ზურაბ პატარაძემ ოჯახთან ერთად მარიამობის დიდებული დღესასწაული აღნიშნა

ბათუმისა და ლაზეთის მიტროპოლიტი დიმიტრი და აჭარის მთავრობის თავმჯდომარემ ზურაბ პატარაძე

აჭარის მთავრობის თავმჯდომარემ, ზურაბ პატარაძემ, ოჯახთან ერთად ყოვლადწმინდა ღვთისმშობლის მიძინების — მარიამობის დიდებული დღესასწაული ბათუმისა და ლაზეთის მიტროპოლიტ დიმიტრის ლოცვა-კურთხევით აღნიშნა.

ზურაბ პატარაძემ მარიამობის დღესასწაული სრულიად საქართველოსა და აჭარის რეგიონის მოსახლეობას მიულოცა და აღნიშნა, რომ ეს დღე მართლმადიდებლურ სამყაროში განსაკუთრებული სულიერი მნიშვნელობით გამოირჩევა.

„მართლმადიდებლური სამყაროს 12 უდიდეს დღესასწაულთა შორის მარიამობას განსაკუთრებულად ზეიმობენ. ვულოცავ სრულიად საქართველოს და ჩვენი რეგიონის მოსახლეობას ღვთისმშობლის მიძინების დიდებულ დღესასწაულს, რომელიც ყოველთვის იყო და იქნება სულიერი ამაღლების, სათნოების, სიყვარულისა და დიდი იმედის სიმბოლო.

ღვთისმშობელი მარიამი იყოს ჩვენი ქვეყნისა და თითოეული ოჯახის მფარველი“, — აღნიშნა ზურაბ პატარაძემ.

ყოვლადწმინდა ღვთისმშობლის მიძინების დღესასწაული საქართველოს მართლმადიდებელი ეკლესიისთვის ერთ-ერთი უმნიშვნელოვანესი და გამორჩეული დღეა, რომელსაც მორწმუნეები განსაკუთრებული სულიერი ზეიმითა და ლოცვით აღნიშნავენ.

მართლმადიდებელ ჟურნალისტთა კავშირი წერდა, ბათუმისა და ლაზეთის მიტროპოლიტმა დიმიტრიმ კურსდამთავრებულები ოქროს მედლით დააჯილდოვა.

წაიკითხეთ ასევე