ბოდბის ეპარქიაში „ღირებულებითი განათლების“ კლუბებში შეხვედრები გრძელდება
სიღნაღის მუნიციპალიტეტის სოფელ ჯუგაანის საჯარო სკოლაში მოსწავლეებმა თავისუფლების მნიშვნელობასა და მის არსზე იმსჯელეს.
ბოდბის ეპარქიაში საგანმანათლებლო ინიციატივის — „ღირებულებითი განათლების“ ფარგლებში მოსწავლეებთან შეხვედრები გრძელდება.
2026 წლის 9 ნოემბერს დეკანოზმა საბა ნასყიდაშვილმა სიღნაღის მუნიციპალიტეტის სოფელ ჯუგაანის საჯარო სკოლის „ღირებულებითი განათლების“ კლუბის წევრებთან შეხვედრა გამართა.
შეხვედრის თემა იყო „თავისუფლება“. შეხვედრის ფარგლებში მოსწავლეებმა თავისუფლების მნიშვნელობასა და მის არსზე იმსჯელეს, ყურადღება გაამახვილეს ადამიანის ცხოვრებაში თავისუფლების როლსა და მის პასუხისმგებლობასთან განუყოფელ კავშირზე.
„ღირებულებითი განათლების“ კლუბების მიზანია, ბავშვებსა და მოზარდებს დაეხმაროს მნიშვნელოვანი ზნეობრივი და საზოგადოებრივი ღირებულებების გააზრებაში, ჩამოყალიბებასა და განვითარებაში.
ბოდბის ეპარქიაში აღნიშნული ინიციატივა ხელს უწყობს ახალგაზრდებში სულიერი და ზნეობრივი ფასეულობების განმტკიცებას, გააზრებული მსოფლმხედველობის ჩამოყალიბებასა და პასუხისმგებლიანი მოქალაქეობრივი ცნობიერების განვითარებას.
მართლმადიდებელ ჟურნალისტთა კავშირი წერდა: ბოდბის მონასტერი, ქართველთა განმანათლებლის მარადიული სავანე.
