გარდაიცვალა სრულიად საქართველოს კათოლიკოს-პატრიარქი ილია II
93 წლის პატრიარქი კლინიკაში, კუჭიდან ძლიერი სისხლდენის გართულების შედეგად გარდაიცვალა.
ღრმა მწუხარებით ვიუწყებით, რომ 93 წლის ასაკში, სრულიად საქართველოს კათოლიკოს-პატრიარქი ილია II გარდაიცვალა.
არსებული ინფორმაციით, პატრიარქი კუჭიდან ძლიერი სისხლდენის გამო 17 მარტს გვიან ღამით კავკასიის მედიცინის ცენტრში გადაიყვანეს. იგი რეანიმაციულ განყოფილებაში მართვით სუნთქვაზე რამდენიმე საათის განმავლობაში იმყოფებოდა, ხოლო მისი ჯანმრთელობის მდგომარეობაზე ექიმთა კონსილიუმი მუშაობდა. მიუხედავად გაწეული ინტენსიური სამედიცინო დახმარებისა, მისი გადარჩენა ვერ მოხერხდა.
ილია II ათწლეულების განმავლობაში საქართველოს სულიერი ლიდერი იყო და განსაკუთრებული როლი შეასრულა ქვეყნის სულიერ და საზოგადოებრივ ცხოვრებაში.
მართლმადიდებელ ჟურნალისტთა სახელით სამძიმარს ვუცხადებთ მის ოჯახს და სრულიად საქართველოს. წმინდათა თანა მართალთასა უფალმა დაუწესოს სამარადისო სასუფეველი.
მართლმადიდებელ ჟურნალისტთა კავშირი წერდა, პატრიარქი ილია II კლინიკაში გადაიყვანეს — მდგომარეობა საყურადღებოა.
