდან 30 წელი შეუსრულდა.ამ სამი ათწლეულის განმავლობაში ეპარქიაში არაერთი მნიშვნელოვანი საქმე განხორციელდა. აღორძინდა, აშენდა და განახლდა მრავალი ტაძარი და მონასტერი, მათ შორის ისეთებიც, სადაც წლების განმავლობაში ღვთისმსახურება შეწყვეტილი იყო.
    
    
        ამ თემაზე
        მიტროპოლიტი იობი: „უკვე ნიღბების ჩამოხსნის პროცესი დაიწყო – გამოჩნდება, ვინ ვინ არის“
    

მიტროპოლიტ იობის მსახურება განსაკუთრებულად უკავშირდება ბერ-მონაზვნური ცხოვრების აღორძინებას. მისი ლოცვა-კურთხევით არაერთ სავანეს ჩაეყარა საფუძველი, სადაც დღემდე განუწყვეტელი ლოცვა აღევლინება ქვეყნისა და ერის საკეთილდღეოდ.მეუფე იობის მოღვაწეობა გამოირჩევა სარწმუნოების სიწმინდის, ეროვნული ღირებულებებისა და ეკლესიური ტრადიციების დაცვის საკითხებში პრინციპულობითა და სიმტკიცით. მისი პირდაპირი და უკომპრომისო სიტყვა მრავალი ადამიანისთვის სულიერი სიმხნევისა და სწორი ორიენტირის მიმცემია.ამასთანავე, მისი მღვდელმთავრული მსახურების მნიშვნელოვანი ნაწილია სამწყსოზე მამობრივი მზრუნველობა, სულიერი შვილების სიყვარული და თანადგომა.მიტროპოლიტ იობს 30-წლიან იუბილეს ვულოცავთ. ვუსურვებთ ჯანმრთელობას, სულიერ მხნეობასა და დღეგრძელობას, რათა კიდევ მრავალი წელი ემსახუროს საქართველოს მართლმადიდებელი ეკლესიისა და ჩვენი სამშობლოს კეთილდღეობას.მართლმადიდებელ ჟურნალისტთა კავშირი წერდა: მიტროპოლიტი იობი პარეხის მამათა მონასტერში საღმრთო ლიტურგიას აღავლენს.
]]></content:encoded><guid>https://mzk.ge/ge/news/91289-mitropolit-iobs-mghvdelmtavrad-dadginebidan-30-tseli-sheusrulda</guid><enclosure url="https://mzk.ge/img/article/912/89_main.jpg" length="46607" type="image/jpeg"/></item><item><title><![CDATA[დეკანოზი ბესარიონ ბულაშვილი: „ამბიონი არის ის ადგილი, საიდანაც გაისმის მხილება არაეკლესიური ქმედებების წინააღმდეგ“]]></title><link>https://mzk.ge/ge/news/91288-dekanozi-besarion-bulashvili-ambioni-aris-is-adgili-saidanats-gaismis-mkhileba-araeklesiuri-kmedebebis-tsinaaghmdeg</link><description><![CDATA[სანზონის წმინდა ნიკოლოზის ტაძრის წინამძღვარი მეუფე იობის ქადაგებას გამოეხმაურა და აღნიშნა, რომ ეკლესიის ამბიონიდან საზოგადოებისა და ხელისუფლების მხილება ეკლესიის მნიშვნელოვანი მისიაა.]]></description><pubDate>Mon, 16 Nov 2026 19:04:15 +0400</pubDate><category>ახალი ამბები</category><content:encoded><![CDATA[სანზონის წმინდა ნიკოლოზის ტაძრის წინამძღვარი მეუფე იობის ქადაგებას გამოეხმაურა:„მივესალმები საზოგადოებას – მართლმადიდებელი ეკლესიის მრევლს. მინდა მივმართო იმ საზოგადოებას, რომელიც ეკლესიის მრევლად თვლის თავს და რომლისთვისაც ეპისკოპოსის თუ მღვდელმსახურის მხრიდან ამბიონიდან მხილება მიუღებელია.
    
    
        ამ თემაზე
        რუის-ურბნისის მიტროპოლიტ იობის ქადაგება ეპარქიის დღესასწაულზე
    

უპირველეს ყოვლისა, მინდა შევახსენო ყველას, რომ ამბიონი არის ის ადგილი, საიდანაც გაისმის ღვთის სიტყვა და ერისა და ხელისუფლების მოწოდება და მხილება არაეკლესიური ქმედებების წინააღმდეგ.ამჯერად მინდა შევეხო მეუფე იობის ქადაგებას. რა თქვა მეუფემ თავის ქადაგებაში, რას შეეხო იგი? იმას, რაც ყველას არ სტკივა დღევანდელ ყოფიერ ცხოვრებაში: არ იღუპება ჩვენი ახალგაზრდობა ნარკოტიკის მოხმარებით? არ იცლება საქართველო ქართველი ახალგაზრდებისგან? არ ივსება მათი ადგილი უცხოტომელებით? არ იყიდება ქართული მიწები? კაზინოები, რომლებსაც ამხელა რეკლამა უკეთდება, არ ანგრევს ოჯახებს, არ აგდებს მშობლებსა და მათ ახლობლებს განსაცდელში?და ვინ უნდა იზრუნოს ამ პრობლემების აღმოფხვრაზე? მთავრობამ, ალბათ, დამეთანხმებით“, – განაცხადა დეკანოზმა ბესარიონ ბულაშვილმა.მართლმადიდებელ ჟურნალისტთა კავშირი წერდა: ეპისკოპოსი გიორგი ლაშა ნაცვლიშვილს: „საჯაროდ მოიხადოს ბოდიში მეუფე იობის წინაშე“.
]]></content:encoded><guid>https://mzk.ge/ge/news/91288-dekanozi-besarion-bulashvili-ambioni-aris-is-adgili-saidanats-gaismis-mkhileba-araeklesiuri-kmedebebis-tsinaaghmdeg</guid><enclosure url="https://mzk.ge/img/article/912/88_main.jpg" length="50254" type="image/jpeg"/></item><item><title><![CDATA[მეორე ქესალოში V-VI საუკუნეების არქიტექტურული კომპლექსის არქეოლოგიური კვლევა მიმდინარეობს]]></title><link>https://mzk.ge/ge/news/91287-meore-kesaloshi-v-vi-saukuneebis-masshtaburi-arkitekturuli-kompleksis-arkeologiuri-kvleva-mimdinareobs</link><description><![CDATA[წინასწარი მოსაზრებით, აღმოჩენილი ნაგებობა შესაძლოა, ადგილობრივი ხელისუფალის ან დიდგვაროვნის სასახლეს წარმოადგენდეს.]]></description><pubDate>Mon, 16 Nov 2026 16:00:00 +0400</pubDate><category>ახალი ამბები</category><content:encoded><![CDATA[მარნეულის მუნიციპალიტეტის სოფელ მეორე ქესალოს ტერიტორიაზე, სავარაუდოდ, V-VI საუკუნეებით დათარიღებული არქიტექტურული კომპლექსის არქეოლოგიური კვლევითი სამუშაოები მიმდინარეობს.არქეოლოგიურ კვლევებს საქართველოს კულტურული მემკვიდრეობის დაცვის ეროვნული სააგენტოს დაფინანსებით საქართველოს ეროვნული მუზეუმი ახორციელებს.
    
    
        ამ თემაზე
        აზერბაიჯანის ელჩის მოწვევით გამართულ შეხვედრაზე მეგობრულ ურთიერთობებზე იმსჯელეს
    

კვლევების შედეგად გამოვლენილია მასშტაბური არქიტექტურული კომპლექსის ნაწილი, რომელიც, წინასწარი მოსაზრებით, შესაძლოა, ადგილობრივი ხელისუფალის ან დიდგვაროვნის სასახლეს წარმოადგენდეს.არქეოლოგიური ობიექტი ტერიტორიაზე 2020 წელს დაფიქსირდა, ხოლო კომპლექსის მნიშვნელოვანი ნაწილის შესწავლა 2023-2025 წლებში განხორციელდა.2026 წელს დაგეგმილი სამუშაოები კომპლექსის დასავლეთითა და ჩრდილოეთით მდებარე ახალი მონაკვეთების არქეოლოგიურ შესწავლას ითვალისწინებს. კვლევის ფარგლებში მოხდება გამოვლენილი კედლების, კრამიტის ფენებისა და დარბაზების იატაკების გაწმენდა. ასევე, გათხრილი ტერიტორია რეკულტივირდება და ნაგებობების ნაშთები საკონსერვაციო ფენით დაიფარება, რაც მათი შემდგომი დაზიანების პრევენციას ემსახურება.მიმდინარე არქეოლოგიურ სამუშაოებს ადგილზე გაეცნენ საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის პირველი მოადგილე თეა ონიანი, საქართველოს ეროვნული მუზეუმის დირექტორის მოადგილე მიხეილ წერეთელი და არქეოლოგიური ექსპედიციის წარმომადგენლები.მეორე ქესალოს არქეოლოგიური კომპლექსის შესწავლა განსაკუთრებული მნიშვნელობისაა ქვემო ქართლის ისტორიული წარსულისა და ადრეული შუა საუკუნეების არქიტექტურული მემკვიდრეობის შესწავლის თვალსაზრისით.აღსანიშნავია, რომ კომპლექსის ნაწილი ბუნებრივი პროცესების შედეგად დაზიანებულია, რაც მისი დაცვის, შენარჩუნებისა და შემდგომი არქეოლოგიური კვლევების გაგრძელების აუცილებლობას განაპირობებს.მართლმადიდებელ ჟურნალისტთა კავშირმა დაწერა: საქართველოს კულტურული მემკვიდრეობის დაცვის ეროვნული სააგენტოს განცხადება.
]]></content:encoded><guid>https://mzk.ge/ge/news/91287-meore-kesaloshi-v-vi-saukuneebis-masshtaburi-arkitekturuli-kompleksis-arkeologiuri-kvleva-mimdinareobs</guid><enclosure url="https://mzk.ge/img/article/912/87_main.jpg" length="114386" type="image/jpeg"/></item><item><title><![CDATA[მიტროპოლიტმა გერასიმემ არჩილ ჩხიკვაძე მღვდლად აკურთხა]]></title><link>https://mzk.ge/ge/news/91286-mitropolitma-gerasimem-archil-chkhikvadze-mghvdlad-akurtkha</link><description><![CDATA[ზუგდიდის ივერიის ყოვლადწმინდა ღმრთისმშობლის საკათედრო ტაძარში საკვირაო საღმრთო ჟამისწირვის დროს მღვდლად ხელდასხმის საიდუმლო შესრულდა.]]></description><pubDate>Mon, 16 Nov 2026 15:26:00 +0400</pubDate><category>ახალი ამბები</category><content:encoded><![CDATA[საკვირაო საღმრთო ჟამისწირვაზე, ზუგდიდის ივერიის ყოვლადწმინდა ღმრთისმშობლის სახელობის საკათედრო ტაძარში, მაღალყოვლადუსამღვდელოესმა ზუგდიდისა და ცაიშის მიტროპოლიტმა გერასიმემ გერმანიისა და ავსტრიის ეპარქიის პროტოდიაკონ არჩილს (ჩხიკვაძეს) მღვდლად დაასხა ხელი.ხელდასხმის შემდეგ არჩილ ჩხიკვაძე ბერლინის წმინდა მღვდელმოწამე კირიონის სახელობის ტაძრის მღვდელმსახურად დადგინდა.
    
