ალავერდის სამონასტრო კომპლექსში რეაბილიტაცია სრულდება
საქართველოს პრემიერ-მინისტრმა ირაკლი კობახიძემ და პარლამენტის თავმჯდომარემ შალვა პაპუაშვილმა სამონასტრო კომპლექსი დაათვალიერეს და მიმდინარე სამუშაოებს გაეცვნენ.
ალავერდის სამონასტრო კომპლექსი, რომელიც საქართველოს ერთ-ერთი მნიშვნელოვანი კულტურული და რელიგიური ძეგლია, რეაბილიტაციის აქტიურ ფაზაშია. საქართველოს კულტურული მემკვიდრეობის დაცვის ეროვნული სააგენტო ახორციელებს საეპისკოპოსო სასახლის სატრაპეზოს შიდა სივრცისა და ფეიქარ-ხანის სასახლის რეაბილიტაციას. ინფორმაციას საქართველოს მთავრობის ოფიციალური გვერდი ავრცელებს.
სამონასტრო კომპლექსში ჩატარებული სამუშაოები მოიცავს ტაძრის გუმბათის გადახურვას, დიდი თითბრის ჯვრის აღმართვას, საეპისკოპოსო სასახლისა და ტაძრის დასავლეთ მინაშენის სახურავის აღდგენას, ასევე სიძველეთა საცავის სახურავის სრულად განახლებას.
პრემიერ-მინისტრი ირაკლი კობახიძე და პარლამენტის თავმჯდომარე შალვა პაპუაშვილი ალავერდის სამონასტრო კომპლექსში სტუმრობისას ადგილზე გაეცნენ როგორც უკვე დასრულებულ, ისე მიმდინარე რეაბილიტაციის სამუშაოებს. მათთან ერთად კომპლექსს ესტუმრნენ აღმასრულებელი, საკანონმდებლო და ადგილობრივი ხელისუფლების წარმომადგენლები.
მართლმადიდებელ ჟურნალისტთა კავშირი წერდა, ტაშისკარში ყოვლადწმინდა ღვთისმშობლის სახელობის განახლებული ტაძარი იხსნება.
