სომხეთში დააკავეს არაგაწოტნის ეპარქიის ეპისკოპოსი და 12 სასულიერო პირი
ეჩმიაძინის საკათედრო ტაძრის განცხადებით, ხელისუფლების ქმედებები მიზნად ისახავს ეკლესიის დისკრედიტაციასა და რელიგიური თავისუფლების შელახვას.
სომხეთში ჩხრეკა ჩატარდა არაგაწოტნის ეპარქიის რეზიდენციაში, ეპარქიის წინამძღვრებისა და მღვდლების საცხოვრებელ სახლებში. დაკავებულია 12 სასულიერო პირი, მათ შორის — არაგაწოტნის ეპარქიის წინამძღვარი, ეპისკოპოსი მკრტიჩ პროშიანი, ასევე ეპარქიის ბუღალტერი და მდივანი. წერს მჟკ Armenian News-NEWS.am- საიტზე დაყრდნობით.
ეჩმიაძინის საკათედრო ტაძრის მიერ გავრცელებულ განცხადებაში აღნიშნულია, რომ ეს შემთხვევა წარმოადგენს სომხეთის ხელისუფლების „სისტემური ანტიეკლესიური კამპანიის კიდევ ერთ გამოვლინებას“.
„ქმედებები აშკარად აჩვენებს ბოროტ განზრახვას, ხელი შეუშალოს ეკლესიის ნორმალურ ფუნქციონირებას, შელახოს მისი რეპუტაცია და დანერგოს შიში სასულიერო პირებში, მორწმუნეებსა და ფართო საზოგადოებაში. ვერანაირი ინტრიგა, მუქარა ან რეპრესია ვერ დააშინებს სასულიერო პირებსა და მორწმუნეებს,“ — ნათქვამია განცხადებაში.
სომხეთის საგამოძიებო კომიტეტის ინფორმაციით, სასულიერო პირები დაკავებულნი არიან სისხლის სამართლის საქმის ფარგლებში, რომელიც უკავშირდება სამსახურებრივი უფლებამოსილების გამოყენებას შეკრებისთვის ხელის შეშლის ან მასში მონაწილეობის იძულების მიზნით.
ეჩმიაძინის თქმით, აღნიშნულმა ქმედებებმა ფაქტობრივად ჩაშალა ეპარქიის საქმიანობა, უხეშად დაარღვია რელიგიური თავისუფლების უფლება და შეურაცხყო მორწმუნეთა გრძნობები.
მართლმადიდებელ ჟურნალისტთა კავშირი წერდა, არქიმანდრიტი დოროთე ყურაშვილი სოციალურ ქსელში წერს „მთავრობას უნდა ვაჩვენოთ, რომ არც ისე ცოტანი ვართ".
