ქარელში წმინდა დიდმოწამე მარინეს სახელობის ახალაგებული ტაძარი აკურთხეს
ტაძრის წინამძღვრად მროველ-ურბნელმა მიტროპოლიტმა იობმა მღვდელ-მონაზონი ეპიფანე (თედიაშვილი) დაადგინა.
ამა წლის 1 მარტს ქარელის მუნიციპალიტეტის სოფელ ახალსოფელში მნიშვნელოვანი საეკლესიო მოვლენა გაიმართა. მროველ-ურბნელმა მიტროპოლიტმა იობმა (აქიაშვილი) აკურთხა წმინდა დიდმოწამე მარინეს სახელობის ახალაგებული ტაძარი.
ტაძრის კურთხევის შემდეგ მეუფე იობმა ტაძრის წინამძღვრად მღვდელ-მონაზონი ეპიფანე (თედიაშვილი) დაადგინა.
ღვთისმსახურების დასასრულს მროველ-ურბნელმა მიტროპოლიტმა იობმა მრევლს მიმართა და ტაძრის აგებაში მონაწილე ყველა ადამიანს მადლობა გადაუხადა. მან ასევე დალოცა სოფლის მოსახლეობა და ახალდადგინებულ წინამძღვარს ნაყოფიერი სამღვდელმსახურო საქმიანობა უსურვა.
მართლმადიდებელ ჟურნალისტთა კავშირი წერდა, ხარაგაულის წმინდა ანდრია პირველწოდებულის სკოლა-გიმნაზიაში ინტელექტუალური თამაშის მეორე ეტაპი გაიმართა.
