მცხეთაში სვეტიცხოვლის ტაძარში უწმინდესისა და უნეტარესის შიო III-ის დასახვედრად ემზადებიან
13 ივლისს, სვეტიცხოვლობისა და 12 მოციქულის ხსენების დღეს, საქართველოს კათოლიკოს-პატრიარქი სვეტიცხოვლის საპატრიარქო ტაძარში სადღესასწაულო ლიტურგიას აღავლენს.
მცხეთის სვეტიცხოვლის საპატრიარქო ტაძარში დღეს, 13 ივლისს, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის შიო III-ის დასახვედრად ემზადებიან.
პატრიარქი სვეტიცხოვლობისა და 12 მოციქულის ხსენების დღესასწაულთან დაკავშირებით სადღესასწაულო საღმრთო ლიტურგიას აღავლენს. ღვთისმსახურება 10:00 საათზე დაიწყება.
სვეტიცხოვლობა საქართველოს მართლმადიდებელი ეკლესიის ერთ-ერთი უმნიშვნელოვანესი დღესასწაულია, რომელსაც ყოველწლიურად ათასობით მორწმუნე მცხეთის სვეტიცხოვლის საპატრიარქო ტაძარში აღნიშნავს.
მართლმადიდებელ ჟურნალისტთა კავშირი წერდა, სრულიად საქართველოს კათოლიკოს-პატრიარქი შიო III სენაკის იოანე ნათლისმცემლის სახელობის ტაძარში მობრძანდა.
