საქართველოს პრემიერ-მინისტრი საეკლესიო დელეგაციების წარმომადგენლებს შეხვდა
შეხვედრაზე უირადღბა გამახვილდა საქართველოს ეკლესიის განსაკუთრებულ როლზე ქვეყანაში სულიერი ღირებულებების შენარჩუნებისა და განმტკიცების საქმეში.
საქართველოს პრემიერ-მინისტრი ირაკლი კობახიძე შეხვდა იმ საეკლესიო დელეგაციების ხელმძღვანელებს, რომლებიც ქვეყანას ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილ საერთაშორისო სიმპოზიუმში მონაწილეობის მისაღებად ეწვივნენ.
შეხვედრისას საქართველოს პრემიერ-მინისტრმა მადლობა გადაუხადა საეკლესიო დელეგაციების ხელმძღვანელებს საქართველოში ვიზიტისთვის და ხაზი გაუსვა სიმპოზიუმის მუშაობაში მათ მონაწილეობას.
განსაკუთრებული ყურადღება გამახვილდა საქართველოს ეკლესიის გადამწყვეტ როლზე ქვეყნის სულიერი ღირებულებების დაცვასა და განმტკიცებაში. ამ კონტექსტში ხაზგასმით აღინიშნა სრულიად საქართველოს კათოლიკოს-პატრიარქის, უწმიდესისა და უნეტარესის, ილია II-ის მრავალწლიანი ღვაწლი ეკლესიის საქმიანობასა და ქართველი ხალხის სულიერ ცხოვრებაში.
მართლმადიდებელ ჟურნალისტთა კავშირი წერდა, მართლმადიდებელი ეკლესიების წარმომადგენლებმა თბილისის ტაძრები მოილოცეს.
