სიონში ილია II-ის საფლავზე 40 დღის განმავლობაში ყოველდღიური პანაშვიდი აღევლინება
მრევლს ტაძარში შესვლა და პატივის მიგება 08:00-დან 22:00 საათამდე შეეძლება.
საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) ლოცვა-კურთხევით, დღეიდან, 40 დღის განმავლობაში, თბილისის სიონის საპატრიარქო ტაძარში სრულიად საქართველოს კათოლიკოს-პატრიარქის, ილია II-ის საფლავზე ყოველდღიური პანაშვიდები აღევლინება.
სასულიერო პირები მისი უწმინდესობის სულის საოხად პანაშვიდებს მგალობლების თანხლებით გადაიხდიან. პარალელურად, ტაძარში ყოველდღიურად გაგრძელდება ღვთისმსახურებაც.
მრევლს სიონის ტაძარში შესვლა და პატრიარქის საფლავისთვის პატივის მიგება ყოველდღე 08:00-დან 22:00 საათამდე შეეძლება. პანაშვიდები კი განუწყვეტლივ აღევლინება 11:00-დან 16:00 საათამდე და 18:00-დან 22:00 საათამდე.
მართლმადიდებელ ჟურნალისტთა კავშირი წერდა, სიონის ტაძარში ილია II-ის საფლავზე მისვლა 23 მარტიდან იქნება შესაძლებელი.
