ჭიათურისა და საჩხერის ეპარქიაში „ღირებულებითი განათლების“ კლუბების შეხვედრები გაიმართა
კლუბების წევრებმა სასულიერო პირებთან ერთად ადამიანის მისიაზე, თანაგრძნობაზე, ხედვასა და პერსპექტივაზე ისაუბრეს.
22 ოქტომბერს მღვდელმა გიორგი კვიჟინაძემ ჭიათურის №5 საჯარო სკოლის „ღირებულებითი განათლების“ კლუბის წევრებთან შეხვედრა გამართა. შეხვედრის თემა იყო „ხედვა და პერსპექტივა“.
28 ოქტომბერს ადამიანის მისიაზე ორი სკოლის მოსწავლეებმა იმსჯელეს. საჩხერის მუნიციპალიტეტის სოფელ სავანის საჯარო სკოლაში შეხვედრას მღვდელი ლევან გელაშვილი უძღვებოდა, ჭიათურის №7 საჯარო სკოლაში კი — მღვდელი გიორგი მოდებაძე.
30 ოქტომბერს მღვდელი ლევან გელაშვილი სოფელ ჭორვილის საჯარო სკოლის კლუბის წევრებს შეხვდა და მათ თანაგრძნობაზე ესაუბრა.
პროექტი „ღირებულებითი განათლება“ უწმინდესისა და უნეტარესის, სრულიად საქართველოს კათოლიკოს-პატრიარქის შიო III-ის ლოცვა-კურთხევით ხორციელდება. პროექტს საქართველოს საპატრიარქოს საზოგადოებასთან ურთიერთობის სამსახური და ახალგაზრდობის სამინისტრო უჭერენ მხარს.
მართლმადიდებელ ჟურნალისტთა კავშირი წერდა, ჭიათურაში საქართველოს გაქრისტიანების 1700 წლისთავს კვირეული მიეძღვნა.
