ბათუმში 17 მაისს ოჯახის სიწმინდის დღისადმი მიძღვნილი მსვლელობა გაიმართება
ბათუმისა და ლაზეთის ეპარქია მართლმორწმუნეებს ღონისძიებაში მონაწილეობისკენ მოუწოდებს.
17 მაისს, ოჯახის სიწმინდის დღისადმი მიძღვნილი ღონისძიებების ფარგლებში, მაღალყოვლადუსამღვდელოესის ბათუმისა და ლაზეთის მიტროპოლიტ დიმიტრის ლოცვა-კურთხევით, ბათუმისა და ლაზეთის ეპარქია საზეიმო მსვლელობას გამართავს.
ეპარქიის ინფორმაციით, დღის 12:00 საათზე ბათუმის ღვთისმშობლის შობის საკათედრო ტაძრის ეზოში შეიკრიბება მრევლი, რის შემდეგაც გაიმართება მსვლელობა.
ღონისძიების ფარგლებში, ბათუმის განმანთავისუფლებელ მეომართა საფლავთან — იუნკერთა საფლავზე — სასულიერო პირები პარაკლისს გადაიხდიან.
ბათუმისა და ლაზეთის ეპარქია ღონისძიებაში მონაწილეობის მისაღებად ყველა მართლმორწმუნეს იწვევს.
მართლმადიდებელ ჟურნალისტთა კავშირი წერდა, სვეტიცხოვლის ტაძრის ეზოში შეკრებილი მღვდელმსახურები და მრევლი პატრიარქს ინტრონიზაციას ულოცავს.
