რუსეთის მართლმადიდებლურმა ეკლესიამ სნაიპერებს დღესასწაული მიულოცა და „ხელის სიმტკიცე“ უსურვა
რუსეთის ეკლესიამ გამოთქვა რწმენა, რომ „სნაიპერს, როგორც არავის, შეუძლია წარმატებას მიაღწიოს შინაგან ლოცვაში“.
მოსკოვის საპატრიარქოს სამხედრო დეპარტამენტმა სნაიპერებს პროფესიული დღესასწაული - სნაიპერის დღე მიულოცა.
რუსეთის მართლმადიდებლური ეკლესიის წარმომადგენლების აზრით, სნაიპერების მიერ მტრის განადგურების საქმე „განასახიერებს წმინდა წერილის სიტყვებს: „იყავი ძლიერი და მამაცი““ (იესო ნავეს ძე 1:6).
მოსკოვის საპატრიარქომ გამოთქვა რწმენა, რომ სნაიპერი, რომელიც საათობით მარტო აკვირდება თავის მსხვერპლს, „როგორც ვერავინ, შეძლებს გულში ლოცვას“.
რუსეთის მართლმადიდებლურმა ეკლესიამ „ლოცვით უსურვა“ ყველა სნაიპერს „მტკიცე ხელი, ღვთის შეწევნა და მფარველი ანგელოზის შუამდგომლობა“.
მჟკ წერდა, რომ უკრაინის მართლმადიდებლური ეკლესიის სუმის ეპარქიის სამხედრო მღვდელი ფრონტის ხაზზე დაიღუპა.
