სანგუსა და ჩრდილოეთ კენტუკის უნივერსიტეტს შორის თანამშრომლობა ახალ ეტაპზე გადავიდა
მემორანდუმის გაფორმება ხელს შეუწყობს სტუდენტთა, ლექტორთა და მკვლევართა გაცვლას, ერთობლივ კვლევებსა და ინოვაციური საგანმანათლებლო პროგრამების განვითარებას.
სანგუსა და ჩრდილოეთ კენტუკის უნივერსიტეტს (Northern Kentucky University) შორის თანამშრომლობა ახალ, უმნიშვნელოვანეს ეტაპზე გადავიდა — გაფორმდა უნივერსიტეტთაშორისი მემორანდუმი, რომელიც ორი ინსტიტუციის მრავალწლიან პარტნიორობას კიდევ უფრო ამყარებს.
მემორანდუმს ხელი მოაწერეს ბოდბელმა მთავარეპისკოპოსმა იაკობმა, საქართველოს კათოლიკოს-პატრიარქის სრულუფლებიანმა წარმომადგენელმა სანგუში, და ჩრდილოეთ კენტუკის უნივერსიტეტის პრეზიდენტმა, პროფესორმა ქეიდი შორტ-ტომპსონმა.
შეთანხმება მოიცავს თანამშრომლობის რამდენიმე მნიშვნელოვან მიმართულებას:
სტუდენტთა გაცვლა — ბაკალავრიატის და მაგისტრატურის დონეზე, როგორც უფასო, ასევე ფასიან პროგრამებში მონაწილეობის შესაძლებლობით;
აკადემიური და ადმინისტრაციული პერსონალის გაცვლა — მოწვეული მეცნიერებისა და ლექტორების მობილობის გზით;
ერთობლივი კვლევითი საქმიანობა — საერთო კვლევითი პროექტებისა და გარე დაფინანსების ინიციატივების განხორციელებით;
ინოვაციური საგანმანათლებლო პროგრამების შემუშავება და დანერგვა;
კულტურული და აკადემიური ურთიერთობების გაღრმავება — ენისა და კულტურის გაცვლის საფუძველზე.
მემორანდუმი ახალი შესაძლებლობების კარს უხსნის როგორც სტუდენტებს, ისე აკადემიურ პერსონალს, და წარმოადგენს მნიშვნელოვან ნაბიჯს ქართული და ამერიკული უნივერსიტეტების ურთიერთობის გაღრმავების გზაზე.
მართლმადიდებელ ჟურნალისტთა კავშირმა ადრე გაავრცელა ინფორმაცია, რომ ათონელმა ბერებმა დუმენკოს ათონის მთაზე ვიზიტი გააპროტესტეს.
