რუმინეთში 60 000-ზე მეტმა ადამიანმა თაყვანი სცა წმინდა იოანე ოქროპირის ნეშტს
მორწმუნეები ოჯახებთან ერთად მივიდნენ, ბევრი მათგანი რამდენიმე საათის განმავლობაში ელოდა რიგში, რათა ელოცათ ჯანმრთელობისთვის, სიმშვიდისა და სულიერი ნუგეშისთვის.
11-დან 16 ივლისამდე, მთელი ქვეყნის მასშტაბით 60 000-ზე მეტმა მორწმუნემ თაყვანი სცა წმინდა იოანე ოქროპირის წმინდა ნაწილებს ბუქარესტში, იტყობინება რუმინეთის საპატრიარქოს ვებგვერდი.
სიწმინდე ათონის მთაზე მდებარე ვატოპედის მონასტრიდან ჩამოიტანეს და ბუქარესტის საპატრიარქო ტაძარში რუმინეთის დედაქალაქის მფარველი წმინდანის, წმინდა დიმიტრი ბასარაბოველის, მოციქულთა თანასწორი წმინდანების კონსტანტინესა და ელენეს და წმინდა ნექტარიოს ეგინელის რელიქვიების გვერდით დაასვენეს.
მომლოცველობა წმინდა დიმიტრის ხსოვნის აღნიშვნას დაემთხვა. სასულიერო პირებისა და ხელისუფლების შეფასებით, სიწმინდეებს ყოველ ოთხ საათში 7 000-მდე ადამიანი თაყვანს სცემდა. მორწმუნეები ოჯახებთან ერთად მოვიდნენ, ბევრი მათგანი რამდენიმე საათის განმავლობაში ელოდა რიგში, რათა ელოცათ ჯანმრთელობისთვის, სიმშვიდისა და სულიერი ნუგეშისთვის. ზოგი რამდენჯერმე სცემდა თაყვანს სიწმინდეს.
მომლოცველობის დროს ბევრმა ავადმყოფმა წმინდანს განკურნება სთხოვა. ვატოპედის მონასტრის წინამძღვარმა, არქიმანდრიტმა ეფრემმა, გაიხსენა, რომ მონასტრის უძველეს ხელნაწერებში წმინდანის პატიოსანი თავის გადასვენების დროს აღსრულებული სასწაულების მტკიცებულებებია.
მღვდლების თქმით, რუმინეთში სიწმინდის ჩამობრძანებამ ბევრი ადამიანის რწმენა აღადგინა: „ჩვენ ვხედავთ, რომ ხალხმა ღმერთი არ დაივიწყა. რიგში ახალგაზრდებიც კი დგანან“, - თქვა დეკანოზმა ადრიან მედესანმა.
წმინდა ნაწილების ჩამობრძანება დაემთხვა წმინდა დიმიტრი ბასარაბოველის წმინდა ნაწილების ბუქარესტში გადასვენების 251-ე წლისთავს.
ადრე, მჟკ-მა დაწერა, რომ რუმინეთის ეკლესია 16 თანამედროვე წმინდანს წმინდანად შერაცხავს.
