სერბეთის პატრიარქმა პორფირემ ბელგრადში ილია მეორის სულის მოსახსენიებელი პანაშვიდი გადაიხადა
სერბეთის პატრიარქმა ილია II „საყვარელ ძმად“ და ქართველი ხალხის „დაუვიწყარ მამად“ მოიხსენია და მის სულიერ მემკვიდრეობაზე ისაუბრა.
სერბეთის პატრიარქმა პორფირემ ბელგრადში, საპატრიარქო რეზიდენციის სამლოცველოში სრულიად საქართველოს კათოლიკოს-პატრიარქის, ილია მეორის სულის მოსახსენიებლად პანაშვიდი გადაიხადა.
ღვთისმსახურებაში მონაწილეობა მიიღო საპატრიარქო კანცელარიის ხელმძღვანელმა.
ლოცვის დასრულების შემდეგ პატრიარქმა პორფირემ სამძიმარი გამოუცხადა საქართველოს საპატრიარქო ტახტის მოსაყდრეს, წმინდა სინოდს, სამღვდელოებას, ბერმონაზვნობასა და მთელ ქართველ მრევლს.
მიმართვაში სერბეთის პატრიარქმა ილია მეორე „საყვარელ ძმად“, ქართველი ხალხის „დაუვიწყარ მამად“ და მთავარეპისკოპოსად მოიხსენია.
პორფირემ ასევე ისაუბრა ილია მეორის სულიერ მემკვიდრეობაზე და აღნიშნა, რომ მისმა ცხოვრებამ წარუშლელი კვალი დატოვა როგორც საკუთარ სამწყსოში, ისე მთლიანად მართლმადიდებელ სამყაროში.
მისივე თქმით, ილია II-ს განსაკუთრებული წვლილი მიუძღვის რწმენის განმტკიცებაში, ტრადიციების დაცვასა და ქართველი ხალხის სულიერი იდენტობის შენარჩუნებაში.
მართლმადიდებელ ჟურნალისტთა კავშირი წერდა, რეჯეფ თაიფ ერდოღანისგან სამძიმრის წერილი საქართველოს კათოლიკოს-პატრიარქის გარდაცვალების გამო.
