თბილისის სასულიერო აკადემიის სტუდენტებმა ბეთანიასა და მანგლისში ლექცია-სემინარი გაიარეს
ქრისტიანული ხელოვნებათმცოდნეობის ფაკულტეტის ორგანიზებით სტუდენტებმა მოინახულეს ბეთანიის ღვთისმშობლის შობის ტაძარი და მანგლისის სიონი.
თბილისის სასულიერო აკადემიისა და სემინარიის რექტორის, პროტოპრესვიტერ გიორგი ზვიადაძის კურთხევითა და ქრისტიანული ხელოვნებათმცოდნეობის ფაკულტეტის დეკანატის ორგანიზებით, სტუდენტებისთვის ჩატარდა გასვლითი ხასიათის ლექცია-სემინარი ბეთანიისა და მანგლისის რამდენიმე მნიშვნელოვან კულტურულ-ისტორიულ ლოკაციაზე.
სტუდენტებმა მოინახულეს და შეისწავლეს ბეთანიის ღვთისმშობლის შობის სახელობის ტაძარი (XII–XIII სს.) და მანგლისის სიონი (V–XI სს.). ტაძრების ისტორიის, არქიტექტურისა და კედლის მხატვრობის შესახებ ლექცია წაიკითხეს ქრისტიანული ხელოვნებათმცოდნეობის კათედრის ხელმძღვანელმა, ქალბატონმა რუსუდან ვაშალომიძემ და ხელოვნებათმცოდნეობის დოქტორმა, ქალბატონმა მარიამ დიდებულიძემ.
გასვლითი სემინარის ფარგლებში სტუდენტებს მიეცათ შესაძლებლობა უშუალოდ გარემოში გაცნობოდნენ ისტორიულ ძეგლებს, გაეანალიზებინათ მათი არქიტექტურული და მხატვრული თავისებურებები. აღნიშნული ფორმატის სწავლება მნიშვნელოვანია მომავალი ხელოვნებათმცოდნეებისთვის, რადგან ამგვარი პრაქტიკული საქმიანობა თსასის საგანმანათლებლო პროცესის განუყოფელი ნაწილია და დიდ წვლილს შეაქვს სტუდენტთა პროფესიულ განვითარებაში.
მართლმადიდებელ ჟურნალისტთა კავშირი წერდა, მიტროპოლიტმა იობმა ფრონეში ახალი სკიტი და ტაძარი აკურთხა.
