გაიმართა ახალგაზრდა ლიდერთა ოლიმპიადის ფინალი
საპილოტე პროექტში VIII–X კლასების მოსწავლეები მონაწილეობდნენ. პირველი ადგილი 71-ე საჯარო სკოლის მოსწავლემ ანა ლაგვილავამ დაიკავა.
1 ნოემბერს საზოგადოებრივი მოძრაობა „დავითიანნისა“ და „ახალგაზრდა ლიდერთა აკადემიის“ თანამშრომლობით გამართულ ოლიმპიადაზე გამარჯვებულები გამოვლინდნენ. პროექტს „დავითიანნთან“ ერთად მხარს უჭერდა არასამთავრობო ორგანიზაცია „ჰელფინგ ჰენდი“.
ფინალურ ეტაპზე გასვლამდე მოსწავლეებმა ორი საკონკურსო ტური გაიარეს. ოლიმპიადის ფარგლებში მათ წარმოაჩინეს როგორც საკუთარი ცოდნა, ისე კრიტიკ
ული აზროვნების, არგუმენტირებული მსჯელობისა და ლიდერული უნარები.
პირველი ადგილი 71-ე საჯარო სკოლის მოსწავლემ ანა ლაგვილავამ დაიკავა, მეორე ადგილზე 146-ე საჯარო სკოლის მოსწავლე ელისაბედ კვესელავა გავიდა, ხოლო მესამე ადგილი 106-ე საჯარო სკოლის მოსწავლეს გიორგი თითილოკაშვილს ერგო.
„დავითიანნი“ და „ახალგაზრდა ლიდერთა აკადემია“ ახალგაზრდების შესაძლებლობების გამოვლენისა და განვითარების ხელშესაწყობად თანამშრომლობას განაგრძობენ. ოლიმპიადის მონაწილეებს შესაძლებლობა ექნებათ, გახდნენ აკადემიის წევრები და სხვადასხვა საგანმანათლებლო პროგრამაში ჩაერთონ.
მართლმადიდებელ ჟურნალისტთა კავშირი წერდა, ციხისჯვარის წმინდა გაბრიელის სახელობის ეკლესია.
