პატრიარქმა ღირებულებითი განათლების პროგრამის მონაწილე სასულიერო პირები მიიღო
საპატრიარქო რეზიდენციაში გამართულ შეხვედრაზე პროგრამის მიზნებსა და სამომავლო გეგმებზე ისაუბრეს.
უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა შიო III-მ ღირებულებითი განათლების პროგრამის მონაწილე სასულიერო პირები მიიღო.
საპატრიარქო რეზიდენციაში იმყოფებოდნენ სხვადასხვა ეპარქიის სასულიერო პირები, რომლებიც ღირებულებითი განათლების პროგრამის კოორდინატორები არიან.
შეხვედრის ფარგლებში საუბარი შეეხო პროგრამის ძირითად მიზნებს, მის მნიშვნელობასა და სამომავლო გეგმებს.
შეხვედრა პროგრამის მიმდინარეობის, გამოცდილების გაზიარებისა და სამომავლო საქმიანობის საკითხებზე მსჯელობას დაეთმო.
აღსანიშნავია, რომ პროექტი უწმინდესისა და უნეტარესის შიო III-ის უშუალო ხელმძღვანელობით მიმდინარეობს.
მართლმადიდებელ ჟურნალისტთა კავშირი წერდა: პატრიარქმა შიო III-მ ბელგრადის სასულიერო სემინარიის პროფესორები და სტუდენტები დალოცა.
