დღეს, სვეტიცხოვლის ტაძარში შედგება ახალი პატრიარქის ინტრონიზაცია

ა.წ. 11 მაისს, საქართველოს მართლმადიდებელი ეკლესიის XIV გაფართოებულ კრებაზე, რომელსაც საერთო ჯამში 1200 დელეგატი ესწრებოდა ჩვენი ეკლესიის ყველა ეპარქიიდან, წმინდა სინოდმა სრულიად საქართველოს კათოლიკოს-პატრიარქად 22 ხმით აირჩია მისი მაღალყოვლადუსამღვდელოესობა, საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი).

სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ შიო III-ის აღსაყდრება შედგება 12 მაისს, წმინდა ანდრია პირველწოდებულის საქართველოში შემოსვლის და ყოვლადწმინდა ღვთისმშობლისადმი საქართველოს წილხვდომილობის დღეს, სვეტიცხოვლის საკათედრო ტაძარში.
სადღესასწაულო მსახურება დაიწყება 10 საათზე.

მართლმადიდებელ ჟურნალისტთა კავშირი წერდა, საქართველოს პრეზიდენტი მილოცვის წერილს აქვეყნებს.