მაცხოვრის აღდგომის ტაძარში ილია II-ის სულის მოსახსენიებელი პანაშვიდი აღესრულა
სულის მოსახსენიებელი პანაშვიდი აღავლინეს იერუსალიმის საპატრიარქოს მაღალ იერარქებმა.
იერუსალიმში, ქრისტიანობის უწმინდეს ადგილას — მაცხოვრის აღდგომის ტაძარში, სრულიად საქართველოს კათოლიკოს-პატრიარქის, ილია II-ის სულის მოსახსენიებელი პანაშვიდი აღესრულა.
სულის მოსახსენიებელი ლოცვა უშუალოდ გოლგოთაზე, მაცხოვრის ჯვარცმის ადგილზე, აღავლინეს იერუსალიმის საპატრიარქოს მაღალ იერარქებმა: წმინდა ნაწილებისა და სიწმინდეების მცველმა (სკეოფილაქსმა), გერონდა ისიდორემ და აღდგომის ტაძრის წინამძღვარმა, იერაპოლისის მთავარეპისკოპოსმა ისიდორემ.
ეს განსაკუთრებული სულიერი პატივი კიდევ ერთხელ ადასტურებს ჩვენი პატრიარქის უდიდეს ავტორიტეტსა და იმ სულიერ კავშირს, რომელიც მას წმინდა მიწასთან და მსოფლიო მართლმადიდებლობასთან აკავშირებდა.
მართლმადიდებელ ჟურნალისტთა კავშირი წერდა, პარლამენტის სასახლეზე უწმინდესის და უნეტარესის, ილია II-ის ბანერი განთავსდა.
