ზუგდიდისა და ცაიშის მიტროპოლიტმა გერასიმემ ზუგდიდის საკათედრო ტაძარში საკვირაო საღმრთო ჟამისწირვა აღავლინა
მსახურების დროს მიტროპოლიტმა გერასიმემ სტიქრით სამი პირი შემოსა და მრევლს ქადაგებით მიმართა.
21 ივნისს, სულთმოფენობიდან მესამე კვირას, მისმა მაღალყოვლადუსამღვდელოესობამ, ზუგდიდისა და ცაიშის მიტროპოლიტმა გერასიმემ, საკვირაო საღმრთო ჟამისწირვა ზუგდიდის ივერიის ყოვლადწმინდა ღმრთისმშობლის სახელობის საკათედრო ტაძარში აღავლინა.
ღვთისმსახურების მიმდინარეობისას მიტროპოლიტმა გერასიმემ სტიქრით შემოსა სულხან თირქია, ნიკოლოზ ჭკადუა და ირაკლი გრიგოლავა.
საღმრთო ჟამისწირვის დასრულების შემდეგ ეპარქიის მმართველმა მღვდელმთავარმა მრევლს ქადაგებით მიმართა, დალოცა დამსწრეები და მათ დღევანდელი საეკლესიო დღესასწაული მიულოცა.
ტაძარში შეკრებილმა მრევლმა ერთობლივი ლოცვით მონაწილეობა მიიღო საკვირაო ღვთისმსახურებაში და მღვდელმთავრისგან კურთხევა მიიღო.
მართლმადიდებელ ჟურნალისტთა კავშირი ადრე წერდა, რომ ზუგდიდში წმინდა ნიკოლოზის სახელობის ახალი ტაძრის მშენებლობა იწყება
