წინანდალში საჯარო ლექცია გაიმართა
თეოლოგმა გიორგი გვასალიამ წინანდლის ისტორიულ მამულში საქართველოს ქრისტიანულ ისტორიასა და ქვეყნისთვის მნიშვნელოვანი საიუბილეო თარიღის მნიშვნელობაზე ისაუბრა.
წინანდლის ისტორიულ მამულში თეოლოგმა გიორგი გვასალიამ საჯარო ლექცია გამართა, რომელიც საქართველოში ქრისტიანობის სახელმწიფო რელიგიად გამოცხადებიდან 1700 წლის იუბილეს მიეძღვნა.
ღონისძიება წინანდლის კლასიკური მუსიკის საერთაშორისო ფესტივალის ფარგლებში გაიმართა და საქართველოში ქრისტიანობის სახელმწიფო რელიგიად გამოცხადებიდან 1700 წლისთავისადმი მიძღვნილი ღონისძიებების ციკლის ნაწილი იყო.
საჯარო ლექციის ფარგლებში ყურადღება გამახვილდა საქართველოს ქრისტიანული ისტორიის მნიშვნელობასა და იმ ისტორიულ მოვლენაზე, რომელმაც ქვეყნის კულტურულ და სულიერ განვითარებაში განსაკუთრებული როლი შეასრულა.
პარალელურად, ალექსანდრე ჭავჭავაძის სახლ-მუზეუმის საგამოფენო სივრცეში ქართველი მხატვრის, გიგა დათუაშვილის, ნამუშევრები, ჩანახატები და ჩანაწერები იყო წარმოდგენილი.
გამოფენის დათვალიერება დამთვალიერებლებს მთელი შემოდგომის განმავლობაში შეეძლებათ.
