სტეფანწმინდისა და ხევის ეპარქიაში სამების საპატრიარქო ტაძრის გოგონათა გუნდის კონცერტი გაიმართება
ღონისძიება საქართველოში ქრისტიანობის სახელმწიფო რელიგიად გამოცხადების 1700 წლისთავსა და უწმინდესისა და უნეტარესის ილია II-ის ხსოვნას ეძღვნება.
27 ივნისს, ყაზბეგის მუნიციპალიტეტის მერიისა და საქართველოს საპატრიარქოს მხარდაჭერით, სტეფანწმინდისა და ხევის ეპარქიაში სამების საპატრიარქო ტაძრის სამრევლო (ლია სალაყაიას) სკოლის გოგონათა გუნდის კონცერტი გაიმართება.
ეპარქიებში დაგეგმილი კულტურულ-საგანმანათლებლო ღონისძიებები ეძღვნება საქართველოში ქრისტიანობის სახელმწიფო რელიგიად გამოცხადების 1700 წლის იუბილესა და სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II-ის ხსოვნას.
კონცერტი გაიმართება სნოს საპატრიარქო რეზიდენციაში და დაიწყება 15:00 საათზე. ღონისძიების მუსიკალური ხელმძღვანელია ნონა მახათაძე.
დასწრება თავისუფალია და კონცერტზე დასწრების შესაძლებლობა ყველა მსურველს ექნება.
მართლმადიდებელ ჟურნალისტთა კავშირი წერდა, პატრიარქმა სამების საკათედრო ტაძარში ჩოხოსანთა ანსამბლები „იავნანა“, „მარულა“ და „არტ-იბერი“ დალოცა.
