სამების საკათედრო ტაძარში ილია II-ის სულის მოსახსენიებელი პანაშვიდი ეპისკოპოსებმა შეასრულეს
საქართველოს ეკლესიის მაღალმა იერარქებმა 20 მარტს პატრიარქის ხსოვნას პატივი მიაგეს.
20 მარტს, ყოვლადწმიდა სამების საკათედრო ტაძარში, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის, ილია II-ის სულის მოსახსენიებელი პანაშვიდი საქართველოს ეკლესიის მაღალი იერარქიის წარმომადგენლებმა შეასრულეს.
პანაშვიდი აღასრულეს ბოლნელმა მთავარეპისკოპოსმა ეფრემმა, მროველ-ურბნელმა მიტროპოლიტმა იობმა, მესტიისა და ზემო სვანეთის მიტროპოლიტმა ილარიონმა, ადიშელმა მთავარეპისკოპოსმა დავითმა და მარნეულისა და ჰუჯაბის ეპისკოპოსმა გიორგიმ.
შეგახსენებთ, რომ უწმინდესსა და უნეტარესს საქართველოს 141_ე პატრიარქს ილია II_ს 22 მარტს კვირას, ყოვლადწმინდა ღვთისმშობლის მიძინების სახელობის სიონის საპატრიარქო ტაძარში დაკრძალავენ.
მართლმადიდებელ ჟურნალისტთა კავშირი წერდა, სიონის ტაძარში სამზადისი პატრიარქის სამუდამო განსასვენებლისთვის.
