სამების საპატრიარქო ტაძარში სრულიად საქართველოს კათოლიკოს-პატრიარქის არჩევნები მიმდინარეობს
გაფართოებული კრების წევრები საქართველოს მართლმადიდებელი ეკლესიის 142-ე პატრიარქს ირჩევენ.
თბილისში, ყოვლადწმინდა სამების საპატრიარქო ტაძარში, ამ წუთებში საქართველოს მართლმადიდებელი ეკლესიის გაფართოებული კრება მიმდინარეობს, სადაც სრულიად საქართველოს კათოლიკოს-პატრიარქს ირჩევენ.
კრებას ესწრებიან წმინდა სინოდის წევრები, სასულიერო პირები და დელეგატები სხვადასხვა ეპარქიიდან. საპატრიარქოში უსაფრთხოების განსაკუთრებული ზომებია მიღებული, ხოლო მედიის წარმომადგენლებისთვის სპეციალური რეგულაციები მოქმედებს.
პატრიარქის არჩევის პროცესი ეკლესიის წესდებისა და საეკლესიო ტრადიციის შესაბამისად ტარდება. კენჭისყრის დასრულების შემდეგ ცნობილი გახდება საქართველოს მართლმადიდებელი ეკლესიის ახალი წინამძღვრის ვინაობა, რის შემდეგაც გაიმართება ინტრონიზაციისთვის მზადების პროცესი.
მართლმადიდებელ ჟურნალისტთა კავშირი წერდა, სამებაში პატრიარქის ტახტის კანდიდატი, მეუფე გრიგოლი მიბრძანდა.