    
        ამ თემაზე
        მიტროპოლიტმა გერასიმემ ეფრემ II-ის სულის მოსახსენებელი პანაშვიდი აღავლინა
    

საღმრთო ჟამისწირვას სტუმრად ესწრებოდნენ თბილისის წმინდა სამი მღვდელმთავრის სახელობის ტაძრის წინამძღვარი, დეკანოზი გურამ გამცემლიძე და ათონის წმინდა მთის სიმონოპეტრას მონასტრის მონაზონი პროდრომე.წირვის დასრულების შემდეგ ეპარქიის მმართველმა მღვდელმთავარმა მრევლს ქადაგებით მიმართა და დღევანდელი დღესასწაული მიულოცა.მართლმადიდებელ ჟურნალისტთა კავშირი წერდა, რომ პატრიარქმა შიო III-მ სამების საპატრიარქო ტაძარში საკვირაო წირვა აღასრულა.
]]></content:encoded><guid>https://mzk.ge/ge/news/91286-mitropolitma-gerasimem-archil-chkhikvadze-mghvdlad-akurtkha</guid><enclosure url="https://mzk.ge/img/article/912/86_main.jpg" length="47306" type="image/jpeg"/></item><item><title><![CDATA[ეპისკოპოსმა მელქისედეკმა ზესტაფონის საკათედრო ტაძარში საკვირაო წირვა აღავლინა]]></title><link>https://mzk.ge/ge/news/91285-episkoposma-melkisedekma-zestaponis-sakatedro-tadzarshi-sakvirao-tsirva-aghavlina</link><description><![CDATA[მარგვეთისა და უბისის ეპარქიის მმართველმა მღვდელმთავარმა ღვთისმსახურება ყოვლადწმინდა ღვთისმშობლის მიძინების სახელობის საკათედრო ტაძარში აღასრულა.]]></description><pubDate>Mon, 16 Nov 2026 15:04:00 +0400</pubDate><category>ახალი ამბები</category><content:encoded><![CDATA[2026 წლის 15 ნოემბერს მისმა ყოვლადუსამღვდელოესობამ, მარგვეთისა და უბისის ეპისკოპოსმა მელქისედეკმა (ხაჩიძე), ზესტაფონის ყოვლადწმინდა ღვთისმშობლის მიძინების სახელობის საკათედრო ტაძარში საკვირაო საღვთო ლიტურგია აღავლინა.
    
    
        ამ თემაზე
        ეპისკოპოსმა მელქისედეკმა წმინდა ნიკოლოზის სახელობის ტაძრის საძირკველი აკურთხა
    

ღვთისმსახურებას ტაძრის სამღვდელოება და მრევლი ესწრებოდა.საკვირაო წირვის დასრულების შემდეგ მღვდელმთავარმა მრევლს მიმართა და ღვთის კურთხევა უსურვა.მართლმადიდებელ ჟურნალისტთა კავშირი წერდა, რომ მარგვეთისა და უბისის ეპარქიაში ნინოობის დღესასწაული საზეიმოდ აღინიშნა.
]]></content:encoded><guid>https://mzk.ge/ge/news/91285-episkoposma-melkisedekma-zestaponis-sakatedro-tadzarshi-sakvirao-tsirva-aghavlina</guid><enclosure url="https://mzk.ge/img/article/912/85_main.jpg" length="76123" type="image/jpeg"/></item><item><title><![CDATA[ეკლესიის ხმა და საზოგადოებრივი პასუხისმგებლობა]]></title><link>https://mzk.ge/ge/zashhita-very/91284-eklesiis-khma-da-sazogadoebrivi-pasukhismgebloba</link><description><![CDATA[ქრისტიანული ისტორია არაერთ მაგალითს გვთავაზობს, როდესაც ეკლესიის მწყემსები, მიუხედავად საერო ხელისუფლების მიმართ პატივისცემისა, საჭიროების შემთხვევაში მის ზნეობრივ მხილებასაც არ ერიდებოდნენ.]]></description><pubDate>Mon, 16 Nov 2026 13:00:00 +0400</pubDate><category>რწმენის დაცვა</category><content:encoded><![CDATA[ეკლესიის ისტორია ნათლად მოწმობს, რომ მისი მისია არასოდეს შემოფარგლულა მხოლოდ ღვთისმსახურებითა და მორწმუნეთა პირადი სულიერი ცხოვრებით. ქრისტიანული ეკლესია, როგორც ქრისტეს მისტიკური სხეული, ყოველთვის აცნობიერებდა თავის პასუხისმგებლობას ადამიანის, საზოგადოებისა და მთლიანად ქვეყნის წინაშე. სახარებისეული ჭეშმარიტების ქადაგება გულისხმობს არა მხოლოდ ადამიანის პირადი ცოდვისგან განრიდებისკენ მოწოდებას, არამედ იმ საზოგადოებრივი და ზნეობრივი გარემოს შეფასებასაც, რომელშიც ადამიანი ცხოვრობს. სწორედ ამიტომ ეკლესიის ხმა ხშირად გასცდენია ტაძრის კედლებს და საზოგადოებრივი ცხოვრების უმნიშვნელოვანეს საკითხებს შეხებია.
    
    
        ამ თემაზე
        რუის-ურბნისის მიტროპოლიტ იობის ქადაგება ეპარქიის დღესასწაულზე
    

ამ თვალსაზრისით, განსაკუთრებით საყურადღებოა ეკლესიისა და საერო ხელისუფლების ურთიერთობის საკითხი. ქრისტიანული მოძღვრება არ უპირისპირებს ერთმანეთს ეკლესიასა და სახელმწიფოს. პირიქით, ორივე მათგანს თავისი დანიშნულება და პასუხისმგებლობა აქვს. სახელმწიფო მოწოდებულია საზოგადოებრივი წესრიგის, სამართლიანობისა და მოქალაქეთა კეთილდღეობის უზრუნველსაყოფად, ეკლესია კი ადამიანის სულიერ ცხოვრებაზე ზრუნავს, ქადაგებს სახარებისეულ ჭეშმარიტებას და საზოგადოებას ზნეობრივი ორიენტირების შენარჩუნებაში ეხმარება. მათი თანამშრომლობა ქვეყნის მშვიდობიანი და კეთილდღეობაზე ორიენტირებული განვითარების მნიშვნელოვანი წინაპირობაა. თუმცა თანამშრომლობა არ უნდა იქცეს ეკლესიის ხმის შეზღუდვის ან მისი დამოუკიდებელი სამოძღვრო მისიის დაკნინების საფუძვლად.ქრისტიანული ისტორია არაერთ მაგალითს გვთავაზობს, როდესაც ეკლესიის მწყემსები, მიუხედავად საერო ხელისუფლების მიმართ პატივისცემისა, საჭიროების შემთხვევაში მის ზნეობრივ მხილებასაც არ ერიდებოდნენ. ამის ერთ-ერთი გამორჩეული მაგალითია წმინდა ამბროსი მედიოლანელი. 390 წელს თესალონიკში მომხდარი სისხლისღვრის შემდეგ, რომლის ბრძანებაც იმპერატორ თეოდოსი I-ს უკავშირდებოდა, წმინდა ამბროსიმ იმპერატორს სინანულისკენ მოუწოდა და გარკვეული დროით ევქარისტიულ ზიარებაშიც არ მიიღო. ეპისკოპოსის პოზიცია არ წარმოადგენდა იმპერატორის პოლიტიკური ძალაუფლების უარყოფას; იგი გამოხატავდა ქრისტიანულ პრინციპს, რომლის თანახმადაც სახელმწიფოებრივი მდგომარეობა ადამიანს ღვთის წინაშე მორალური პასუხისმგებლობისგან არ ათავისუფლებს. ამბროსისათვის იმპერატორი უპირველესად ქრისტიანი იყო და, როგორც ყველა ქრისტიანი, ისიც ვალდებული გახლდათ, საკუთარი მოქმედებები სახარებისეულ საზომთან შეესაბამებინა.მსგავსი სულისკვეთება იკვეთება წმინდა იოანე ოქროპირის ცხოვრებაშიც. კონსტანტინოპოლის მთავარეპისკოპოსი განსაკუთრებულ ყურადღებას უთმობდა საზოგადოებრივ სამართლიანობას, ღარიბთა და გაჭირვებულთა მდგომარეობას, ძალაუფლების მქონე პირთა ზნეობრივ პასუხისმგებლობას. მისი ქადაგებები ხშირად ეხებოდა სიმდიდრის არასწორად გამოყენებას, უსამართლობასა და ადამიანური ღირსების შელახვას. იმპერატორის კართან დაპირისპირების მიუხედავად, ოქროპირის მთავარი მიზანი პოლიტიკური ბრძოლის წარმოება კი არ ყოფილა, არამედ ეკლესიის სამოძღვრო მისიის ერთგულება. იგი მიიჩნევდა, რომ მწყემსს არ შეეძლო დუმილი მაშინ, როდესაც საზოგადოებაში უსამართლობა და ზნეობრივი გადახრა იჩენდა თავს.
    
