რუსეთში ქართული ტაძრის აღდგენის პროცესში ქართველი სპეციალისტები ჩაერთვებიან
დეკანოზ ანდრია ჯაღმაიძის განცხადებით, ტაძრის რეაბილიტაციის საკითხზე მხარეებს შორის დიალოგი უკვე დაწყებულია.
რუსეთის ტერიტორიაზე მდებარე ერთ-ერთი ქართული ტაძრის აღდგენის პროცესში ქართველი სპეციალისტების შესაძლო მონაწილეობა განიხილება. ამის შესახებ საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ „ინტერპრესნიუსს“ განუცხადა.
მისი ინფორმაციით, ტაძრის რეაბილიტაციის საკითხზე მხარეებს შორის დიალოგი უკვე დაწყებულია და მოიაზრება რუსეთში ქართველი მეცნიერების გამგზავრებაც. ამ ეტაპზე ტაძრის სახელწოდება, ზუსტი ადგილმდებარეობა და სამუშაოების დეტალები არ დასახელებულა.
დეკანოზმა ანდრია ჯაღმაიძემ განმარტა, რომ ტაძარი მოსკოვში არ მდებარეობს. მისივე თქმით, პროცესი საწყის ეტაპზეა და თავად აღნიშნულ ჯგუფში ჩართული არ არის. სამუშაოების დაწყებისა და ჯგუფის გამგზავრების შესახებ ინფორმაცია საზოგადოებას ეცნობება.
საპატრიარქოს საზოგადოებასთან ურთიერთობის სამსახურის ხელმძღვანელმა ხაზი გაუსვა რეაბილიტაციაში მეცნიერების მონაწილეობის მნიშვნელობას.
„მნიშვნელოვანია, რომ რეაბილიტაციის პროცესში ჩართული იყოს სამეცნიერო ნაწილი“, — აღნიშნა დეკანოზმა ანდრია ჯაღმაიძემ.
მართლმადეიდებელ ჟურნალისტთა კავშირი წერდა, დეკანოზი ანდრია ჯაღმაიძე: პატრიარქის დაკრძალვისთვის გამოყოფილი თანხის ძირითადი ნაწილი არ დაიხარჯა.
