26 სექტემბერი წმიდა ქეთევან დედოფლის ხსენების დღეა
ქართველთა სარწმუნოებისა და ქვეყნის ერთგულების სიმბოლო დედოფალი 1624 წელს შაჰ-აბასის ბრძანებით შირაზში მოწამეობრივად აღესრულა.
26 სექტემბერს საქართველოს მართლმადიდებელი ეკლესია იხსენებს წმიდა ქეთევან დედოფალს, რომლის გმირული ცხოვრება და მოწამეობა ქართველთა სულიერ ისტორიაში განსაკუთრებული მნიშვნელობის მატარებელია.
დედოფალი ქეთევანი მუხრანბატონის ასული და კახეთის მეფე დავითის მეუღლე იყო. ცხოვრების რთულ პოლიტიკურ ვითარებაში მან სარწმუნოებისა და ქვეყნის ერთგულება ბოლომდე შეინარჩუნა. მიუხედავად შაჰ-აბასის მრავალი ზეწოლისა და ცდუნებისა, წმიდა დედოფალმა უარი თქვა რწმენის უარყოფაზე. 1624 წელს, შირაზში, წარმოუდგენელი წამების შემდეგ, ის მოწამეობრივად აღესრულა და ქრისტიანული ერთგულების მარადიულ მაგალითად დარჩა.
ქეთევან დედოფალი დაახლოებით 1570 წელს დაიბადა. მისი მეუღლე, კახეთის მეფე დავითი, ახალგაზრდა ასაკში გარდაიცვალა, რის შემდეგაც ქეთევანი შვილებითა და სამეფოს საქმის ზრუნვით დარჩა. პოლიტიკურად დაძაბულ ვითარებაში შაჰ-აბასმა იგი მძევლად შირაზში გააგზავნა, სადაც დედოფალი ათი წლის განმავლობაში „საპატიო ტყვეობაში“ იმყოფებოდა.
1624 წელს, რწმენის უარყოფაზე კატეგორიული უარის გამო, შაჰის ბრძანებით ქეთევანი სასტიკად აწამეს: მას ცეცხლითა და რკინის იარაღებით სხეული დუწვეს.წამების მხილველმა ფრანგმა მის წმიდა ნაწილებს პატივისცემით მოუარა და კახეთის მეფეს, თეიმურაზს გადაუგზავნა.
მართლმადიდებელ ჟურნალისტთა კავშირი წერდა, გიორგი ჭყონდიდელის ხსენების დღე — მეფე დავით აღმაშენებლის მარჯვენა ხელი.
