საპატრიარქო და თავდაცვის სამინისტრო კაპელანთა გაძლიერებაზე ერთობლივ პროექტს ახორციელებს
პროექტი მიზნად ისახავს პატრიოტული სულისკვეთებისა და ქრისტიანული ღირებულებების გაღრმავებას.
ნატოს საქართველოს წვრთნებისა და შეფასების ცენტრშისაქართველოს საპატრიარქოს საზოგადოებასთან ურთიერთობის სამსახურისა და თავდაცვის სამინისტროს ერთობლივი პროექტის ფარგლებში ჯარისკაცებისთვის პირველი სალექციო შეხვედრა გაიმართა 23 სექტემბერს ნატოს საქართველოს წვრთნებისა და შეფასების ერთობლივი ცენტრის მომზადების ცენტრში. შეხვედრა მიზნად ისახავდა ჯარისკაცებში პატრიოტული სულისკვეთებისა და ქრისტიანული თუ ზოგადსაკაცობრიო თემების გაღრმავებას.
შეხვედრაზე მოხსენებით წარსდგნენ საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი გურამ ჭარელაშვილი და თბილისის სასულიერო აკადემიისა და სემინარიის ლექტორი გიორგი მეტრეველი.
დეკანოზი გურამ ჭარელაშვილი განაცხადა: „შეხვედრები ძირითადად ეხება იმ ღირებულებებს და ფასეულობებს, რომლებზეც დგას ეკლესიაც და სახელმწიფოც. ამიტომ ვფიქრობთ, რომ მსგავსი შეხვედრები, რომლებიც ერთგვარად არა მხოლოდ ლექციურ ხასიათს ატარებს, არამედ ინტერაქციულია და ჯარისკაცსაც შეუძლია თავისი კითხვა დასვას, ჩაერთოს ამ პროცესში და მაქსიმალური ინფორმაცია მიიღოს ამ ღირებულებებზე, სასარგებლო იქნება პირველ რიგში მისთვის და ვფიქრობ, ეს ორიცესსაც მთლიანობაში ძალიან წაადგება, რაც საბოლოოდ ქვეყნის, ეკლესიისა და ჯარისკაცის, როგორც პიროვნების, გაძლიერებას შეეხება."
მართლმადიდებელ ჟურნალისთა კავშირი წერდა, ალავერდის სამონასტრო კომპლექსში რეაბილიტაცია სრულდება.
