შიო III-მ აჭარის ხელისუფლების წარმომადგენლები მიიღო
საქართველოს საპატრიარქოში გამართულ შეხვედრაზე ქვეყნისა და აჭარის რეგიონში მიმდინარე საკითხები განიხილეს.
5 ივნისს, 14:00 საათზე, საქართველოს საპატრიარქოში უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ცხუმ-აფხაზეთის მიტროპოლიტმა შიო III-მ ბათუმისა და ლაზეთის მიტროპოლიტ დიმიტრისთან ერთად აჭარის მთავრობის თავმჯდომარე ზურაბ პატარაძე მეუღლესთან ერთად, ასევე აჭარის უმაღლესი საბჭოს თავმჯდომარე ცოტნე ანანიძე მიიღო.
შეხვედრა საქართველოს პატრიარქის აღსაყდრების შემდეგ პირველად გაიმართა. მხარეებმა ქვეყანაში და აჭარის რეგიონში მიმდინარე პროცესები, არსებული გამოწვევები და სამომავლო თანამშრომლობის საკითხები განიხილეს.
ამავე დღეს ბათუმისა და ლაზეთის მიტროპოლიტმა დიმიტრიმ სიონის საკათედრო ტაძარში უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის საფლავზე სულის მოსახსენებელი პანაშვიდი აღასრულა.
საქართველოს საპატრიარქოში გამართული შეხვედრა ეკლესიისა და სახელმწიფო ინსტიტუტების თანამშრომლობის მნიშვნელობას კიდევ ერთხელ უსვამს ხაზს.
მართლმადიდებელ ჟურნალისტთა კავშირი წერდა, ეროვნული ბანკი საკოლექციო მონეტებს გამოუშვებს.
