მსოფლიო პატრიარქმა მეორე საერთაშორისო კონფერენცია გახსნა
„თეოლოგია და ტექნოლოგიის ონტოლოგია“ – საერთაშორისო სამეცნიერო კონფერენცია საბერძნეთში.
მართლმადიდებელ ჟურნალისტთა კავშირი იუწყება რომ, 2025 წლის 29 სექტემბერს, საბერძნეთის ქალაქ თესალონიკში, საბერძნეთის უწმინდესი ეკლესიის წმინდა სინოდის მოწვევითა და ჟურნალ „თელოგია“-ს ორგანიზებით გაიმართა მე-2 საერთაშორისო სამეცნიერო კონფერენცია თემაზე – „მართლმადიდებლური თეოლოგია და ტექნოლოგიის ონტოლოგია: ანთროპოლოგიური, პოლიტიკური, ეკონომიკური, სოციალური და კულტურული შედეგები“. ღონისძიებაში მონაწილეობდნენ ეკლესიების წინამძღოლები, იერარქები, მეცნიერები და სტუდენტები მსოფლიოს სხვადასხვა ქვეყნიდან. გახსნითი სიტყვით კონფერენციას მიმართა მსოფლიო პატრიარქმა ბართლომემ. ნათქვამის romfea-ს ოფიციალურ საიტზე.
მსოფლიო პატრიარქმა ბართლომემ, კონფერენციის გახსნისას, განსაკუთრებული ყურადღება გაამახვილა ეკლესიისა და თეოლოგიის ურთიერთობაზე თანამედროვე ტექნოლოგიურ რეალობასთან. მისი სიტყვებით, თეოლოგიის ამოცანაა სახარების უწყების გადაცემა ისეთ ენაზე და ფორმით, რომელიც თანამედროვე კულტურას ესმის, მაგრამ მისი ჭეშმარიტების დამახინჯების გარეშე.
პატრიარქმა აღნიშნა, რომ მართლმადიდებლობას არ შეესაბამება თავდაცვითი და ჩაკეტილი დამოკიდებულება ცივილიზაციის მიღწევების მიმართ. მისი თქმით, ეკლესიის მიზანია სამყაროში ყოფნა და არა მისგან იზოლაცია: „ეკლესიის 'მსოფლიოში' ყოფნა არ ნიშნავს მის სეკულარიზაციას, არამედ პირიქით – მისი მარადიული ჭეშმარიტებების აქტუალურ წარმოდგენას კაცობრიობისთვის“.
ბართლომემ პარალელი გაავლო ისტორიულ გამოცდილებასთანაც: როგორც ნიკეის კრებამ არ მოერიდა ფილოსოფიური ტერმინების გამოყენებას ქრისტიანული სარწმუნოების გამოსახატავად, ასევე დღევანდელი თეოლოგია ვალდებულია ტექნოლოგიურ რეალობასთან დიალოგში შევიდეს, რათა ადამიანებს გაუგებარ ენაზე მიუტანოს სახარების ჭეშმარიტება.
პატრიარქმა ხაზი გაუსვა, რომ ტექნოლოგიების სწრაფი განვითარება კაცობრიობის წინაშე უდიდეს გამოწვევებს აჩენს: ისინი ცვლიან პოლიტიკას, კულტურას, სოციალურ ურთიერთობებსა და თვით ადამიანის ფსიქიკასაც კი. „ტექნოპოლის“ ეპოქაში, როგორც მან აღნიშნა, ეკლესიისა და თეოლოგიის როლი არის ადამიანური არსის დაცვა, მისი თავისუფლებისა და სულიერი ღირსების შენარჩუნება.
ღონისძიება გაგრძელდა ექსპერტთა მოხსენებებით, რომლებიც სხვადასხვა კუთხით შეეხნენ მართლმადიდებლური თეოლოგიისა და თანამედროვე ტექნოლოგიური პროგრესის ურთიერთქმედებას. კონფერენცია კიდევ ერთხელ წარმოაჩენს მართლმადიდებლური ეკლესიის სურვილს, აქტიურად იყოს ჩართული გლობალურ დიალოგში XXI საუკუნის მნიშვნელოვან საკითხებზე.
მჟკ წერდა, მსოფლიო პატრიარქი: ათონის სახლი სულიერი მსახურების ცოცხალი ცენტრია.
