გურჯაანის ღვთისმშობლის მიძინების მონასტერში მონაზვნად აღკვეცის წესი შესრულდა
მორჩილი ირაკლი ჯანგირაშვილი მონაზვნად აღიკვეცა და სახელად ლაზარე ეწოდა.
2026 წლის 7 მარტს, გურჯაანისა და ველისციხის მთავარეპისკოპოს ექვთიმეს (ლეჟავა) ლოცვა-კურთხევით, გურჯაანის ყოვლადწმინდა ღვთისმშობლის მიძინების სახელობის მამათა მონასტერში მონაზვნად აღკვეცის წესი შესრულდა.
მონასტრის წინამძღვარმა, იღუმენმა რაფაელმა (ხელაშვილი) მონაზვნად აღკვეცა ამავე სავანის მორჩილი ირაკლი ჯანგირაშვილი. აღკვეცის შემდეგ ახალმონაზონს სახელად ლაზარე ეწოდა.
მონაზვნად აღკვეცის საიდუმლო მართლმადიდებლურ ეკლესიაში განსაკუთრებული სულიერი მნიშვნელობის მოვლენაა და იგი ადამიანის სრულად ღმერთისთვის მიძღვნასა და მონაზვნური ცხოვრების გზაზე დადგომას აღნიშნავს. ახალი მონაზონი ლაზარე მონასტრულ ცხოვრებას გურჯაანის ყოვლადწმინდა ღვთისმშობლის მიძინების სახელობის მამათა მონასტერში გააგრძელებს.
მართლმადიდებელ ჟურნალისტთა კავშირი წერდა, რენში მიცვალებულთა საყოველთაო ხსენება და საღვთო ლიტურგია გაიმართება.
