აშშ-ში ტრანსგენდერ მოცურავეს ჩემპიონატის სტატუსი ჩამოართვეს
სპორტული მიღწევების გაუქმების გარდა, უნივერსიტეტი საჯაროდ მოუხდის ბოდიშს ქალებს, რომლებიც შეჯიბრებებში ტრანსგენდერმა სპორტსმენმა დაამარცხა.
პენსილვანიის უნივერსიტეტმა ოფიციალურად გააუქმა ტიტულები და რეკორდები ტრანსგენდერ სპორტსმენს, რომელიც ცნობილია სახელით ლია ტომასი, რომელიც ადრე მონაწილეობდა ქალთა ცურვის შეჯიბრებებში, მიუხედავად იმისა, რომ ბიოლოგიურად მამაკაცია.
ეს გადაწყვეტილება მიღებულ იქნა პრეზიდენტ დონალდ ტრამპის ადმინისტრაციის მიერ პროპაგანდირებული ფედერალური პოლიტიკის ზეწოლის ქვეშ, რომელიც მოითხოვს საგანმანათლებლო დაწესებულებებისგან განასხვავონ მამაკაცთა და ქალთა სპორტული შეჯიბრებები ბიოლოგიური სქესის მიხედვით და არა „გენდერული იდენტობის“ მიხედვით.
თომასის სპორტული მიღწევების გაუქმების გარდა, უნივერსიტეტი საჯაროდ მოუხდის ბოდიშს ყველა ბიოლოგიურ ქალს, რომლებიც შეჯიბრებებში ტრანსგენდერმა სპორტსმენმა დაამარცხა.
ხელმოწერილი შეთანხმების თანახმად, პენსილვანიის უნივერსიტეტმა აიღო ვალდებულება: ამიერიდან არ დაუშვას ბიოლოგიური მამაკაცების მონაწილეობა ქალთა სპორტულ პროგრამებში; უზრუნველყოს ქალთა გასახდელებსა და სხვა სივრცეებში ექსკლუზიურად ქალებისთვის ხელმისაწვდომობა; ოფიციალურად აღიაროს ბიოლოგიური სქესის განსაზღვრა, როგორც სპორტში მონაწილეობის საფუძველი. ლია თომასმა საზოგადოების აღშფოთება გამოიწვია 2022 წელს, როდესაც ის გახდა პირველი ტრანსგენდერი ადამიანი, რომელმაც NCAA-ს ქალთა ეროვნული კოლეჯის ჩემპიონატი მოიგო შეერთებულ შტატებში. ამან გამოიწვია კრიტიკის ტალღა ქალი სპორტსმენების, საზოგადო მოღვაწეების და ადამიანის უფლებათა დამცველების მხრიდან, რომლებიც ამტკიცებდნენ, რომ მას უსამართლო უპირატესობა ჰქონდა მამაკაცური ფიზიოლოგიის გამო.
უნივერსიტეტის გადაწყვეტილება ტრანსგენდერთა უფლებებსა და ქალთა სპორტის დაცვას შორის დებატებში გარდამტეხ მომენტად ითვლება. ამან შეიძლება გამოიწვიოს მსგავსი ზომების მიღება აშშ-ს სხვა უნივერსიტეტებში და ხელი შეუწყოს დებატების განახლებას საერთაშორისო დონეზე.
მჟკ-მა ადრე გაავრცელა ინფორმაცია, რომ ტრანსგენდერი მამაკაცი შეერთებულ შტატებში „წლის ქალად“ დასახელდა.
