თბილისის სასულიერო აკადემიაში ფსიქოლოგმა თამარ მირცხულავამ ლექცია წაიკითხა
თბილისის სასულიერო აკადემიაში საჯარო ლექცია ჩატარდა. ფოტო: აკადემიის გვერდი
12 ოქტომბერს თბილისის სასულიერო აკადემიასა და სემინარიაში საჯარო ლექცია წაიკითხა ამავე სასწავლებლის კურსდამთავრებულმა, ფსიქოლოგმა თამარ მირცხულავამ.
მომხსენებელმა განიხილა ერიკ ერიკსონის ფსიქოლოგიური განვითარების სტადიები, რომლებსაც ადამიანი დაბადებიდან ხანდაზმულობამდე გადის. ყურადღება გამახვილდა ასაკობრივ კრიზისებსა და მათი წარმატებით გადაჭრის მნიშვნელობაზე პიროვნების ჯანსაღი განვითარების პროცესში.
ლექციის ფარგლებში ფსიქოლოგმა ისაუბრა დევიაციური ქცევის არსზე, მის გამომწვევ მიზეზებსა და იმ ფაქტორებზე, რომლებიც ადამიანს ამგვარი ქცევისკენ მიდრეკილებას უყალიბებს. შეხვედრაზე ასევე განიხილეს დამნაშავის დასჯის მიზნები, საფუძვლები და საზოგადოებაში მისი რეინტეგრაციის საკითხები.
ლექციის დასასრულს თამარ მირცხულავამ მსმენელები ინტერაქციურ ტესტურ კვლევაში ჩართო. აქტივობა სტუდენტებისთვის საინტერესო და სახალისო აღმოჩნდა და მათ შეხვედრაში უშუალო მონაწილეობის შესაძლებლობა მისცა.
მართლმადიდებელ ჟურნალისტთა კავშირი წერდა, სასულიერო სემინარიაში თეოლოგიის ფაკულტეტის სტუდენტებმა საბაკალავრო ნაშრომები დაიცვეს.
წაიკითხეთ ასევე
საქართველოს პრემიერ-მინისტრი საეკლესიო დელეგაციების წარმომადგენლებს შეხვდა
შეხვედრაზე უირადღბა გამახვილდა საქართველოს ეკლესიის განსაკუთრებულ როლზე ქვეყანაში სულიერი ღირებულებების შენარჩუნებისა და განმტკიცების საქმეში.
უფლისციხეში ეთნოფესტივალი გაიმართება
17–18 ოქტომბერს დაგეგმილი ორდღიანი პროგრამა სამეცნიერო კონფერენციას, ისტორიული სამოსის გამოფენას, ტრადიციული რეწვისა და ეთნოკულინარიის ღონისძიებებსა და გალა-კონცერტს გააერთიანებს.
დეკანოზი ანდრია ჯაღმაიძე ტაძრებში ელექტრონული აპარატების განთავსებაზე
საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებით, იმ ტაძრებში, სადაც ელექტრონული შესაწირი აპარატის განთავსების სურვილი და საჭიროება იქნება, შესაბამის მოწყობილობას ბანკი დაამონტაჟებს.
მართლმადიდებელი ეკლესიების წარმომადგენლებმა თბილისის ტაძრები მოილოცეს
საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით ჩამობრძანებულმა მღვდელმთავრებმა პატრიარქ ილია II-ის საფლავთან პანაშვიდი აღავლინეს.
ქუთაისის სახელმწიფო მუზეუმში ქრისტიანული საგანძურის გამოფენა გაიმართა
საქართველოში ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილ ღონისძიებაში ქუთათელ-გაენათელმა მიტროპოლიტმა იოანემ მიიღო მონაწილეობა.
მიტროპოლიტმა დიმიტრიმ ბათუმის საკათედრო ტაძარში ღვთისმსახურება აღასრულა
10 ოქტომბერს ღვთისმშობლის შობის სახელობის საკათედრო ტაძარში შაბათი დღის მსახურებას მიტროპოლიტი დიმიტრი უძღვებოდა.