    
        ამ თემაზე
        რუის-ურბნისის ეპარქია განცხადებას აქვეყნებს
    

ამ მხრივ განსაკუთრებით ახლობელი და მნიშვნელოვანი მაგალითია ღირსი გრიგოლ ხანძთელის ცხოვრება. გიორგი მერჩულეს მიერ აღწერილ მის მოღვაწეობაში ნათლად ჩანს, რომ ქართული ეკლესიის დიდ მოძღვარს საერო ხელისუფლებასთან ურთიერთობის განსაკუთრებული კულტურა ჰქონდა. წმინდა მამა აფასებდა აშოტ კურაპალატის სახელმწიფოებრივ ღვაწლს და მასთან თანამშრომლობდა, თუმცა ეს ურთიერთობა არ გულისხმობდა მმართველის ყველა მოქმედების უპირობო მოწონებას. როდესაც აშოტმა ზნეობრივი შეცდომა დაუშვა, ღირსმა მამამ მისი მხილება საჭიროდ მიიჩნია. ამგვარად, გრიგოლ ხანძთელის მაგალითი ცხადყოფს, რომ ეკლესიისა და სახელმწიფოს თანამშრომლობა არ გამორიცხავს სულიერი მამის მიერ ხელისუფლის ზნეობრივ შეგონებას. პირიქით, სწორედ ასეთი ურთიერთობა შეიძლება გახდეს საზოგადოებრივი და სულიერი ცხოვრების გაჯანსაღების საფუძველი.აღნიშნული ისტორიული მაგალითები განსაკუთრებით საყურადღებოა დღესაც, როდესაც საქართველოს ეკლესიის ზოგიერთი იერარქის მიერ საზოგადოებრივ საკითხებზე გამოთქმული მოსაზრებები ფართო განხილვის საგანი ხდება. განსაკუთრებული რეზონანსი კი გამოიწვია მროველ-ურბნელი მიტროპოლიტის, მეუფე იობის, მიერ 10 ნოემბერს ამბიონიდან წარმოთქმულმა ქადაგებამ, სადაც მან მრავალ საკითხთან ერთად მოქმედი ხელისუფლების შესახებაც ისაუბრა. მღვდელმთავრის მიერ ხელისუფლების მოქმედებების შეფასება თავისთავად არ უნდა იქცეს ეკლესიისა და სახელმწიფოს დაპირისპირების ნიშნად. სასულიერო პირის მთავარი დანიშნულება პოლიტიკური დღის წესრიგის შექმნა არ არის, თუმცა ეს არც იმას ნიშნავს, რომ მან საზოგადოებრივი ცხოვრების მნიშვნელოვანი პრობლემების მიმართ საკუთარი სამოძღვრო პოზიცია უნდა დამალოს. როდესაც საუბარია ადამიანის ღირსებაზე, ოჯახზე, ახალგაზრდობის მომავალზე, სოციალურ სამართლიანობაზე, ზნეობრივ პასუხისმგებლობასა და საზოგადოებრივ კეთილდღეობაზე, ეკლესიას საკუთარი სათქმელი ნამდვილად აქვს.ამავე დროს, მნიშვნელოვანია, რომ ეკლესიის ხმა არ გაიგივდეს რომელიმე პოლიტიკური ძალის მხარდაჭერასთან ან მის წინააღმდეგ მიმართულ საქმიანობასთან. ეკლესიის მისია უფრო ფართოა, ვიდრე კონკრეტული პოლიტიკური ვითარება. ხელისუფლებები იცვლება, პოლიტიკური შეხედულებები განსხვავებულია, საზოგადოებრივი ინტერესები კი ხშირად ერთმანეთსაც უპირისპირდება, მაგრამ სახარებისეული ჭეშმარიტება და ეკლესიის ზნეობრივი პასუხისმგებლობა უცვლელი რჩება. ეკლესიისთვის მნიშვნელოვანია არა რომელიმე პოლიტიკური ჯგუფის წარმატება, არამედ ადამიანის სულიერი და ზნეობრივი კეთილდღეობა, ქვეყნის მშვიდობა და საზოგადოებაში სამართლიანობის დამკვიდრება.ამ კონტექსტში განსაკუთრებულ ყურადღებას იმსახურებს საზოგადოებრივი რეაქციის კულტურაც. განსხვავებული აზრი, მათ შორის მაღალი იერარქის მიერ გამოთქმული მოსაზრების მიუღებლობა, არავის ართმევს კრიტიკის უფლებას. ეკლესიის მსახურებიც არ არიან ადამიანური შეცდომებისგან თავისუფალნი და მათი შეხედულებები შეიძლება გახდეს მსჯელობისა და განხილვის საგანი. თუმცა კრიტიკასა და შეურაცხყოფას შორის არსებითი ზღვარი არსებობს. არგუმენტირებული პოლემიკა საზოგადოებრივი ცხოვრების ბუნებრივი ნაწილია, ხოლო გინება, დაცინვა და ადამიანის ღირსების შელახვა ვერასოდეს ჩაანაცვლებს საღ მსჯელობას.განსაკუთრებით მიუღებელია, როდესაც სასულიერო პირის მიმართ შეურაცხყოფის გამოსახატავად მისი საეკლესიო სახელი გამოიყენება. მღვდელმთავრის სახელის გინების სიტყვათამაშად ქცევა, მიუხედავად იმისა, თუ რა პოლიტიკური ან საზოგადოებრივი პოზიცია აქვს მას, ქრისტიანული სიტყვის კულტურასთან შეუთავსებელია. მით უფრო, რომ ქრისტიანული ტრადიციისათვის სახელი მხოლოდ პიროვნების ამოსაცნობი ნიშანი არ არის; იგი ხშირად წმინდანის ხსოვნასა და მის სულიერ მემკვიდრეობასთანაც არის დაკავშირებული. წმინდა იობის სახელი კი ქრისტიანულ ცნობიერებაში განსაკუთრებულად უკავშირდება მოთმინებას, სიმტკიცესა და ღვთისადმი ერთგულებას. ამიტომ ამ სახელის შეურაცხმყოფელ კონტექსტში გამოყენება ვერ ჩაითვლება უბრალოდ განსხვავებული აზრის გამოხატვის ფორმად.მოციქული პავლე გვასწავლის: „ყოველი სამწარე და რისხვაჲ და გულის წყრომაჲ და ღაღადებაჲ და გმობაჲ მოისპენ თქუენ შორის ყოვლითურთ უკეთურებით“ (ეფ. 4:31). ეს შეგონება თანაბრად ეხება ყველას – როგორც სასულიერო პირებს, ისე საერო საზოგადოებას. ქრისტიანული სიტყვის კულტურა გულისხმობს არა მხოლოდ ჭეშმარიტების დაცვას, არამედ იმ ფორმის სიწმინდესაც, რომლითაც ამ ჭეშმარიტებას გამოვხატავთ.ამრიგად, ეკლესიისა და სახელმწიფოს ურთიერთობის საფუძველი ურთიერთპატივისცემა, თანამშრომლობა და პასუხისმგებლობის გაცნობიერება უნდა იყოს. სახელმწიფოს მხრიდან ეკლესიის თავისუფლებისა და დამოუკიდებლობის პატივისცემა, ხოლო ეკლესიის მხრიდან საზოგადოებრივი ცხოვრებისადმი კეთილგანწყობილი, მაგრამ პრინციპული დამოკიდებულება ქვეყნის საერთო ინტერესებს ემსახურება. ეკლესიის ხმა არ უნდა იყოს პოლიტიკური დაპირისპირების ინსტრუმენტი, მაგრამ არც მისი დადუმება შეიძლება იქცეს საზოგადოებრივი სიმშვიდის შენარჩუნების პირობად.ქრისტიანული ეკლესიის ისტორია გვასწავლის, რომ ჭეშმარიტი მშვიდობა მხოლოდ უთანხმოების არარსებობას არ ნიშნავს. იგი სიმართლის, ურთიერთპატივისცემის, სინანულისა და პასუხისმგებლობის აღიარების საფუძველზე მიიღწევა. ეკლესიის მწყემსის ვალია, საჭიროების შემთხვევაში შეახსენოს საზოგადოებას ეს ღირებულებები, ხოლო საზოგადოების ვალია, მის სიტყვას არა წინასწარი პოლიტიკური განწყობით, არამედ საღი მსჯელობითა და ქრისტიანული პასუხისმგებლობით მიუდგეს.საბოლოოდ, ეკლესიის სიძლიერე არც ხელისუფლებასთან დაპირისპირებაში მდგომარეობს და არც მის უპირობო მხარდაჭერაში. მისი ჭეშმარიტი სიძლიერე სახარებისადმი ერთგულებაშია – იმ უცვლელ მოწოდებაში, რომელიც ერთდროულად მოითხოვს სიმართლის თქმას, სიყვარულის შენარჩუნებას, ადამიანის ღირსების პატივისცემასა და საერთო სიკეთისათვის ზრუნვას.
]]></content:encoded><guid>https://mzk.ge/ge/zashhita-very/91284-eklesiis-khma-da-sazogadoebrivi-pasukhismgebloba</guid><enclosure url="https://mzk.ge/img/article/912/84_main.jpg" length="148270" type="image/jpeg"/></item><item><title><![CDATA[ბათუმის სამედიცინო ცენტრში წმინდა უვერცხლო მკურნალთა სახელობის ტაძარი ეკურთხა]]></title><link>https://mzk.ge/ge/news/91283-batumis-sameditsino-tsentrshi-tsminda-uvertskhlo-mkurnalta-sakhelobis-tadzari-ekurtkha</link><description><![CDATA[ტაძრის კურთხევის მსახურება ბათუმისა და ლაზეთის მიტროპოლიტმა დიმიტრიმ აღასრულა. საზეიმო ღონისძიებას აჭარის მთავრობის თავმჯდომარე ზურაბ პატარაძე მეუღლესთან ერთად დაესწრო.]]></description><pubDate>Mon, 16 Nov 2026 12:18:00 +0400</pubDate><category>ახალი ამბები</category><content:encoded><![CDATA[2026 წლის 14 ნოემბერს მაღალყოვლადუსამღვდელოესმა ბათუმისა და ლაზეთის მიტროპოლიტმა დიმიტრიმ ხელვაჩაურის მუნიციპალიტეტში, ბათუმის სამედიცინო ცენტრის (BMC) ტერიტორიაზე წმინდა უვერცხლო მკურნალთა კოზმასა და დამიანეს სახელობის ტაძარი აკურთხა.ტაძრის კურთხევას მეუფე დიმიტრისმიწვევით აჭარის მთავრობის თავმჯდომარე ზურაბ პატარაძე მეუღლესთან ერთად დაესწრო.
    
    
        ამ თემაზე
        მართლმადიდებელ ჟურნალისტთა კავშირი მიტროპოლიტ დიმიტრის იუბილეს ულოცავს
    

საზეიმო მსახურებას ასევე ესწრებოდნენ აჭარის მთავრობის წარმომადგენლები და ადგილობრივი მრევლი.წმინდა უვერცხლო მკურნალები კოზმა და დამიანე ქრისტიანულ ტრადიციაში განსაკუთრებული სიყვარულითა და პატივისცემით არიან მოხსენიებულნი. ისინი ცნობილი იყვნენ როგორც სნეულთა უანგარო მკურნალები, რომელთა ღვაწლიც სიყვარულს, მოწყალებასა და მოყვასის მსახურებას უკავშირდება.მართლმადიდებელ ჟურნალისტთა კავშირი წერდა: მიტროპოლიტმა დიმიტრიმ ბათუმის საკათედრო ტაძარში ღვთისმსახურება აღასრულა.
]]></content:encoded><guid>https://mzk.ge/ge/news/91283-batumis-sameditsino-tsentrshi-tsminda-uvertskhlo-mkurnalta-sakhelobis-tadzari-ekurtkha</guid><enclosure url="https://mzk.ge/img/article/912/83_main.jpg" length="61923" type="image/jpeg"/></item><item><title><![CDATA[16 ნოემბერს მართლმადიდებელი ეკლესია ღირს ნიკოლოზ ქართველთა მნათობს იხსენებს]]></title><link>https://mzk.ge/ge/news/91282-16-noembers-martlmadidebeli-eklesia-ghirs-nikoloz-kartvelta-mnatobs-ikhsenebs</link><description><![CDATA[წმინდა ნიკოლოზი XIII-XIV საუკუნეების მიჯნაზე მოღვაწეობდა და თავისი დროის ერთ-ერთი გამორჩეული ჰიმნოგრაფი და სასულიერო მოღვაწე იყო. მისი სახელით შემონახულია არაერთი საგალობლისა და საეკლესიო მსახურების შექმნისა და თარგმნის ცნობები.]]></description><pubDate>Mon, 16 Nov 2026 11:55:00 +0400</pubDate><category>ახალი ამბები</category><content:encoded><![CDATA[16 ნოემბერს მართლმადიდებელი სამოციქულო ეკლესია ღირს ნიკოლოზ ქართველთა მნათობს, აკოლოთიათა აღმწერელს, იხსენებს.ღირსი ნიკოლოზი ცხოვრობდა და მოღვაწეობდა XIII საუკუნის შუა წლებიდან XIV საუკუნის დასაწყისამდე. მისი მოღვაწეობის ბოლო წლები ემთხვევა დემეტრე თავდადებულის ძის, ვახტანგ III-ის მეფობის პერიოდს (1301-1308 წწ.).
    
    
        ამ თემაზე
        მართლმადიდებელი ეკლესია 100 000 მოწამის ხსენების დღეს აღნიშნავს
    

წმინდა ნიკოლოზი თავისი დროის ერთ-ერთი უდიდესი ჰიმნოგრაფი და გამოჩენილი სასულიერო მოღვაწე იყო. სამწუხაროდ, მისი ცხოვრების შესახებ ცნობები მწირადაა შემონახული, ხოლო შემოქმედებიდან ჩვენამდე მხოლოდ მცირე ნაწილმა მოაღწია.ანტონ კათალიკოსი (1720-1788 წწ.) წმინდა ნიკოლოზის შესახებ წერდა, რომ იგი იყო „ავქსონი კანონთ, მრავალ აკოლოთიათ“. ანტონ კათალიკოსი მის ერთ-ერთ მნიშვნელოვან თხზულებასაც ასახელებს — „უზომოდ წჳმისა გარდამოსვლის დასაყენები“ აკოლოთიას, რომელიც ღვთისადმი ერის მხურვალე ვედრებას წარმოადგენს. აღნიშნული აკოლოთია ქართულ კურთხევანშია დაცული.წმინდა ნიკოლოზი ქართულ სასულიერო ლიტერატურას მთარგმნელობითი მოღვაწეობითაც ამდიდრებდა. მკვლევართა ვარაუდით, მას უნდა ეკუთვნოდეს რამდენიმე ლიტურგიკული წესი, მათ შორის „განგება წყლის კურთხევისა“, რომელიც 1306-1308 წლებში ბერძნულიდან ქართულად ითარგმნა.ცნობილი ქართველი მეცნიერი და ისტორიკოსი პლატონ იოსელიანი (1809-1875 წწ.) აღნიშნავდა, რომ ათონის ივერთა მონასტრის ხელნაწერებში წმინდა ნიკოლოზის კიდევ ერთი აკოლოთია ჰქონდა ნანახი.ღირსი ნიკოლოზ ქართველთა მნათობი 1308 წელს მშვიდობით აღესრულა.მართლმადიდებელ ჟურნალისტთა კავშირმა დაწერა: მართლმადიდებელი ეკლესია წმიდა მოწამეებს ტროფიმეს, საბატის და დორიმედონტს მოიხსენიებს.
]]></content:encoded><guid>https://mzk.ge/ge/news/91282-16-noembers-martlmadidebeli-eklesia-ghirs-nikoloz-kartvelta-mnatobs-ikhsenebs</guid><enclosure url="https://mzk.ge/img/article/912/82_main.jpg" length="60648" type="image/jpeg"/></item><item><title><![CDATA[თბილისის სასულიერო აკადემიაში დათო ტურაშვილის საჯარო ლექცია გაიმართა]]></title><link>https://mzk.ge/ge/news/91281-tbilisis-sasuliero-akademiashi-dato-turashvilis-sajaro-lektsia-gaimarta</link><description><![CDATA[მწერალმა სტუდენტებს თემაზე „წიგნი და ინტერნეტი“ ესაუბრა და წიგნის კითხვის მნიშვნელობაზე, კრიტიკული აზროვნებისა და ანალიზის უნარების განვითარებაზე გაამახვილა ყურადღება.]]></description><pubDate>Mon, 16 Nov 2026 10:00:00 +0400</pubDate><category>ახალი ამბები</category><content:encoded><![CDATA[12 ნოემბერს თბილისის სასულიერო აკადემიასა და სემინარიაში მწერალმა დათო ტურაშვილმა საჯარო ლექცია წაიკითხა. შეხვედრის თემა იყო „წიგნი და ინტერნეტი“.ლექციის ფარგლებში სტუმარმა ინტერნეტის დადებით და უარყოფით მხარეებზე ისაუბრა და ყურადღება გაამახვილა თანამედროვე ცხოვრებაში მისი გამოყენების აუცილებლობაზე. ისტორიული მაგალითების მოშველიებით მან აღნიშნა, რომ კაცობრიობას ყოველთვის უჭირდა მნიშვნელოვანი სიახლეების მიღება, თუმცა არაერთი ასეთი სიახლე საბოლოოდ პროგრესისა და განვითარების წინაპირობად იქცა.
    
