სრულიად საქართველოს კათოლიკოს-პატრიარქი შიო III პარლამენტში პრემიერ-მინისტრის ყოველწლიურ მოხსენებას დაესწრო
ირაკლი კობახიძე პარლამენტში სამთავრობო პროგრამის შესრულების შესახებ ყოველწლიურ ანგარიშს წარადგენს — მოხსენებით საგაზაფხულო სესია ოფიციალურად დაიხურება.
სრულიად საქართველოს კათოლიკოს-პატრიარქი შიო III საქართველოს პარლამენტში მივიდა, სადაც პრემიერ-მინისტრ ირაკლი კობახიძის ყოველწლიურ მოხსენებას ესწრება.
პრემიერ-მინისტრი პარლამენტის წინაშე სამთავრობო პროგრამის შესრულების შესახებ ყოველწლიურ ანგარიშს წარადგენს. საქართველოს კანონმდებლობის შესაბამისად, მთავრობის მეთაური საკანონმდებლო ორგანოს გაწეული საქმიანობის შედეგებს აცნობს და დეპუტატების შეკითხვებს პასუხობს.
წლევანდელი მოხსენება განსაკუთრებული მნიშვნელობისაა, რადგან სწორედ ამ სხდომით პარლამენტის საგაზაფხულო სესია ოფიციალურად იხურება.
პატრიარქი შიო III პარლამენტის სასესიო დარბაზში პარლამენტის თავმჯდომარე შალვა პაპუაშვილთან ერთად შევიდა. სხდომაზე ესწრებოდნენ პარლამენტის წევრები, მთავრობის წარმომადგენლები და სხვა მოწვეული სტუმრები.
ადრე მართლმადიდებელ ჟურნალისტთა კავშირი წერდა, შიო III 28 ივნისს აბიტურიენტებს დალოცავს.
