მიტროპოლიტმა ანდრიამ გორში სამღვდელოების კრება გამართა

17 მარტი 16:01

ავტორი: ახალი ამბები

სამღვდელოების კრება გიორგი მთაწმინდელის სახელობის გორის გიმნაზიის სააქტო დარბაზში. ფოტო: ეპარქიის გვერდი

შეხვედრაზე განიხილეს მიმდინარე აქტუალური საკითხები და სამომავლო გეგმები.

ორშაბათს, 16 მარტს, ღირსი მამა გიორგი მთაწმინდელის სახელობის გორის გიმნაზიის სააქტო დარბაზში მიტროპოლიტმა ანდრიამ სამღვდელოების კრება ჩაატარა.

შეხვედრას ესწრებოდნენ გორისა და ატენის, ასევე სამთავისისა და კასპის ეპარქიების სამღვდელო დასის წარმომადგენლები.

ამ თემაზე გორში მართლმადიდებლობის ზეიმი საზეიმო ლიტანიობით აღინიშნა

კრების ფარგლებში განხილულ იქნა ეკლესიური ცხოვრების მიმდინარე აქტუალური საკითხები, ასევე დაისახა სამომავლოდ განსახორციელებელი გეგმები და პრიორიტეტები. მონაწილეებმა იმსჯელეს ეპარქიებში მიმდინარე პროცესებზე და ყურადღება გაამახვილეს ერთობლივი საქმიანობის მნიშვნელობაზე.

მართლმადიდებელ ჟურნალისტთა კავშირი წერდა, გორის საკათედრო ტაძარში დიდი მარხვის პირველი შვიდეულის მსახურება აღევლინა.

0 0