    
        ამ თემაზე
        თბილისის სასულიერო აკადემიასა და სემინარიაში მიტროპოლიტ საბას საიუბილეო საღამო გაიმართა
    

დათო ტურაშვილმა ისაუბრა ინტერნეტის შესაძლებლობებსა და იმ უპირატესობებზე, რომელთა წყალობითაც ინფორმაციის მოძიება დღეს გაცილებით სწრაფად და მარტივად არის შესაძლებელი. ამასთან, ხაზი გაუსვა იმას, რომ ინტერნეტი წიგნის ალტერნატივად ვერ განიხილება.მწერლის შეფასებით, ინფორმაციის სწრაფად მიღება თავისთავად არ ნიშნავს აზროვნების განვითარებას. სწორედ წიგნის კითხვა უწყობს ხელს კრიტიკული განსჯის, გააზრებისა და ანალიზის უნარების ჩამოყალიბებასა და განვითარებას.საჯარო ლექციას თბილისის სასულიერო აკადემიისა და სემინარიის სტუდენტები და პედაგოგები ესწრებოდნენ.მართლმადიდებელ ჟურნალისტთა კავშირი წერდა, რომ გელათის სასულიერო აკადემიაში სასწავლო-შემეცნებითი კონფერენცია გაიმართა.
]]></content:encoded><guid>https://mzk.ge/ge/news/91281-tbilisis-sasuliero-akademiashi-dato-turashvilis-sajaro-lektsia-gaimarta</guid><enclosure url="https://mzk.ge/img/article/912/81_main.jpg" length="60621" type="image/jpeg"/></item><item><title><![CDATA[პატრიარქ შიო III-ის ნათლულებს კიდევ 710 ბავშვი შეემატა]]></title><link>https://mzk.ge/ge/news/91280-patriark-shio-iii-is-natlulebs-kidev-710-bavshvi-sheemata</link><description><![CDATA[თბილისის ყოვლადწმინდა სამების საპატრიარქო ტაძარში მესამე და შემდგომი ბავშვის საყოველთაო ნათლობის სამოცდამეთხუთმეტე ეტაპი გაიმართა.]]></description><pubDate>Mon, 16 Nov 2026 08:18:00 +0400</pubDate><category>ახალი ამბები</category><content:encoded><![CDATA[2026 წლის 15 ნოემბერს თბილისის ყოვლადწმინდა სამების სახელობის საპატრიარქო ტაძარში სრულიად საქართველოს კათოლიკოს-პატრიარქის მიერ მესამე და შემდგომი ბავშვის საყოველთაო ნათლობის 75-ე ეტაპი ჩატარდა.საქართველოს მართლმადიდებელი ეკლესიის მეთაურის ნათლულებს ამჯერად კიდევ 710 ბავშვი შეემატა.
    
    
        ამ თემაზე
        სამების საკათედრო ტაძარში პატრიარქის მიერ საყოველთაო ნათლობის 75-ე ეტაპი გაიმართება
    

საყოველთაო ნათლობის დასრულების შემდეგ სამების საპატრიარქო ტაძარში მისი უწმინდესობა და უნეტარესობა შიო III მობრძანდა, რომელმაც ახალნათელღებული ბავშვები დალოცა.პატრიარქმა ქადაგებისას დღევანდელი მნიშვნელოვანი დღე მიულოცა ახალნათელღებულთა მშობლებს, ნათლიებსა და სრულიად საქართველოს. მან ისაუბრა ნათლობის წმინდა საიდუმლოსა და ადამიანის სულიერი ცხოვრებისა და ცხონებისთვის მის განსაკუთრებულ მნიშვნელობაზე, რის შემდეგაც თავისი ნათლულები კიდევ ერთხელ დალოცა.ღონისძიების დასასრულს ახალნათელღებულ ბავშვებს საქართველოში ქრისტიანობის სახელმწიფო რელიგიად გამოცხადების 1700წლისთავთან დაკავშირებით დამზადებული საიუბილეო ჯვრები გადაეცათ.მართლმადიდებელ ჟურნალისტთა კავშირი წერდა: დეკანოზი გიორგი კალანდია – „სიცოცხლე გრძელდება და სწორედ ამის ნიშანია დღევანდელი დღე“.
]]></content:encoded><guid>https://mzk.ge/ge/news/91280-patriark-shio-iii-is-natlulebs-kidev-710-bavshvi-sheemata</guid><enclosure url="https://mzk.ge/img/article/912/80_main.jpg" length="72243" type="image/jpeg"/></item><item><title><![CDATA[პატრიარქი შიო III: „ადამიანმა უნდა იცხოვროს ისე, როგორც უფალი მიგვითითებს“]]></title><link>https://mzk.ge/ge/news/91279-patriarki-shio-iii-adamianma-unda-itskhovros-ise-rogorts-upali-migvititebs</link><description><![CDATA[სრულიად საქართველოს კათოლიკოს-პატრიარქმა საყოველთაო ნათლობის 75-ე ეტაპის დასრულების შემდეგ ქადაგებისას ნათლისღების საიდუმლოს მნიშვნელობაზე, ქრისტიანის სულიერ პასუხისმგებლობასა და ღვთის მცნებებით ცხოვრების აუცილებლობაზე ისაუბრა.]]></description><pubDate>Mon, 16 Nov 2026 08:03:00 +0400</pubDate><category>ახალი ამბები</category><content:encoded><![CDATA[სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ საყოველთაო ნათლობის 75-ე ეტაპის დასრულების შემდეგ მრევლს ქადაგებით მიმართა.უწმინდესმა და უნეტარესმა დღევანდელი დღე მთელ ეკლესიას მიულოცა და აღნიშნა, რომ საქართველოს მართლმადიდებელი ეკლესიის დიდ ოჯახს კიდევ 710 ახალმონათლული შეემატა.„დღეს არის ზეიმი მთელი ეკლესიისთვის, რადგან ჩვენი ეკლესიის დიდ ოჯახს შეემატა კიდევ შვიდას ათი ახალმონათლული. გილოცავთ, ძვირფასო მშობლებო! ნათლიებო! ვულოცავ სრულიად საქართველოს ამ შესანიშნავ მოვლენას!“ — ბრძანა პატრიარქმა.
    
    
        ამ თემაზე
        პატრიარქი შიო მესამე თბილისში, მეტეხის ხიდზე, სავედრებელ პარაკლისს აღავლენს
    

ქადაგებისას უწმინდესმა ნათლისღების საიდუმლოს მნიშვნელობაზე ისაუბრა და განმარტა, რომ ნათლობა ადამიანის სულიერი დაბადება და ახალი ცხოვრების დასაწყისია.„ნათლისღება არის საშუალება ბოროტი სულების ბატონობისგან გათავისუფლებისა და სულიერი აღორძინებისა, მაგრამ, უპირველეს ყოვლისა, ეს არის ქრისტეს ეკლესიასთან შეერთების საშუალება“, — აღნიშნა მან.პატრიარქმა გაიხსენა მაცხოვრის სიტყვები: „ვინც ირწმუნებს და ნათელს იღებს, ის გადარჩება“ და განმარტა, რომ ნათლისღების გარეშე ადამიანი ვერ ხდება ეკლესიის წევრი, ქრისტეს სხეულის ნაწილი.უწმინდესმა ასევე ისაუბრა ნათლისღების საიდუმლოს დაწესების შესახებ, გაიხსენა მაცხოვრის ნათლისღება მდინარე იორდანეში და მისი მცნება მოციქულებისადმი — მოენათლათ ყოველი ხალხი სახელითა მამისათა და ძისათა და სულისა წმინდისათა.ქადაგების მნიშვნელოვანი ნაწილი ნათლობის მადლის შენარჩუნებასა და ქრისტიანული ცხოვრების წესს დაეთმო. პატრიარქმა ყურადღება გაამახვილა იმაზე, რომ ნათლობის მიღების შემდეგ ადამიანმა მიღებული მადლი სათანადო ცხოვრებით უნდა შეინარჩუნოს.„იმისთვის, რომ ადამიანმა შეინარჩუნოს ეს დიდი მადლი, უნდა იცხოვროს ისე, როგორც უფალი მიგვითითებს, და არა ისე, როგორც ჩვენი დაცემული ბუნება გვეუბნება, რომელიც გვკარნახობს: იცხოვრე ისე, როგორც შენ გინდა, როგორც შენ გსიამოვნებს... უფალს კი უნდა ჩვენი სასუფეველში შეყვანა“, — ბრძანა უწმინდესმა.მისივე განმარტებით, ქრისტიანული ცხოვრება გულისხმობს ქრისტეს მცნებების შესწავლას, მათ მიხედვით ცხოვრებას, სინანულსა და ლოცვას.„როგორია ეს ცხოვრება?! ეს არის ქრისტეს მცნებების შესწავლა, ამ მცნებებით ცხოვრება, სინანული და ლოცვა, რომ უფალმა არ დაგვტოვოს, არამედ გვაცხონოს იმ გზებით, როგორც მან უწყის. ეს იქნება მწუხარებებით, კეთილდღეობით თუ სხვა რაიმე გზებით, ოღონდაც არ დაგვტოვოს და არ დაგვაკლოს თავის სასუფეველს, როგორც მას ნებავს და როგორც არის მისი წმინდა ნება“, — აღნიშნა პატრიარქმა.ქადაგების დასასრულს უწმინდესმა ახალმონათლულები დალოცა და უფალს შესთხოვა, ნათლისღების მადლით დალოცოს, გააძლიეროს, გაამთლიანოს და გადაარჩინოს სრულიად საქართველო.საყოველთაო ნათლობის 75-ე ეტაპზე მონათლულ 710 ადამიანს საჩუქრად საიუბილეო ჯვრები გადაეცა.მართლმადიდებელ ჟურნალისტთა კავშირი წერდა, რომ მართლმადიდებელი ეკლესია 100 000 მოწამის ხსენების დღეს აღნიშნავს.
]]></content:encoded><guid>https://mzk.ge/ge/news/91279-patriarki-shio-iii-adamianma-unda-itskhovros-ise-rogorts-upali-migvititebs</guid><enclosure url="https://mzk.ge/img/article/912/79_main.jpg" length="55358" type="image/jpeg"/></item><item><title><![CDATA[ეპისკოპოსი გიორგი ჯამდელიანი – „შეჩერდით, ნუ მონაწილეობთ ამ სიბინძურეში“]]></title><link>https://mzk.ge/ge/news/91278-episkoposi-giorgi-jamdeliani-shecherdit-nu-monatsileobt-am-sibindzureshi</link><description><![CDATA[ეპისკოპოსმა გიორგი ჯამდელიანმა ქადაგებისას მიტროპოლიტ იობს მხარდაჭერა გამოუცხადა, მის წინააღმდეგ მიმდინარე პროცესები ანტიქრისტიანულ და ანტიადამიანურ პროპაგანდად შეაფასა და ხელისუფლების პოლიტიკა გააკრიტიკა.]]></description><pubDate>Mon, 16 Nov 2026 07:56:02 +0400</pubDate><category>ახალი ამბები</category><content:encoded><![CDATA[მარნეულისა და ჰუჯაბის ეპისკოპოსმა გიორგი ჯამდელიანმა დღევანდელი ქადაგების დროს ბოლო პერიოდში განვითარებულ მოვლენებსა და მროველ-ურბნელი მიტროპოლიტ იობის წინააღმდეგ მიმართულ კამპანიაზე ისაუბრა.„მე არ შემიძლია და გვერდს ვერ ავუვლი, რომ არ გამოვეხმაურო ბოლოდროინდელ განვითარებულ მოვლენებს, იმ ზღვარგადასულ, ანტიქრისტიანულ, ანტიადამიანურ ბინძურ პროპაგანდისტულ მანქანასა და იმ პიარკამპანიას, რაც ხორციელდება მეუფე იობის წინააღმდეგ მთელი ამ ხნის განმავლობაში. მე პირდაპირ მოვუწოდებ მათ, ვინც ამ სიბინძურეში არიან ჩართულნი – შეჩერდით“, – განაცხადა მეუფე გიორგიმ.
    
