პატრიარქი ილია II კლინიკაში გადაიყვანეს — მდგომარეობა საყურადღებოა
კავკასიის მედიცინის ცენტრის ინფორმაციით, პატრიარქი რეანიმაციაშია მოთავსებული; ჯანმრთელობის მდგომარეობა პრობლემურია, თუმცა ამ ეტაპზე სტაბილური.
ჯანმრთელობის მდგომარეობის მოულოდნელი გართულების გამო, მისი უწმინდესობა და უნეტარესობა, სრულიად საქართველოს კათოლიკოს-პატრიარქი ილია II კავკასიის მედიცინის ცენტრში გადაიყვანეს.
კლინიკის წარმომადგენლის განცხადებით, პატრიარქი სამედიცინო დაწესებულებაში კუჭიდან მასიური სისხლდენის დიაგნოზით შეიყვანეს. მას უკვე ჩაუტარდა შესაბამისი სამკურნალო და დიაგნოსტიკური პროცედურები და ამჟამად კრიტიკული რეანიმაციის დეპარტამენტში იმყოფება.
„პატრიარქი შემოყვანილია კუჭიდან მასიური სისხლდენით, მას ჩაუტარდა შესაბამისი სამკურნალო დიაგნოსტიკური პროცედურები. მოთავსებულია კრიტიკული რეანიმაციის დეპარტამენტში. მდგომარეობა საყურადღებოა — ჰემოდინამიკა არასტაბილური გვაქვს“, — აღნიშნავს კავკასიის მედიცინის ცენტრი ტელეკომპანია „იმედთან“ საუბარში.
მიუხედავად ამისა, გავრცელებული ინფორმაციით, მისი მდგომარეობა პრობლემურია, თუმცა ამ ეტაპზე სტაბილურად ფასდება.
გთხოვთ, ვილოცოთ პატრიარქის ჯანმრთელობისთვის!
მართლმადიდებელ ჟურნალისტთა კავშირი წერდა, ზუგდიდისა და ცაიშის ეპარქიის მილოცვა ილია II-ს აღსაყდრებიდან 48-ე წლისთავთან დაკავშირებით.
