წმინდა ნინოს ხსენების დღეს ოჭანეს დედათა მონასტერში სადღესასწაულო ჟამისწირვა აღევლინა
ღვთისმსახურება ზუგდიდისა და ცაიშის მიტროპოლიტმა გერასიმემ აღასრულა.
ქართველთა განმანათლებლისა და მოციქულთა სწორის, წმინდა ნინოს ხსენების დღესთან დაკავშირებით, ოჭანეს წმინდა ნინოს სახელობის დედათა მონასტერში სადღესასწაულო ჟამისწირვა აღევლინა. ღვთისმსახურებას მისმა მაღალყოვლადუსამღვდელოესობამ, ზუგდიდისა და ცაიშის მიტროპოლიტმა გერასიმემ უხელმძღვანელა.
ლიტურგიას მონასტრის დედები, მრევლი, ადგილობრივი სამღვდელოების წარმომადგენლები და ტაძრის მსახური სტიქაროსნები ესწრებიდნენ. მსახურების დასრულების შემდეგ ეპარქიის მმართველმა მღვდელმთავარმა ქადაგებით მიმართა დამსწრე საზოგადოებას, ისაუბრა წმინდა ნინოს ღვაწლზე და მის განსაკუთრებულ როლზე ქართველი ერის სულიერ ცხოვრებაში.
მიტროპოლიტმა გერასიმემ მრევლს ნინოობის დღესასწაული მიულოცა და მშვიდობა, სულიერი სიმტკიცე და ღვთის მადლი უსურვა.
მართლმადიდებელ ჟურნალისტთა კავშირი წერდა, ზუგდიდის საკათედრო ტაძარში გუმბათზე მაცხოვრის მოზაიკის მონტაჟი გრძელდება.