    
        ამ თემაზე
        მარნეულისა და ჰუჯაბის ეპისკოპოსი გიორგი განცხადებას ავრცელებს
    

ეპისკოპოსის შეფასებით, მიტროპოლიტ იობს სრული უფლება ჰქონდა, ურბნისისა და რუისის საკათედრო ტაძრის ამბიონიდან გამოეხატა ის გულისწუხილი და ტკივილი, რაც დღეს ქართულ საზოგადოებასა და ქვეყანას აწუხებს.მეუფე გიორგიმ ყურადღება გაამახვილა აზარტული თამაშების გავრცელებასა და მის მძიმე სოციალურ შედეგებზე. მისი თქმით, საზოგადოების დიდი ნაწილი ონლაინკაზინოებშია ჩართული, იღებს ვალებს, რის გამოც ოჯახები ინგრევა. ეპისკოპოსმა აღნიშნა, რომ მისთვის ცნობილი ინფორმაციით, აზარტული თამაშების ბრუნვამ 80 მილიარდს მიაღწია.მან ასევე გააკრიტიკა პარლამენტის მიერ აზარტული თამაშების სექტორისთვის შექმნილი საკანონმდებლო პირობები და გაიხსენა კათოლიკოს-პატრიარქ შიო III-ის გაფრთხილება, რომ ცოდვით ნაშოვნი ფული, სიმდიდრე და მოჩვენებითი ეკონომიკური აყვავება შესაძლოა, ერისთვის სასჯელად იქცეს.„ერთს ამბობთ და მეორეს აკეთებთ. როცა კათოლიკოს-პატრიარქმა მოგიწოდათ სიყვარულით და სითბოთი გითხრათ, არ გაიგონეთ, მაშინ სხვა მღვდელმთავარმა ცოტა მკაცრად გითხრათ და რა გააკეთეთ? ჩართეთ სახელმწიფო პროპაგანდისტული მანქანები, ყველა ჩაება და დაიწყო მიზანმიმართული შეურაცხყოფა – რბილი სიტყვაა იმასთან შედარებით, რაც მეუფეს აკადრეს თავიანთი სიბინძურით“, – განაცხადა ეპისკოპოსმა გიორგი ჯამდელიანმა.მართლმადიდებელ ჟურნალისტთა კავშირმა დაწერა: ეპისკოპოსი გიორგი ხელისუფლებას მიმართავს: „ნუ ჩაერევით საპატრიარქო არჩევნებში“.
]]></content:encoded><guid>https://mzk.ge/ge/news/91278-episkoposi-giorgi-jamdeliani-shecherdit-nu-monatsileobt-am-sibindzureshi</guid><enclosure url="https://mzk.ge/img/article/912/78_main.jpg" length="98186" type="image/jpeg"/></item><item><title><![CDATA[შიო III-ის ქადაგება სულთმოფენობიდან ოცდამეოთხე კვირას]]></title><link>https://mzk.ge/ge/news/91277-shio-iii-is-kadageba-sultmopenobidan-otsdameotkhe-kviras</link><description><![CDATA[დღეს წაკითხული იყო სახარებიდან ეპიზოდი უფალ იესო ქრისტეს მიერ ეშმაკეულის განკურნების შესახებ, რომელიც ბოროტი სულების მთელი ლეგიონით იყო შეპყრობილი.]]></description><pubDate>Sun, 15 Nov 2026 17:36:00 +0400</pubDate><category>ახალი ამბები</category><content:encoded><![CDATA[უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ შიო III-ის ქადაგება სულთმოფენობიდან ოცდამეოთხე კვირასსახელითა მამისათა და ძისათა და სულისა წმინდისათა!ძვირფასო მამებო, ძმებო და დებო, გილოცავთ დღევანდელ კვირა დღეს!დღეს წაკითხული იყო სახარებიდან ეპიზოდი უფალ იესო ქრისტეს მიერ ეშმაკეულის განკურნების შესახებ, რომელიც ბოროტი სულების მთელი ლეგიონით იყო შეპყრობილი. ამ ეპიზოდში ყურადღებას იქცევს ის გარემოება, რომ ბოროტმა სულებმა, მიხვდნენ რა, რომ დადგა დასასრული მათი ამ საწყალ კაცზე ბატონობისა, სთხოვეს უფალს, ნება მიეცა მათთვის, ღორების კოლტში შესულიყვნენ (ლკ. 8, 26-33).
    
    
        ამ თემაზე
        პატრიარქმა შიო III-მ ასი ათასი ქართველი მოწამის ხსენების დღეს ქადაგება წარმოთქვა
    

აქედან ჩანს, რომ ღვთის ნებართვის გარეშე მათ ამის გაკეთება არ შეეძლოთ. ასევე ჩანს, რომ მათი ძალა არ არის ჭეშმარიტი, პირუტყვებზეც კი არ აქვთ ძალაუფლება; მაგრამ ჩნდება შეკითხვა: რატომ დართო ნება უფალმა ღორებში შესვლისა?! როგორც კი შევიდნენ, მათ ხომ დაღუპეს ისინი?! – ღორების კოლტი კლდიდან წყალში გადაეშვა და დაიღუპა.როგორც წმინდა მამები გვასწავლიან, უფალმა ეს გააკეთა ჩვენი სულიერი სარგებლისთვის, რათა გავიგოთ, რამდენად სძულს ბოროტ სულს ღვთის ნებისმიერი ქმნილება. იმდენად სძულს, რომ როცა მიიღო ეს ძალაუფლება, სხვა ვერაფერი მოიფიქრა, გარდა იმისა, რომ დაეღუპა ეს საწყალი პირუტყვები. და ასევე, რათა გავიგოთ, რომ მით უმეტეს სძულს ადამიანი; შესაძლებლობა რომ ჰქონდეს, ზუსტად ასე მოექცეოდა ადამიანებს და ერთ წამში დაღუპავდა მთელ კაცობრიობას. თუ ამას არ აკეთებს, მას მხოლოდ ღვთის ძალა უშლის და აკავებს.და აი, ამ ქალაქის მცხოვრებლებმა როცა ეს ამბავი გაიგეს, იმის მაგივრად, რომ მადლობა ეთქვათ, გახარებოდათ და ქალაქში დაეპატიჟათ, გამოდიან უფალთან შესახვედრად და სთხოვენ, შორს წასულიყო მათი ქალაქიდან. მათ შეეშინდათ, რომ თუ ის ქალაქში შევიდოდა, მათთვის ჩვეულ ცხოვრების წესს დაარღვევდა. ფიქრობდნენ, რომ ისედაც რამხელა ზარალი ვნახეთ ღორების კოლტის დაღუპვით, როცა ის ჯერ კიდევ არ იყო ქალაქში შემოსული, და როცა შემოვა, რაღას იზამსო?! ამიტომ სთხოვეს განშორება (ლკ. 8, 34-37).აი, ეს არის, ძვირფასო ძმებო და დებო, ანგარებიანი შიშის მაგალითი. ასეთი რამ ხდება, როცა ადამიანს ეშინია, თავის სულში, თავის ცხოვრებაში შემოუშვას ღმერთი. მაგალითად, ჩვენ შეიძლება ავიღოთ ისეთი ადამიანი, რომელიც ამბობს (გვსმენია ასეთი გამონათქვამები): „მე ხომ არ ვარ მონაზონი, ბერი, რომ იგივე მომეთხოვებოდეს, რაც მონაზვნებს – ისეთივე სულიერი მხურვალება, სწრაფვა. მე ხომ ერისკაცი ვარ, განა შეიძლება იგივე მომეთხოვებოდეს?!“. როდესაც ადამიანი ასე დაჟინებით მოითხოვს, მისი შინაგანი სულიერი სამყარო არაფერმა შეაწუხოს, არანაირი სულიერი ღვაწლი, ვალდებულება არ იტვირთოს, მაშინ ის ძალიან ემსგავსება ამ ღადარინელებს, რომლებმაც სთხოვეს უფალს, მოშორებოდა მათ ქალაქს.ამასთან დაკავშირებით შესანიშნავად მსჯელობს დიდი მამა, წმინდა იოანე ოქროპირი. დღეს ძალიან მინდოდა, მოკლე ამონარიდი წამეკითხა თქვენთვის ამის თაობაზე. ის წერს: „ძალიან ცდები და თავს იტყუებ, თუ ფიქრობ, რომ ერთი მოეთხოვება ერისკაცს და სხვა – მონაზონს. განსხვავება მათ შორის ისაა, რომ ერთი ქორწინდება, მეორე კი – არა. დანარჩენ ყველაფერში კი მათ თანაბარი პასუხისმგებლობა აქვთ. მაგალითად, ვინც ამაოდ განურისხდება ძმას, იქნება ის ერისკაცი თუ მონაზონი, თანაბრად შეურაცხყოფს ღმერთს. ვინც ქალს გულისთქმით შეხედავს, იქნება ის ერისკაცი თუ მონაზონი, თანაბრად დაისჯება სიძვისთვის და ასეა ყველა სხვა დიდი მცნების შემთხვევაშიც. მაგალითად, როცა უფალი ამბობს: „ნეტარ არიან გლახაკნი სულითა“, „მგლოვარენი გულითა“, „ნეტარ არიან მშვიდნი, მოწყალენი, წმინდანი გულითა, მშვიდობისმყოფელნი, სიმართლისთვის დევნულნი“ და ასე შემდეგ, იგი არ ახსენებს არც ერისკაცს, არც მონაზონს. ასეთი დაყოფა ადამიანის გონებამ შემოიტანა (გულისხმობს დაყოფას პასუხისმგებლობის თვალსაზრისით), წერილი კი არ იცნობს ამას და სურს, ყველამ მონაზონივით იცხოვროს, თუნდაც ჰყავდეთ ცოლები. ასე რომ, – ასკვნის წმინდა იოანე ოქროპირი, – ერისკაცებსაც იგივე მოეთხოვება, რაც მონაზვნებს, ყველა ადამიანი უნდა ავიდეს ერთსა და იმავე სიმაღლეზე. სწორედ ამან გადააგვარა მთელი მსოფლიო, რომ ვფიქრობთ, თითქოს მხოლოდ მონაზვნებს სჭირდებათ ცხოვრების სიმკაცრე, სხვებისთვის კი დასაშვებია, იცხოვრონ უზრუნველად. არამც და არამც! როგორც ამბობს პავლე მოციქული, ყოველ ჩვენგანს მოეთხოვება ერთნაირი სიბრძნისმოყვარება და სწრაფვა სულიერებისკენ, სიწმინდისკენ“.აი, ასეთი საოცარი სიტყვებია, ძვირფასო ძმებო და დებო!ასე რომ, დავფიქრდეთ დღეს მოსმენილ სწავლებაზე და ყველანაირად ვეცადოთ, შევასრულოთ ღვთის ნება; ჩვენი ცხოვრებით, ჩვენი საქმით ვადიდოთ ღმერთის ყოვლადწმინდა სახელი, რომ არ გავხდეთ ამ განკურნებულ ღადარინელ ეშმაკეულზე უარესი, რომელმაც განკურნებისთანავე, უმალვე ისეთი სიბრძნე გამოავლინა, რომ ძალიან ღირსეული მაგალითი გახდა ყველასთვის. ამინ!ღმერთმა დაგლოცოთ და გაგაძლიეროთ!მართლმადიდებელ ჟურნალისტთა კავშირი წერდა, რომ მართლმადიდებელი ეკლესია 100 000 მოწამის ხსენების დღეს აღნიშნავს.
]]></content:encoded><guid>https://mzk.ge/ge/news/91277-shio-iii-is-kadageba-sultmopenobidan-otsdameotkhe-kviras</guid><enclosure url="https://mzk.ge/img/article/912/77_main.jpg" length="59963" type="image/jpeg"/></item><item><title><![CDATA[მიტროპოლიტი იობი: „უკვე ნიღბების ჩამოხსნის პროცესი დაიწყო – გამოჩნდება, ვინ ვინ არის“]]></title><link>https://mzk.ge/ge/news/91276-mitropoliti-iobi-ukve-nighbebis-chamokhsnis-protsesi-daitsqo-gamochndeba-vin-vin-aris</link><description><![CDATA[მროველ-ურბნელი მიტროპოლიტი იობი ქადაგებაში ადამიანის თავისუფალ ნებაზე, სულიერ არჩევანზე, სიკეთისა და ცოდვის არსსა და სამშობლოს გაფრთხილების აუცილებლობაზე საუბრობს.]]></description><pubDate>Sun, 15 Nov 2026 16:10:00 +0400</pubDate><category>ახალი ამბები</category><content:encoded><![CDATA[მროველ-ურბნელი მიტროპოლიტი იობი აცხადებს, რომ თანამედროვე ეპოქაში ნიღბების ჩამოხსნის პროცესი დაიწყო და ადამიანების ნამდვილი სახე უფრო ნათლად წარმოჩინდება.
    
