ივერიის ყოვლადწმიდა ღმრთისმშობლის საკათედრო ტაძარში სავედრებელი პარაკლისი აღევლინა
საეკლესიო ახალი წლისა და ახალი სასწავლო წლის დაწყებასთან დაკავშირებით, მიტროპოლიტი გერასიმე სავედრებელ პარაკლისს აღავლენს.
14 სექტემბერს, საეკლესიო ახალი წლისა და ახალი სასწავლო წლის დაწყებასთან დაკავშირებით, ზუგდიდისა და ცაიშის მიტროპოლიტმა გერასიმემ ზუგდიდის ივერიის ყოვლადწმიდა ღმრთისმშობლის სახელობის საკათედრო ტაძარში სავედრებელ პარაკლისი აღავლინა.
სავედრებელ პარაკლისზე მეუფე გერასიმემ სასულიერო პირებთან და მრევლთან ერთად ახალი საეკლესიო წლისა და სასწავლო წლის მშვიდობით, წარმატებითა და ღვთის შეწევნით დაწყებისთვის ილოცა.
ღვთისმსახურება 12:00 საათზე დაიწყო.
მართლმადიდებელ ეკლესიაში 1 სექტემბერი (ძველი სტილით) / 14 სექტემბერი (ახალი სტილით) ინდიქტიონის, ანუ საეკლესიო ახალი წლის დასაწყისად ითვლება. განსხვავებით სამოქალაქო კალენდრისგან, საეკლესიო კალენდარული ციკლი ეფუძნება არა მხოლოდ დროის ასტრონომიულ ათვლას, არამედ ხსნის ისტორიისა და ლიტურგიკული ცხოვრების ღრმა სულიერ საზღვრებს.
მართლმადიდებელ ჟურნალისტთა კავშირი წერდა, წმინდა ნიკოლოზის მშენებარე ტაძარში სამშენებლო სამუშაოების პირველი ეტაპი დასრულდა.
