გერმანელმა თეოლოგმა დაგმო სვიატოგორსკის ლავრის ბერის მკვლელობა
გერმანელმა თეოლოგმა სვიატოგორსკის ლავრაზე თავდასხმის დამოუკიდებელი გამოძიების ჩატარება მოითხოვა.
გერმანელმა პროტესტანტმა თეოლოგმა, დოქტორმა ჰაინრიხ დერკსენმა, მკაცრად დაგმო ბერი ბარსანოფის მკვლელობა სვიატოგორსკის ლავრაში. ცნობილმა თეოლოგმა, ბონის ბიბლიური სემინარიის რექტორმა, ეკლესიის ისტორიის პროფესორმა და კიოლნის ევანგელისტური ეკლესიის უფროსმა პასტორმა, გერმანიაში მართლმადიდებელ ჟურნალისტთა კავშირის რედაქციასთან ინტერვიუში მონასტერზე თავდასხმასთან დაკავშირებით კომენტარი გააკეთა.
ჰაინრიხ დერკსენი შოკირებული იყო მონასტერზე სასტიკი თავდასხმით. თეოლოგმა ხაზი გაუსვა რელიგიური ძალადობის მიუღებლობას თანამედროვე სამყაროში. „დიდი შოკით შევიტყვე ბერი ბარსანოფის ძალადობრივი სიკვდილისა და სხვების მძიმე დაზიანებების შესახებ სვიატოგორსკის ლავრაში. ადამიანების მიმართ ძალადობის ნებისმიერი ფორმა მათი რწმენის გამო მტკიცედ უნდა იქნას დაგმობილი“.
გერმანელი თეოლოგის თქმით, სახელმწიფო სტრუქტურებმა უნდა უზრუნველყონ მორწმუნეთა უსაფრთხოება სამხედრო კონფლიქტის პერიოდშიც კი.
„ხელისუფლებამ უნდა უზრუნველყოს რელიგიის თავისუფლება, ასევე ქრისტიანული თემებისა და მათი სულიერი ინსტიტუტების დაცვა ომისა და სოციალური არეულობის დროს“, - აღნიშნა დერკსენმა. „ექსპერტებმა დამოუკიდებლად და სრულად უნდა გამოიძიონ ამ დანაშაულის გარემოებები და სასამართლოებმა პასუხისგებაში მისცენ დამნაშავე პირები“.
დერკსენმა ასევე აღნისნა, რომ ყველა მორწმუნემ უნდა გადადგას პრაქტიკული ნაბიჯები დაზარალებულების დასახმარებლად. „როგორც ქრისტიანებმა, ჩვენ უნდა დავეხმაროთ დაზარალებულებს და მათ ახლობლებს, ვილოცოთ დაჭრილებისთვის და წინ აღვუდგეთ სიძულვილის, წაქეზებისა და რელიგიური დისკრიმინაციის ნებისმიერ ფორმას“, - დაასკვნა გერმანელმა პასტორმა.
მართლმადიდებელ ჟურნალისტთა კავშირი წერდა, იერუსალიმის ეპისკოპოსი: სვიატოგორსკში ბერის მკვლელები უნდა დაისაჯონ.