    
        ამ თემაზე
        რუის-ურბნისის მიტროპოლიტ იობის ქადაგება ეპარქიის დღესასწაულზე
    

„ჩვენ ისეთ ეპოქაში გვიწევს ცხოვრება, რომ უკვე ნიღბების ჩამოხსნის პროცესი დაიწყო. ვინ ვინ არის, უკეთ გამოჩნდა და „არა არს დაფარული, რომელი არა გაცხადდეს“. არ არის საიდუმლო, რომელიც არ გაცხადდეს. ასეთ პერიოდში გვიწევს ცხოვრება და ეს აუცილებლად მოხდება – ყველა გამოჩნდება, ვინ ვინ არის, და ეს კარგია. ბურუსში ყოფნა ძალიან რთულია, როცა ვერ არჩევ, ვინ არის შენს გვერდით. შეიძლება, შენი ახლობელი იყოს და უბეში გველი გყავდეს“, – აღნიშნა მიტროპოლიტმა იობმა.ქადაგებაში მიტროპოლიტი იობი ასევე საუბრობს სიბრძნისა და დემოკრატიის განსხვავებაზე და განმარტავს, რომ ჭეშმარიტი სიბრძნე სულიწმინდის მადლით მოიპოვება.„სიბრძნე სხვა არის და დემოკრატია სხვა არის. სიბრძნე მოდის სულიწმინდის მადლით, დიპლომატია კი არის „ჰოსა“ და „არას“ შორის რაღაცის თქმა.უფალი, როდესაც სხვადასხვა ხალხთან მიდიოდა, ეკითხებოდა: „რა გნებავს?“ ადამიანი თავისუფალი ნებით არის დაბადებული. ამ თავისუფალ ნებას ან ღმერთისკენ წარმართავს, ან ეშმაკისკენ. მეტი არ არსებობს ამ ქვეყანაზე – ორი ძალა: ღმერთი და ეშმაკი.თითოეული ჩვენგანი ემსახურება ან ღმერთს, ან ეშმაკს, ნებსით თუ უნებლიედ. ჩვენი ცხოვრების წესს თუ დავუკვირდებით, დავინახავთ, რომ ან ერთს ვემსახურებით, ან მეორეს. როდესაც ვცოდავთ, ეშმაკის საქმეს ვაკეთებთ, ხოლო როდესაც სიკეთეს ვაკეთებთ, მაშინ ღმერთის საქმეს ვემსახურებით“, – განაცხადა მიტროპოლიტმა.ქადაგების დასასრულს მიტროპოლიტმა იობმა სამშობლოს სიყვარულისა და ერთმანეთის გაფრთხილების მნიშვნელობაზე გაამახვილა ყურადღება. მისი თქმით, ქვეყნისა და საზოგადოების წინაშე პასუხისმგებლობა ყველას ეკისრება, განურჩევლად მათი სტატუსისა თუ საქმიანობის სფეროსი.„ჩვენ ერთი სამშობლო გვაქვს და ამ სამშობლოს უნდა გავუფრთხილდეთ. ყველა ვალდებული ვართ, ერთმანეთს გავუფრთხილდეთ – სასულიერო პირი იქნება თუ ერის ადამიანი“, – აღნიშნა მიტროპოლიტმა იობმა.მართლმადიდებელ ჟურნალისტთა კავშირი წერდა: მიტროპოლიტი იობი პარეხის მამათა მონასტერში საღმრთო ლიტურგიას აღავლენს.
]]></content:encoded><guid>https://mzk.ge/ge/news/91276-mitropoliti-iobi-ukve-nighbebis-chamokhsnis-protsesi-daitsqo-gamochndeba-vin-vin-aris</guid><enclosure url="https://mzk.ge/img/article/912/76_main.png" length="590183" type="image/png"/></item><item><title><![CDATA[პატრიარქმა შიო III-მ ასი ათასი ქართველი მოწამის ხსენების დღეს ქადაგება წარმოთქვა]]></title><link>https://mzk.ge/ge/news/91275-patriarkma-shio-iii-m-asi-atasi-kartveli-motsamis-khsenebis-dghes-kadageba-tsarmotkva</link><description><![CDATA[„ჩვენი ვალია, შევძლოთ, ვიყოთ ღირსნი ამ დიდი მოწამეების ხსენებისა, ვიყოთ მემკვიდრენი მათი უფლისადმი სიყვარულში, უფლის ერთგულებაში“, – აღნიშნა უწმინდესმა და უნეტარესმა.]]></description><pubDate>Sun, 15 Nov 2026 10:57:00 +0400</pubDate><category>ახალი ამბები</category><content:encoded><![CDATA[13 ნოემბერს, ასი ათასი ქართველი მოწამის ხსენების დღეს, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ ქადაგება წარმოთქვა.უწმინდესმა და უნეტარესმა შეკრებილ საზოგადოებას დღესასწაული მიულოცა და აღნიშნა, რომ ეს დღე განსაკუთრებულია საქართველოს ეკლესიისა და სრულიად საქართველოსთვის. როგორც პატრიარქმა ბრძანა, წმინდა ასი ათასი მოწამე, ისევე როგორც სხვა წმინდა მოწამეები, ქრისტიანული ეკლესიის დიდება და მშვენებაა და ყველაზე ძლიერი ქადაგებაა მკვდრეთით აღმდგარ ქრისტეზე.
    
    
        ამ თემაზე
        პატრიარქი შიო მესამე თბილისში, მეტეხის ხიდზე, სავედრებელ პარაკლისს აღავლენს
    

