გელათის სასულიერო აკადემიაში სტუდენტთა სასწავლო-შემეცნებითი კონფერენცია გაიმართა

2026 წლის 4 მარტს გელათის სასულიერო აკადემიისა და სემინარიის წმიდა მეფე დავით აღმაშენებლის სახელობის საკონფერენციო დარბაზში დოგმატიკისა და პატრისტიკის კათედრის ხელმძღვანელობით გაიმართა სტუდენტთა სასწავლო-შემეცნებითი კონფერენცია.

კონფერენციის მიზანი იყო სტუდენტთა აკადემიური და კვლევითი უნარების განვითარება, დოგმატიკური ღვთისმეტყველებისა და პატრისტიკის საკითხების სიღრმისეული გააზრება და ეკლესიის სწავლების აქტუალური თემების განხილვა.

ღონისძიებაზე მოხსენებები წარმოადგინეს:

* ბაკალავრიატის I კურსის სტუდენტმა ზურაბ შარაშენიძემ თემაზე – „ეკლესიის აპოსტოლარული თვისება“ (ხელმძღვანელი: ნიკოლოზ გვილავა);
* ბაკალავრიატის IV კურსის სტუდენტმა გიორგი ხარატიშვილმა თემაზე – „კანონიკური სამართალი იპოდიაკონთა შესახებ“ (ხელმძღვანელი: გივი ლომიძე);
* მაგისტრატურის II კურსის სტუდენტმა გიორგი დაჩინებერიძემ თემაზე – „წმინდა ილარიონ პიქტავიელის ტრიადოლოგია“ (ხელმძღვანელი: დეკანოზი ბესარიონ ხვისტანი);
* მაგისტრატურის II კურსის სტუდენტმა რომან ართილაყვამ თემაზე – „ღირსი მაკარი დიდის ასკეტურ-ანთროპოლოგიური სწავლება“ (ხელმძღვანელი: კახაბერ კილაძე).

მოხსენებებს მოჰყვა დისკუსია, რომლის დროსაც დამსწრეებმა შეკითხვები დაუსვეს მომხსენებლებს და აზრები გაცვალეს წარმოდგენილი თემების ირგვლივ.

მართლმადიდებელ ჟურნალისტთა კავშირი წერდა, წალენჯიხაში დედის დღე საზეიმოდ აღინიშნა.