ამანში იერუსალიმის, ანტიოქიისა და სერბეთის პატრიარქები შეიკრიბნენ
2025 წლის 10 დეკემბერს, ამანის წმინდა მიტროპოლიაში, საერთაშორისო კონფერენციის „აკაბას პროცესი - რელიგიათაშორისი დიალოგი ბალკანეთში“ ფარგლებში მნიშვნელოვანი შეხვედრა გაიმართა.
აღსანიშნავია, რომ კონფერენცია იორდანიის მეფე აბდულა II-ის სპეციალური მოწვევით იმართება ბეთანიაში, იესო ქრისტეს ნათლობის ადგილას, მდინარე იორდანიაში. ინფორმაციას გამოცემა romfea ავრცელებს.
იერუსალიმის პატრიარქმა თეოფილე III-მ, ღაზის პრინცის თანდასწრებით, თბილად მიიღო ანტიოქიის პატრიარქი იოანე და სერბეთის პატრიარქი პორფირიოსი კირიაკუპოლისის წმინდა მიტროპოლიაში.
სხვა მართლმადიდებლური ეკლესიების დელეგაციებთან ერთად, წინამძღოლები ოფიციალურად ეწვივნენ უფლის წარდგენის საკათედრო ტაძარს და წმინდა ნექტარიოსის სამლოცველოს, სადაც სანთელი დაანთეს და პატივი მიაგეს.
მსვლელობას საპატიო ელფერი შესძინეს უფლის წარდგენის საკათედრო ტაძრის სკაუტებმა.
შეხვედრა დასრულდა წმინდა მიტროპოლიის დარბაზში, სადაც საპატიო სტუმრების პატივსაცემად ოფიციალური ვახშამი გაიმართა.
მართლმადიდებელ ჟურნალისტთა კავშირმა ადრე დაწერა, საქართველოს საპატრიარქოს დელეგაცია თეოფილე III-მ მიიღო.
