გამოიცა წიგნი: ახალმოწამე ქუთათელი მიტროპოლიტი ნაზარის ცხოვრება და მოღვაწეობა
1924 წლის 1 სექტემბერს ქუთაისში დახვრიტეს ქუთათელი მიტროპოლიტი ნაზარი (ლეჟავა).
საპატრიარქოს ბიბლიოთეკა ავრცელებს ინფორმაციას, რომ გამოიცა ახალი წიგნი, რომელიც აღწერს ქუთათელი მიტროპოლიტის ცხოვრებასა და მოღვაწეობას. წიგნში გამოქვეყნებულია საქართველოს ეროვნული არქივის ცენტრალური საისტორიო არქივის, საქართველოს უახლესი ისტორიის არქივის, ქუთაისის ცენტრალური სახელმწიფო არქივის, ასევე შინაგან საქმეთა სამინისტროს არქივის, საქართველოს საპატრიარქოს არქივის, ქუთაისის სახელმწიფო ისტორიული მუზეუმის დოკუმენტური მასალები, რომელთა უმრავლესობა პირველად ქვეყნდება და შემოდის სამეცნიერო მიმოქცევაში.
წიგნი შედგება 10 თავისა და 29 ქვეთავისაგან. წიგნის ავტორი: ისტორიის დოქტორი, პროფესორი ირაკლი ლორთქიფანიძე. წიგნი განკუთვნილია საქართველოს ისტორიისა და საქართველოს ეკლესიის ისტორიის მკვლევრებისა და მკითხველთა ფართო წრისათვის.
მართლმადიდებელ ჟურნალისტთა კავშირი წერდა, ბათუმისა და ლაზეთის ეპარქიაში ლექცია გაიმართა თემაზე — „ქართული სამგალობლო ხელოვნება“.
