სამების ტაძრის ეზოში წინასაშობაო საქველმოქმედო საღამო გაიმართება
დავითიანნისა და თბილისის 30-მდე სკოლის „ლიდერთა კლუბის“ 500-ზე მეტი მოსწავლე საქველმოქმედო საღამოს გამართავს.
28 დეკემბერს, 17:00 საათზე, სამების ტაძრის ეზოში გაიმართება წინასაშობაო საქველმოქმედო საღამო, რომელიც სრულიად საქართველოს კათოლიკოს-პატრიარქის, ილია II-ის კათედრაზე აღსაყდრების 48-ე წლისთავს ეძღვნება.
ღონისძიებას ორგანიზებას უწევს დავითიანნი თბილისის 30-მდე პარტნიორი სკოლის „ლიდერთა კლუბის“ 500-ზე მეტ მოსწავლე-ახალგაზრდასთან ერთად. საღამოს მიზანია – სიკეთის გაზიარება და მზრუნველობას მოკლებული ბავშვებისთვის ნამდვილი საახალწლო სურვილების ასრულება.
საღამოს ფარგლებში დაგეგმილია:
* ხელნაკეთი ნივთებისა და ტკბილეულის გამოფენა-გაყიდვა;
* ფოლკლორული ანსამბლების კონცერტი;
* ბავშვებისთვის სიურპრიზები და საახალწლო საჩუქრები.
ღონისძიებიდან შემოსული თანხა სრულად მოხმარდება მზრუნველობამოკლებულ ბავშვებს, მათთვის საახალწლო გარემოს შექმნასა და სურვილების ასრულებას.
ორგანიზატორები ყველა მსურველს მოუთმენლად ელიან: „ერთად ავუსრულოთ საახალწლო სურვილები ბავშვებს, რომელთაც სასწაულების ჯერ კიდევ სჯერათ!“
მართლმადიდებელ ჟურნალისტთა კავშირი წერდა, მსოფლიოში ახალი ხელოვნურ ინტელექტზე ორიენტირებული „რელიგია“ გაჩნდა.