ქადაგების დასაწყისში პატრიარქმა განმარტა სიტყვა „მოწამის“ მნიშვნელობა და აღნიშნა, რომ ბერძნული სიტყვა „მარტის“ მოწმესა და მოწამეს ნიშნავს. მისი თქმით, წმინდა მოწამეები თავიანთი ღვაწლით მოწმობდნენ, რომ ქრისტეში სიკვდილს არანაირი ძალა არ აქვს და რომ ქრისტეს მიერ ადამიანს მარადიული სიცოცხლე ეძლევა.„წმინდა მოწამეები სწორედ ამას მოწმობენ, რომ ქრისტეში სიკვდილს არ აქვს არანაირი ძალა; რომ ქრისტეში ჩვენ გვეძლევა მარადიული სიცოცხლე და უკვე აქ, ეკლესიაში, ეკლესიურ საიდუმლოებებში ლოცვებით ჩვენ ვხდებით მარადიული ცხოვრების მიმღებნი და თანაზიარნი, მონაწილენი“, – ბრძანა კათოლიკოს-პატრიარქმა.უწმინდესმა აღნიშნა, რომ წმინდა მოწამეები ქრისტესთვის სიცოცხლეს სწირავდნენ, რათა მისი სიკვდილზე გამარჯვების თანაზიარნი გამხდარიყვნენ. ამასთან, მან გაიხსენა წმინდა მამების სწავლება, რომლის მიხედვითაც მოწამეობა მიწაში ჩავარდნილ მარცვალს ჰგავს, რომელიც ქრისტიანობისთვის ნაყოფიერ თესლად იქცა.პატრიარქის თქმით, მიუხედავად სასტიკი დევნისა, აკრძალვებისა და სიკვდილით დასჯისა, ქრისტიანული ეკლესია მაინც მრავლდებოდა და ქრისტეს სწავლება ვრცელდებოდა. ამ პროცესის დასაწყისში განსაკუთრებული ადგილი წმინდა მოციქულთა ქადაგებას ეკავა, რომელთა უმრავლესობამაც ქრისტეს ერთგულ მოწმედ ყოფნისთვის მოწამებრივი სიკვდილი მიიღო.„მათ შემდეგაც, შემდგომ პერიოდებში, მიუხედავად სასტიკი დევნისა, სიკვდილით დასჯისა, უფალი ყოველთვის ამრავლებდა მორწმუნეებს ეკლესიაში და მფარველობდა ეკლესიას. ამაში ფასდაუდებელია მოწამეების დამსახურება. მათი ერთგულებით, სიყვარულით შთაგონებული იყო მრავალი ადამიანი; მათი ლოცვით, მათი წყალობით, მათი ღვაწლის წყალობით ეკლესიამ შეძლო ამასოფლისგან მომდინარე სიძულვილისა და წარმართობის დამარცხება“, – აღნიშნა პატრიარქმა.ქადაგებისას უწმინდესმა გაიხსენა ეკლესიის ისტორიული გზა და ის პერიოდები, როდესაც ქრისტიანული სარწმუნოება სხვადასხვა წინააღმდეგობისა და დევნის პირობებში არსებობას აგრძელებდა. მან ასევე ისაუბრა წმინდა კეთილმსახური და მოციქულთასწორი მეფის, კონსტანტინე დიდის ეპოქასა და XX საუკუნეზე, როდესაც, მისი შეფასებით, ათეისტური ხელისუფლება ეკლესიასთან ბრძოლაში დამარცხდა.კათოლიკოს-პატრიარქმა ყურადღება გაამახვილა საქართველოს ეკლესიის 1700-წლიან ისტორიაზეც და აღნიშნა, რომ დღეს მთელი ეკლესია, მთელი ერი, სამღვდელოება და ხელისუფლება ერთად აღნიშნავს საქართველოს გაქრისტიანების 1700 წლისთავს.„დღეს ჩვენ – მთელი ეკლესია, მთელი ერი, სამღვდელოება, ჩვენი ხელისუფლებაც – ერთად ვზეიმობთ და აღვნიშნავთ ჩვენი ქვეყნის, სრულიად საქართველოს გაქრისტიანების 1700 წლისთავს, ეკლესია დგას და არსებობს! და ღრმად გვწამს, რომ ეკლესია იარსებებს ვიდრე ქვეყნის აღსასრულამდე, რადგან დამყარებულია უფალ იესო ქრისტეს უტყუარ სიტყვებზე: „მე ავაშენებ ჩემს ეკლესიას და ბჭენი ჯოჯოხეთისანი ვერ მოერევიან მას“ (მთ. 16, 18)“, – განაცხადა პატრიარქმა.უწმინდესმა და უნეტარესმა აღნიშნა, რომ მორწმუნეებს სწამთ, წმინდა მოწამეთა ლოცვით უფალმა შეიწყალა ქართველი ერი, მოუწოდა მას ეკლესიაში სულის გადასარჩენად და ცხონების გზაზე დასადგომად. მისი თქმით, თითოეული ადამიანის ვალია, ღირსეულად ატარებდეს წმინდანთა ხსენებას და მათი სულიერი მემკვიდრეობის გამგრძელებელი იყოს.„ჩვენი ვალია, შევძლოთ, ვიყოთ ღირსნი ამ დიდი მოწამეების – წმინდანების – ხსენებისა, ვისაც დღეს ვადიდებთ; ვიყოთ მემკვიდრენი მათი უფლისადმი სიყვარულში, უფლის ერთგულებაში“, – აღნიშნა კათოლიკოს-პატრიარქმა.პატრიარქმა მრევლს მოუწოდა, წმინდა ასი ათას ქართველ მოწამეს შეევედროს, რათა მათ ასწავლონ ქრისტეს ერთგულ მოწმეებად ყოფნა.„დღეს ვევედროთ, ძვირფასო ძმებო და დებო, წმინდა ასი ათას ქართველ მოწამეს, რომ გვასწავლონ, ჩვენც შევძლოთ, ვიყოთ ერთგული მოწმენი უფლისა ჩვენისა იესო ქრისტესი“, – ბრძანა უწმინდესმა.ქადაგების დასასრულს კათოლიკოს-პატრიარქმა საქართველოს წარსულზე, აწმყოსა და მომავალზე ისაუბრა და აღნიშნა, რომ ქვეყნის ისტორიამ დაადასტურა, ქართველი ერის გადარჩენა სწორედ ქრისტიანული გზის ერთგულებამ განაპირობა. მისი თქმით, ამ გზის ერთგულება მომავალშიც ქვეყნის გაძლიერების, გადარჩენისა და გამთლიანების საწინდარი იქნება.„ამდენად, ძვირფასო ძმებო და დებო, გვმართებს ამ გზის ერთგულება და ამ გზით სვლა, რომ მომავალშიც ჩვენი ერი, ჩვენი ქვეყანა გაძლიერდეს, გადარჩეს და გამთლიანდეს“, – აღნიშნა პატრიარქმა.უწმინდესმა და უნეტარესმა კიდევ ერთხელ მიულოცა საზოგადოებას ასი ათასი ქართველი მოწამის ხსენების დღე, შენდობა და შეწევნა შესთხოვა წმინდა მოწამეებს და ღვთისადმი ლოცვით მიმართა, რათა მათი მეოხებით უფალმა დაიფაროს, გააძლიეროს, გადაარჩინოს და გაამთლიანოს სრულიად საქართველო.„წმინდა ასი ათასი მოწამის ლოცვით ღმერთმა დაიფაროს, გააძლიეროს, გადაარჩინოს და გაამთლიანოს სრულიად საქართველო, ამინ!“ – ბრძანა კათოლიკოს-პატრიარქმა.მართლმადიდებელ ჟურნალისტთა კავშირი წერდა, რომ მართლმადიდებელი ეკლესია 100 000 მოწამის ხსენების დღეს აღნიშნავს.
]]></content:encoded><guid>https://mzk.ge/ge/news/91275-patriarkma-shio-iii-m-asi-atasi-kartveli-motsamis-khsenebis-dghes-kadageba-tsarmotkva</guid><enclosure url="https://mzk.ge/img/article/912/75_main.jpg" length="93409" type="image/jpeg"/></item><item><title><![CDATA[რელიგიის სააგენტომ წალკის ეპარქიას ჰუმანიტარული ტვირთი გადასცა]]></title><link>https://mzk.ge/ge/news/91274-religiis-saagentom-tsalkis-eparkias-humanitaruli-tvirti-gadastsa</link><description><![CDATA[წალკაში მცხოვრები სოციალურად შეჭირვებული ოჯახებისთვის საერთაშორისო ორგანიზაცია „ფრიდენს ბოტეს“ მიერ გამოგზავნილი 16 ფუთა ტანსაცმელი გადაეცა.]]></description><pubDate>Sun, 15 Nov 2026 10:47:00 +0400</pubDate><category>ახალი ამბები</category><content:encoded><![CDATA[რელიგიის საკითხთა სახელმწიფო სააგენტომ და საქართველოს ქრისტიან-ბაპტისტთა ეკლესიების გაერთიანებამ მორიგი საქველმოქმედო აქცია გამართეს.აქციის ფარგლებში საქართველოს მართლმადიდებელი ეკლესიის მანგლისისა და წალკის ეპისკოპოს გრიგოლ კაციას წალკაში მცხოვრები შეჭირვებული მოსახლეობისთვის საერთაშორისო
    
    
        ამ თემაზე
        ქრისტიანობის სახელმწიფო რელიგიად გამოცხადების 1700 წლისთავის აღნიშვნა
    

ორგანიზაცია „ფრიდენს ბოტეს“ მიერ მოწოდებული ჰუმანიტარული დახმარება – 16 ფუთა ტანსაცმელი გადასცეს.საქველმოქმედო აქციაში მონაწილეობდნენ საქართველოს ბაპტისტური ეკლესიების გაერთიანების აღმასრულებელი მდივანი ტარიელ პაპინაშვილი და რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის მეორე კატეგორიის უფროსი სპეციალისტი სერგო კერესელიძე.ჰუმანიტარულიდახმარება წალკაში მცხოვრებ შეჭირვებულ ოჯახებს მოხმარდება.მართლმადიდებელ ჟურნალისტთა კავშირი წერდა: სტეფანწმინდაში საქველმოქმედო და საგანმანათლებლო ღონისძიება გაიმართა.
]]></content:encoded><guid>https://mzk.ge/ge/news/91274-religiis-saagentom-tsalkis-eparkias-humanitaruli-tvirti-gadastsa</guid><enclosure url="https://mzk.ge/img/article/912/74_main.jpg" length="116123" type="image/jpeg"/></item><item><title><![CDATA[მიხეილ ყაველაშვილი მეტეხის ხიდზე გამართულ პარაკლისს დაესწრო]]></title><link>https://mzk.ge/ge/news/91273-mikheil-qavelashvili-metekhis-khidze-gamartul-parakliss-daestsro</link><description><![CDATA[პარაკლისი სრულიად საქართველოს კათოლიკოს-პატრიარქმა შიო III-მ აღავლინა.]]></description><pubDate>Fri, 13 Nov 2026 19:50:00 +0400</pubDate><category>ახალი ამბები</category><content:encoded><![CDATA[13 ნოემბერს (ძველი სტილით 31 ოქტომბერს) მართლმადიდებელი სამოციქულო ეკლესია წმიდა ათი ბევრი (100 000) მოწამის ხსენების დღეს აღნიშნავს. ისინი 1227 წელს თბილისში ხვარაზმელთა სულთან ჯალალედინის შემოსევის დროს ქრისტეს სარწმუნოებისთვის ეწამნენ.საქართველოს პრეზიდენტი მიხეილ ყაველაშვილი 2026 წლის 13 ნოემბერს თბილისში, მეტეხის ხიდზე გამართულ პარაკლისს დაესწრო. ღვთისმსახურება ასი ათასი მოწამის ხსენების დღესთან დაკავშირებით ჩატარდა.
    
    
        ამ თემაზე
        პატრიარქი შიო მესამე თბილისში, მეტეხის ხიდზე, სავედრებელ პარაკლისს აღავლენს
    

პარაკლისი სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა შიო III-მ აღავლინა. ეს იყო პირველი პარაკლისი მეტეხის ხიდზე, რომელიც შიო მესამემ აღავლინა პატრიარქის რანგში.ღვთისმსახურება მეტეხის ხიდზე 13 ნოემბერს, 17:00 საათზე დაიწყო.მართლმადიდებელ ჟურნალისტთა კავშირი წერდა, რომ მართლმადიდებელი ეკლესია 100 000 მოწამის ხსენების დღეს აღნიშნავს.
]]></content:encoded><guid>https://mzk.ge/ge/news/91273-mikheil-qavelashvili-metekhis-khidze-gamartul-parakliss-daestsro</guid><enclosure url="https://mzk.ge/img/article/912/73_main.jpg" length="72047" type="image/jpeg"/></item><item><title><![CDATA[პატრიარქი შიო მესამე თბილისში, მეტეხის ხიდზე, სავედრებელ პარაკლისს აღავლენს]]></title><link>https://mzk.ge/ge/news/91272-patriarki-shio-mesame-tbilisshi-metekhis-khidze-savedrebel-parakliss-aghavlens</link><description><![CDATA[პარაკლისი ყოველწლიურად 13 ნოემბერს ტარდება. ეს დღე საქართველოს მართლმადიდებელი ეკლესიის მიერ ასი ათასი მოწამის ხსენების დღედ არის დადგენილი.]]></description><pubDate>Fri, 13 Nov 2026 18:31:00 +0400</pubDate><category>ახალი ამბები</category><content:encoded><![CDATA[დღეს, 13 ნოემბერს, წმინდა ასი ათასი მოწამის ხსენების დღესთან დაკავშირებით, სრულიად საქართველოს კათოლიკოს-პატრიარქი შიო მესამე თბილისში, მეტეხის ხიდზე, სავედრებელ პარაკლისს აღავლენს. ღვთისმსახურება ტრადიციულად წმინდანთა პატივსაცემად იმართება.სრულიად საქართველოს კათოლიკოს-პატრიარქი შიო მესამე მღვდელმთავრებთან და სასულიერო პირებთან ერთად ასრულებს სავედრებელ პარაკლისს. ღონისძიებას მრევლი და მომლოცველები ესწრებიან.
    
    
        ამ თემაზე
        მართლმადიდებელი ეკლესია 100 000 მოწამის ხსენების დღეს აღნიშნავს
    

პარაკლისის დასრულების შემდეგ მორწმუნეებიმოწამეთა ხსოვნის პატივსაცემად მდინარე მტკვარში ყვავილებს ყრიან.მეტეხის ხიდზე იმყოფება საქართველოს პრეზიდენტი მიხეილ ყაველაშვილი.მართლმადიდებელ ჟურნალისტთა კავშირი წერდა, რომ მართლმადიდებელი ეკლესია 100 000 მოწამის ხსენების დღეს აღნიშნავს.
]]></content:encoded><guid>https://mzk.ge/ge/news/91272-patriarki-shio-mesame-tbilisshi-metekhis-khidze-savedrebel-parakliss-aghavlens</guid><enclosure url="https://mzk.ge/img/article/912/72_main.jpg" length="90161" type="image/jpeg"/></item><item><title><![CDATA[წმიდათა ათთა ბევრთა მოწამეთა ღვაწლი]]></title><link>https://mzk.ge/ge/zashhita-very/91270-tsmidata-atta-bevrta-motsameta-ghvatsli</link><description><![CDATA[ჯალალედინის შემოსევის ერთ-ერთი უმძიმესი ეპიზოდი თბილისთან არის დაკავშირებული. ქალაქის აღებას თან ახლდა დიდი ნგრევა, მოსახლეობის დარბევა და ქრისტიანული სიწმინდეების შეურაცხყოფა.]]></description><pubDate>Fri, 13 Nov 2026 14:19:59 +0400</pubDate><category>რწმენის დაცვა</category><content:encoded><![CDATA[საქართველოს მრავალსაუკუნოვანი ისტორია არაერთი მძიმე განსაცდელისა და სისხლისმღვრელი ბრძოლის მატიანეა, თუმცა ამ ისტორიის ყველაზე შთამბეჭდავ ფურცლებს ისინი ქმნიან, რომლებმაც სამშობლოსა და სარწმუნოებისათვის თავიანთი სიცოცხლე გაიღეს. ქართველი ერის სულიერი ცხოვრების ისტორიაში განსაკუთრებული ადგილი უჭირავს ასი ათასი მოწამის ღვაწლს — ადამიანებისა, რომელთა თავგანწირვაც არა მხოლოდ ერთი ეპოქის ტრაგიკული მოვლენა, არამედ ქრისტიანული რწმენისადმი ურყევი ერთგულების მარადიული მოწმობა გახდა.
    
