ზუგდიდის წმიდა გიორგის გიმნაზიაში ბიბლიის მცოდნეთა ვიქტორინა გაიმართა
ინტელექტუალური კონკურსი „ჩვენ ვსწავლობთ ბიბლიას“ ორ ასაკობრივ კატეგორიაში ჩატარდა და გამარჯვებული გუნდები შემდეგ ტურში გადავიდნენ.
სრულიად საქართველოს კათალიკოს-პატრიარქის ილია II-ის ლოცვა-კურთხევით ზუგდიდის წმიდა გიორგის სახელობის გიმნაზიაში ინტელექტუალური კონკურსი-ვიქტორინა „ჩვენ ვსწავლობთ ბიბლიას“ გაიმართა. ღონისძიება ორ ასაკობრივ კატეგორიაში ჩატარდა და მასში მონაწილეობა მიიღეს როგორც საპატრიარქოს სკოლების, ასევე საჯარო სკოლის მოსწავლეებმა.
ვიქტორინამ თბილ და მეგობრულ გარემოში ჩაიარა. მონაწილეებმა ბიბლიური ტექსტების ცოდნა, ანალიზისა და სწრაფი აზროვნების უნარები წარმოაჩინეს. კონკურსის მიზანი იყო ახალგაზრდებში წმიდა წერილისადმი ინტერესის გაღრმავება, ქრისტიანული ღირებულებების განმტკიცება და გუნდური მუშაობის წახალისება.
დაძაბული და საინტერესო ასპარეზობის შედეგად გამოვლინდა ხუთი გუნდი, რომლებიც მომდევნო ეტაპზე გააგრძელებენ მონაწილეობას.
უფროს ასაკობრივ ჯგუფში შემდეგ ტურში გადავიდნენ:
.ზუგდიდის წმიდა გიორგის სახელობის სკოლა-გიმნაზიის გუნდი „მახარობელი“;
.კახათის წმიდა გიორგის სახელობის სკოლა-გიმნაზიის გუნდი „მრწამსი“;
.ახალაბასთუმნის საჯარო სკოლის გუნდი „თაბორი“.
უმცროს ასაკობრივ ჯგუფში გამარჯვება მოიპოვეს:
.კახათის წმიდა გიორგის სახელობის სკოლა-გიმნაზიის გუნდმა „მრწამსი“;
.ზუგდიდის წმიდა გიორგის სახელობის სკოლა-გიმნაზიის გუნდმა „შობის ვარსკვლავი“.
ვიქტორინა კიდევ ერთხელ ადასტურებს, რომ ახალგაზრდებში ბიბლიის სწავლა და სულიერი განათლება აქტუალურ და მნიშვნელოვან ადგილს იკავებს. ორგანიზატორები აღნიშნავენ, რომ მსგავსი ღონისძიებები მომავალშიც გაგრძელდება და კიდევ უფრო მეტ ახალგაზრდას მისცემს შესაძლებლობას, საკუთარი ცოდნა და უნარები წარმოაჩინოს.
როგორც მართლმადიდებელ ჟურნალისტთა კავშირმა განაცხადა, გამოვიდა წიგნის „საკვირაო სკოლის საუბრები“ მეორე ნაწილი.
