ბათუმის წმინდა იოანე ღვთისმეტყველის სემინარიაში სასწავლო წელი დაიწყო
ავტორიზებულ სასწავლებელში სწავლა უფასოა, ხოლო კურსდამთავრებულებს თეოლოგიის ბაკალავრის აკადემიური ხარისხი ენიჭებათ.
ბათუმის წმინდა იოანე ღვთისმეტყველის სახელობის სასულიერო სემინარიაში ახალი სასწავლო წელი დაიწყო. სასწავლებელი სტუდენტებს ქრისტიანული ღვთისმეტყველების სხვადასხვა დარგის საფუძვლიან შესწავლასა და სულიერ-საგანმანათლებლო გარემოში ცოდნის გაღრმავების შესაძლებლობას სთავაზობს.
სასწავლო პროგრამა საღვთისმეტყველო დისციპლინებთან ერთად მოიცავს ქართულ ენასა და ლიტერატურას, საქართველოსა და მსოფლიო ისტორიას, ფილოსოფიასა და აკადემიურ წერას.
სტუდენტებისთვის ხელმისაწვდომია სემინარიის ბიბლიოთეკა, სადაც დაცულია საღვთისმეტყველო, ისტორიული, ფილოსოფიური და სხვა მიმართულების მდიდარი ლიტერატურა. საბიბლიოთეკო რესურსები ხელს უწყობს როგორც სასწავლო პროცესს, ისე სტუდენტების კვლევით საქმიანობას.
სემინარიაში სწავლა უფასოა. სასწავლებელს გავლილი აქვს ავტორიზაცია და პროგრამის წარმატებით დასრულების შემდეგ კურსდამთავრებულებს თეოლოგიის ბაკალავრის აკადემიური ხარისხი ენიჭებათ.
სემინარიის საგანმანათლებლო საქმიანობა ცოდნის გაღრმავებასთან ერთად სტუდენტების სულიერ აღზრდასა და ქრისტიანული ღირებულებების განმტკიცებას ემსახურება.
მართლმადიდებელ ჟურნალისტთა კავშირი წერდა, მიტროპოლიტმა დიმიტრიმ წმ. მატათას სახელობის გიმნაზიის განვითარების ხედვა წარადგინა.