    
        ამ თემაზე
        ივერიის ყოვლადწმიდა ღვთისმშობლის ხატი
    

თბილისის მტკვარი, რომელიც საუკუნეთა განმავლობაში ქალაქის ყოველდღიური ცხოვრების მდინარე იყო, ერთ დღეს ქრისტიანული აღმსარებლობისათვის შეწირული ადამიანების სისხლით შეიღება. ეს იყო უმძიმესი განსაცდელის ჟამი, როდესაც ქალაქის მცხოვრებნი არჩევანის წინაშე აღმოჩნდნენ: შეენარჩუნებინათ მიწიერი სიცოცხლე სარწმუნოების უარყოფის ფასად თუ სიკვდილის საფრთხის მიუხედავად ერთგულნი დარჩენილიყვნენ ქრისტესი და მისი წმინდა ეკლესიისა. მათმა არჩევანმა ნათლად წარმოაჩინა ქრისტიანობის ერთ-ერთი უმთავრესი ჭეშმარიტება — რწმენა არ არის მხოლოდ სიტყვიერი აღიარება, არამედ ისეთი სულიერი ერთგულება, რომლის დათმობაც სიცოცხლის შენარჩუნების სანაცვლოდაც კი შეუძლებელია.XIII საუკუნის პირველი ნახევარი საქართველოსათვის განსაკუთრებულად მძიმე ისტორიული პერიოდი აღმოჩნდა. თამარ მეფის ეპოქაში მიღწეული პოლიტიკური და კულტურული აღმავლობის შემდეგ ქვეყანათანდათანობით მძიმე საგარეო განსაცდელების წინაშე დადგა. ლაშა-გიორგისა და მისი დის, რუსუდანის, მეფობის ხანაში საქართველოს სამხრეთიდან ახალი მტერი — ხვარაზმშაჰთა სახელმწიფოს მმართველი ჯალალედინი — მოევლინა. მონღოლთა შემოსევებით დასუსტებული ხვარაზმის მმართველი, რომელმაც საკუთარი სამფლობელოები დაკარგა, კავკასიაში დამკვიდრებას ცდილობდა. მისი ლაშქრობები საქართველოსთვის განსაკუთრებით დამანგრეველი აღმოჩნდა.ჯალალედინის შემოსევის ერთ-ერთი უმძიმესი ეპიზოდი თბილისთან არის დაკავშირებული.ქალაქის აღებას თან ახლდა დიდი ნგრევა, მოსახლეობის დარბევა და ქრისტიანული სიწმინდეების შეურაცხყოფა. ისტორიული წყაროების მიხედვით, სწორედ ამ მოვლენებს უკავშირდება ასი ათასი ქართველის მოწამებრივი აღსასრული. მათი ხსენება განსაკუთრებით მნიშვნელოვანია არა მხოლოდ მსხვერპლის უპრეცედენტო რაოდენობის, არამედ იმ გარემოების გამოც, რომელშიც მათ ქრისტიანული სარწმუნოების ერთგულება გამოავლინეს.მოწამეობის ისტორიის ცენტრალური ეპიზოდი თბილისის სიონის ტაძრიდან გამოტანილ მაცხოვრისა და ღვთისმშობლის ხატებს უკავშირდება. გადმოცემის თანახმად, ჯალალედინის ბრძანებით, ხატები მტკვარზე გადებულ ხიდზე დაასვენეს და ქალაქის ქრისტიან მოსახლეობას მათი ფეხქვეშ გათელვა მოსთხოვეს. ეს მოთხოვნა უბრალო დამცირება ან რელიგიური რიტუალის შეურაცხყოფა არ ყოფილა. იგი ქრისტიანთა სარწმუნოების უარყოფის აშკარა იძულებას წარმოადგენდა. ხატებზე ფეხის დადგმა ნიშნავდა იმ სიწმინდის შეგნებულ შეურაცხყოფას, რომელსაც ქრისტიანები პატივს მიაგებდნენ, ხოლო ამ მოთხოვნაზე უარის თქმა — საკუთარი აღმსარებლობის საჯაროდ აღიარებას, რასაც, როგორც აღმოჩნდა, სიკვდილი მოჰყვებოდა.მიუხედავად მოსალოდნელი სასჯელისა, მრავალმა ქრისტიანმა უარი განაცხადა ხატების შეურაცხყოფაზე. ისინი სიკვდილს ამჯობინებდნენ იმ სიწმინდის შებღალვას, რომელიც მათი რწმენის განუყოფელი ნაწილი იყო. გადმოცემის თანახმად, ისინი მტკვარში ჩაყარეს და მახვილით დახოცეს. ასე იქცა თბილისის ხიდი მოწამებრივი აღსასრულის ადგილად, ხოლო მტკვარი — მათი სისხლიანი ღვაწლის მდუმარე მოწმედ.
    
    
        ამ თემაზე
        „პალიასტომის“ ღვთისმშობლის სასწაულთმოქმედი ხატის დღესასწაული
    

ამ მოვლენის გააზრებისას განსაკუთრებული ყურადღება უნდა მივაქციოთ ხატთაყვანისცემის საღვთისმეტყველო მნიშვნელობას. მართლმადიდებელი ეკლესიისათვის ხატი მხოლოდ საღვთო პიროვნების გამოსახულება ან რელიგიური ხელოვნების ნიმუში არ არის. იგი განკაცებული ღმერთის, იესო ქრისტეს, რეალური ადამიანური ბუნების აღიარებასთან არის დაკავშირებული. სწორედ განკაცების საიდუმლო უდევს საფუძვლად ხატთაყვანისცემის ქრისტიანულ სწავლებას. თუ უხილავი და მიუწვდომელი ღმერთი ხილული გახდა ქრისტეს განკაცებით, მაშინ შესაძლებელია მისი ადამიანური სახის გამოსახვაც. ამდენად, ხატის უარყოფა და მისი შეურაცხყოფა მხოლოდ გამოსახულებისადმი უპატივცემულობა არ არის — იგი იმ საღვთისმეტყველო ჭეშმარიტების წინააღმდეგაც შეიძლება იყოს მიმართული, რომელსაც ხატი მოწმობს.მათი მოწამებრივი ღვაწლი კიდევ ერთხელ გვახსენებს, რომ ქრისტიანული რწმენა ადამიანისაგან მხოლოდ სიტყვიერ თანხმობას არ მოითხოვს. იგი გულისხმობს შინაგან ერთგულებას, რომელიც განსაცდელის დროსაც უცვლელი უნდა დარჩეს. სახარებაში მაცხოვარი ბრძანებს: „ნუ გეშინინ მათგან, რომელთა მოსწყჳდენ ჴორცნი, ხოლო სულისა ვერ ჴელ-ეწიფების მოკლვად“ (მათე 10, 28). ეს სიტყვები ნათლად გამოხატავს ქრისტიანული მოწამეობის არსს. მიწიერი სიცოცხლე წარმავალია, ხოლო ღმერთთან ერთობა — მარადიული. ამიტომ მოწამე სიკვდილს არ ირჩევს როგორც მიზანს; იგი ირჩევს ქრისტეს ერთგულებას და მზად არის, ამ ერთგულებისათვის ნებისმიერი განსაცდელი დაითმინოს.ამასთანავე, ასი ათასი მოწამის ღვაწლი მხოლოდ ხატთაყვანისცემის ისტორიის კონტექსტში არ უნდა განვიხილოთ. მათი მოწამეობა ქრისტიანული აღმსარებლობის უფრო ფართო შინაარსსაც გამოხატავს — ეს არის ადამიანის თავისუფალი არჩევანი, როდესაც იგი უარს ამბობს საკუთარი სინდისისა და სარწმუნოების წინააღმდეგ წასვლაზე. ქრისტიანული მოწამეობა ძალადობისადმი პასიური დამორჩილება კი არ არის, არამედ ჭეშმარიტების ერთგულების შეგნებული მოწმობა. მოწამე არ ეძებს სიკვდილს, მაგრამ არც სიცოცხლის შესანარჩუნებლად თმობს იმას, რაც მისი სულიერი არსებობის საფუძველს წარმოადგენს. სწორედ ამგვარად უნდა გავიაზროთ თბილისელ ქრისტიანთა თავგანწირვა: მათთვის ქრისტესადმი ერთგულება ყოველგვარ მიწიერ კეთილდღეობაზე მაღლა იდგა.განსაკუთრებული ყურადღების ღირსია ის გარემოებაც, რომ მოწამეთა შორის მხოლოდ სასულიერო პირები ან განსაკუთრებული საეკლესიო მოღვაწეები არ ყოფილან. ისინი იყვნენ ქალაქის მცხოვრებნი — ჩვეულებრივი ადამიანები, შესაბამისად, მათი მოწამეობა კიდევ უფრო შთამბეჭდავი ხდება სწორედ ამ ადამიანური განზომილების გათვალისწინებით. ამ თვალსაზრისით, ასი ათასი მოწამის მაგალითი გვიჩვენებს, რომ სიწმინდისაკენ მოწოდება მხოლოდ მონასტრის კედლებში არ სრულდება. ქრისტიანული აღმსარებლობის ერთგულება ნებისმიერ ადამიანს შეუძლია გამოავლინოს, მიუხედავად მისი საზოგადოებრივი მდგომარეობისა და ცხოვრებისეული გარემოებებისა.ამ ისტორიულ მოვლენას განსაკუთრებული მნიშვნელობა აქვს ქართველი ერის სულიერი თვითმყოფადობის გააზრებისთვისაც. საქართველოს ისტორია ნათლად მოწმობს, რომ ქრისტიანობა საუკუნეთა განმავლობაში მხოლოდ რელიგიური კუთვნილება არ ყოფილა. იგი განსაზღვრავდა ქვეყნის კულტურულ სახეს, ზნეობრივ ღირებულებებს, მწიგნობრულ ტრადიციას, ხელოვნებასა და საზოგადოებრივ ცხოვრებას. თუმცა ასი ათასი მოწამის ღვაწლის მნიშვნელობა იმით არ ამოიწურება, რომ მათ ქრისტიანული საქართველოს ისტორიული სახე დაიცვეს. უპირველეს ყოვლისა, ისინი ქრისტეს აღმსარებლები იყვნენ და მათი თავგანწირვის არსიც სწორედ ამ პიროვნულ და ეკლესიურ ერთგულებაში უნდა დავინახოთ. ეროვნული მნიშვნელობა ამ შემთხვევაში არ ეწინააღმდეგება სარწმუნოებრივ შინაარსს, არამედ მისგან გამომდინარეობს.ათთა ბევრთა მოწამეთა ხსენება საქართველოს მართლმადიდებელი ეკლესიის ლიტურგიკულ ცხოვრებაში განსაკუთრებულ ადგილს იკავებს. ეკლესია მათ 13 ნოემბერს იხსენიებს. ეს დღე მხოლოდ ისტორიული ტრაგედიის გახსენება არ არის. იგი მოწამეთა სულიერი გამარჯვების დღესასწაულია, როდესაც მორწმუნენი პატივს მიაგებენ ადამიანებს, რომლებმაც ქრისტესათვის სიცოცხლე გასწირეს. ამ დღეს თბილისის სიონის ტაძარი, მეტეხის მიდამოები და მტკვრის სანაპირო განსაკუთრებული ისტორიული და სულიერი მნიშვნელობით წარმოგვიდგება. ქალაქის ეს ადგილები გვახსენებს, რომ ქრისტიანული სარწმუნოების ისტორია მხოლოდ დიდებული ტაძრების აგებითა და საეკლესიო დღესასწაულებით არ შექმნილა; იგი იმ ადამიანთა სისხლითა და თავგანწირვითაც დაიწერა, რომლებმაც თავიანთი სიცოცხლით დაამოწმეს ქრისტესადმი ერთგულება.
]]></content:encoded><guid>https://mzk.ge/ge/zashhita-very/91270-tsmidata-atta-bevrta-motsameta-ghvatsli</guid><enclosure url="https://mzk.ge/img/article/912/70_main.jpg" length="176495" type="image/jpeg"/></item></channel></rss>
