პოლონელი კლირიკოსი: უნიატები იზიდავენ უკრაინელებს და თავს მართლმადიდებლებად ასაღებენ
უბკე-ის მღვდლები პოლონეთში უკრაინელი დევნილებისთვის სამრევლოებს აყალიბებენ და თავს მართლმადიდებლებად ასაღებენ.
პოლონეთის ეკლესიის მღვდელმა მარეკ ბონიფატიუკმა არქიეპისკოპოს იონას ფეისბუქის პოსტის კომენტარში განაცხადა, რომ უბკე-ის კლირიკოსები პოლონეთში უკრაინელი დევნილებისთვის სამრევლოებს აყალიბებენ და როგორც მართლმადიდებლები, ისე პოზიციონირებენ.
„აქ, პოლონეთში, რომის კათოლიკურ ეკლესიებში ქმნიან მოძღვართა ცენტრებს. იგივე მოხდა ჩემს ქალაქში და გერმანულ ნაწილშიც. კვირას იქ და ორ სხვა ქალაქში ახალგაზრდა უკრაინელი მღვდელი ატარებს ლიტურგიას. ის იწვევს უკრაინელებს და არ ამბობს, რომ ბერძენ კათოლიკთა მიმდევარია. დევნილები მიდიან იქ და წერენ, რომ დადიან უკრაინის მართლმადიდებელ ეკლესიაში. ეს მატყუარა არც აღნიშნავს, თუ რა ეკლესიაა ეს“, - დაწერა მამა მარეკმა და დაამატა, რომ „მგლები ცხვრის ტყავებში გზააბნეულ ცხვრებს იპარავენ“.
მანამდე მჟკ წერდა, რომ უბკე-ის მეთაურმა სვიატოსლავ შევჩუკმა უკრაინის ხელისუფლებას მოუწოდა ებრძოლოს უმე-ს სამრევლოებს საზღვარგარეთ.
