კონგოში, კათოლიკურ ეკლესიაში ISIS-მა 34 ადამიანი მოკლა
შეიარაღებულმა მებრძოლები ღამით ეკლესიას თავს დაესხნენ და მძინარე მრევლი მაჩეტეებითა და ცეცხლსასროლი იარაღით მოკლეს.
2025 წლის 27 ივლისს, ISIS-თან დაკავშირებულმა მებრძოლებმა კონგოს დემოკრატიული რესპუბლიკის აღმოსავლეთით, ქალაქ კომანდაში კათოლიკურ ეკლესიას თავს დაესხნენ. ადგილობრივი ხელისუფლების ცნობით, თავდასხმის შედეგად სულ მცირე 34 ადამიანი დაიღუპა, ხოლო 15 დაიჭრა. Sky News-ის ცნობით, რამდენიმე ადამიანი დღემდე დაკარგულად ითვლება.
თავდასხმაზე პასუხისმგებლობა ისლამისტურ დაჯგუფებას „მოკავშირე დემოკრატიული ძალები“ (ADF) ეკისრება, რომელიც რეგიონში მოქმედებს და 2018 წლიდან ISIS-თან კავშირს ინარჩუნებს.
„მათ ღამით დაესხნენ თავს“, - თქვა ადამიანის უფლებათა დამცველმა კრისტოფ მუნიანდერუმ, რომელიც თავდასხმის დროს კომანდაში იმყოფებოდა. „თავიდან ხალხს ეგონა, რომ ისინი მძარცველები იყვნენ, მაგრამ შემდეგ ისინი მებრძოლები აღმოჩნდნენ. მათ ეკლესიაში ღამის გათევზავებულები მოკლეს - მაჩეტეებითა და იარაღით“.
სამოქალაქო საზოგადოების კოორდინატორმა დიედონე დურანტაბომ განაცხადა, რომ მსხვერპლთა ცხედრები ტრაგედიის ადგილზე ჯერ კიდევ იმყოფებოდა. „ჩვენ ეკლესიის ტერიტორიაზე მასობრივ საფლავს ვამზადებთ. ესენი იყვნენ მშვიდობიანი მოქალაქეები - უიარაღო, დაღლილი, მუდმივი საფრთხის ქვეშ მყოფი. მტერმა კი მათ ყველაზე დაუცველ მომენტში დაარტყა“, - თქვა მან.
მან ასევე აღნიშნა, რომ თავდასხმა მოხდა ქალაქში, სადაც ოფიციალურად ყველა უსაფრთხოების ძალა იმყოფება. „ჩვენ მოვითხოვთ დაუყოვნებლივ სამხედრო ჩარევას. ჩვენ გვითხრეს, რომ თავდამსხმელები შესაძლოა ჯერ კიდევ ახლოს იყვნენ“, - დასძინა დურანტაბომ.
ადამიანის უფლებათა დამცველების თქმით, ADF ჯგუფი, რომელიც უგანდაში 1990-იანი წლების ბოლოს გამოჩნდა, პასუხისმგებელია კონგოში ათასობით მშვიდობიანი მოქალაქის მკვლელობაზე. იმავე დღეს, ადგილობრივი ცნობების თანახმად, მებრძოლებმა ასევე თავს დაესხნენ მეზობელ სოფელ მაჩონგანიში, სადაც მათ მოკლეს მინიმუმ ხუთი ადამიანი და გაიტაცეს რამდენიმე მშვიდობიანი მოქალაქე. მათი ადგილსამყოფელი უცნობია.
ადრე, მჟკ-მა გაავრცელა ინფორმაცია, რომ ისლამისტებმა სირიაში მოკლეს ქრისტიანი პასტორი და მისი ოჯახის 20 წევრი.
