ქუთათელ-გაენათელმა მიტროპოლიტმა იოანემ ეპარქიის სასულიერო პირები დააჯილდოვა
სასულიერო პირებს სხვადასხვა საეკლესიო ჯილდოები და ხარისხები ქუთაისის ბაგრატის საკათედრო ტაძარში გადაეცათ.
20 სექტემბერს ქუთათელ-გაენათელმა მიტროპოლიტმა იოანემ (გამრეკელი), ქუთაისის ყოვლადწმინდა ღვთისმშობლის მიძინების სახელობის ბაგრატის საკათედრო ტაძარში, ეპარქიის სასულიერო პირები სხვადასხვა საეკლესიო ჯილდოებითა და ხარისხებით დააჯილდოვა.
მიტრის ტარების უფლებით დაჯილდოვდნენ დეკანოზები: დავით მარგველაშვილი, პეტრე გაბუნია და მარტინე კახიძე.
გამშვენებული ჯვრის ტარების უფლება მიენიჭათ დეკანოზებს: იოანე ხელაძეს, კონსტანტინე სულაბერიძესა და სერაპიონ სოფრომაძეს.
ოქროს ჯვრის ტარების უფლებითა და დეკანოზის ხარისხით დაჯილდოვდნენ მღვდლები იოანე გრიგოლაშვილი და ანასტასი ლაკვეხელიანი.
ოქროს ჯვრის ტარების უფლებით კი დაჯილდოვდნენ მღვდელ-მონაზვნები: კვიპრიანე (სოხაძე), საბა (ჩეჩელაშვილი), ევაგრე (ერისთავი) და კონსტანტინე (აბდალაძე).
დაჯილდოების ცერემონია ქუთაისის ბაგრატის საკათედრო ტაძარში გაიმართა.
მართლმადიდებელ ჟურნალისტთა კავშირი წერდა, მიტროპოლიტ იოანეს დაბადების დღე სხვადასხვა ეპარქიებმა მიულოცეს.
